ಮುಂಬೈ: ಬಹುಭಾಷಾ ತಾರೆ ತಾಪ್ಸಿ ಪನ್ನು ಅಭಿನಯದ ಸೈಕಲಾಜಿಕಲ್ ಥ್ರಿಲ್ಲರ್ 'ಬ್ಲರ್'ಸಿನಿಮಾ ಪ್ರೊಡಕ್ಷನ್ ಕೆಲಸ ಮುಗಿಸಿದೆ ಎಂದು ತಯಾರಕರು ಮಂಗಳವಾರ ಘೋಷಿಸಿದ್ದಾರೆ. ಈ ಚಿತ್ರಕ್ಕೆ ಬಿಎ ಪಾಸ್, ಸೆಕ್ಷನ್ 375 ಸಿನಿಮಾ ನಿರ್ದೇಶಿಸಿ ಖ್ಯಾತಿ ಪಡೆದಿದ್ದ ನಿರ್ದೇಶಕ ಅಜಯ್ ಬಹಲ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ.
- " class="align-text-top noRightClick twitterSection" data="
">
'ಬ್ಲರ್' ಸಿನಿಮಾ ಶೂಟಿಂಗ್ ನೈನಿತಾಲ್ನಲ್ಲಿ ನಡೆದಿದೆ. ನೈನಿತಾಲ್ ಚಿತ್ರಕ್ಕೆ ಅತ್ಯವಶ್ಯಕವಾಗಿ ಬೇಕಿದ್ದ ಸೌಂದರ್ಯ ಮತ್ತು ಮಿಸ್ಟರಿಯನ್ನು ಒದಗಿಸಿತು ಎಂದು ಅಜಯ್ ಹೇಳಿದ್ದಾರೆ. ನೈನಿತಾಲ್ ಸರೋವರ, ಮಾಲ್ ರಸ್ತೆ ಮತ್ತು ಇತರ ಪ್ರವಾಸಿ ತಾಣಗಳಲ್ಲಿ ಜನದಟ್ಟಣೆ ಹೆಚ್ಚಾಗುವುದರಿಂದ ಶೂಟಿಂಗ್ಗೆ ಕಷ್ಟವಾಗಲಿದೆ ಎಂಬ ಕಾರಣಕ್ಕೆ ನಾವು ಮಧ್ಯರಾತ್ರಿ ಚಿತ್ರೀಕರಣ ಆರಂಭಿಸಿ ಬೆಳಗ್ಗೆವರೆಗೂ ಶೂಟಿಂಗ್ ಮಾಡುತ್ತಿದ್ದೆವು ಎಂದು ಅಜಯ್ ಹೇಳಿಕೊಂಡಿದ್ದಾರೆ.
ಚಿತ್ರದ ಬಗ್ಗೆ ಮಾತನಾಡುತ್ತಾ, ತಾಪ್ಸಿ, "ಅಂತಿಮವಾಗಿ ಈ ಚಿತ್ರದ ಮೂಲಕ ನಿರ್ಮಾಪಕಿಯಾಗಿ ಹೊರಹೊಮ್ಮಲು ನನಗೆ ಸಂತೋಷವಾಗಿದೆ ಮತ್ತು ಸಹ-ನಿರ್ಮಾಪಕರು ಮತ್ತು ಚಿತ್ರತಂಡದ ಸಹಕಾರದೊಂದಿಗೆ, ಇದು ನನ್ನ ಉತ್ತಮ ಪ್ರಯಾಣ ಎಂಬುದು ನನಗೆ ಖಾತ್ರಿಯಿದೆ" ಎಂದು ಹೇಳಿದ್ದರು.
ಈ ಸೈಕಲಾಜಿಕಲ್ ಥ್ರಿಲ್ಲರ್ ಸಿನಿಮಾ ಕಥೆಯನ್ನು ಪವನ್ ಸೋನಿ ಮತ್ತು ಬಹ್ಲ್ ಹೆಣೆದಿದ್ದು, ಈ ಬ್ಲರ್ ಸಿನಿಮಾ"ಅನಿವಾರ್ಯ ಸಂದರ್ಭಗಳಲ್ಲಿ ಸಿಲುಕಿದ" ಹುಡುಗಿಯ ಕಥೆಯನ್ನು ವಿವರಿಸುತ್ತದೆ. ಈ ಚಿತ್ರದಲ್ಲಿ ತಾಪ್ಸಿ ಪನ್ನು ಗಂಡನ ಪಾತ್ರದಲ್ಲಿ ಗುಲ್ಶನ್ ದೇವಯ್ಯ ನಟಿಸಿದ್ದಾರೆ. ಬ್ಲರ್ ಸಿನಿಮಾವನ್ನು 2022 ರಲ್ಲಿ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ.
ಇದನ್ನೂ ಓದಿ:"ನನಗೆ ಭಯವಾಗಿತ್ತು, ವಿಮಾನದಲ್ಲಿ ಅತ್ತಿದ್ದೆ".. ಕೊರೊನಾ ಬಗ್ಗೆ ಗ್ಲೋಬಲ್ ಐಕಾನ್ ಪ್ರಿಯಾಂಕಾ ಹೇಳಿದ್ದೇನು?
