ಹೈದರಾಬಾದ್ (ತೆಲಂಗಾಣ): ಡೇಟಿಂಗ್ನಲ್ಲಿರುವ ಬಾಲಿವುಡ್ನ ಪ್ರೇಮ ಪಕ್ಷಿಗಳಾದ ಸುಸೇನ್ ಖಾನ್ ಮತ್ತು ಅರ್ಸ್ಲಾನ್ ಗೋನಿ, ಮುಂಬೈ ವಿಮಾನ ನಿಲ್ದಾಣದಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಟರ್ಕಿಯಿಂದ ವಾಪಸಾಗುತ್ತಿದ್ದಂತೆ ಈ ತಾರಾ ಜೋಡಿ ಒಟ್ಟಿಗೆ ಕಾಣಿಸಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಶಾಕ್ ಕೊಟ್ಟರು.
ಸುಸೇನ್ ಅವರು ಲವ್ ಏಕ್ ತರ್ಫಾ ಎಂಬ ಪ್ರಾಜಕ್ಟ್ ನಿಮಿತ್ತ ಅರ್ಸ್ಲಾನ್ ಅವರೊಂದಿಗೆ ಟರ್ಕಿಗೆ ತೆರಳಿದ್ದರು. ಇಂದು ಇಬ್ಬರು ಮುಂಬೈ ವಿಮಾನ ನಿಲ್ದಾಣದಿಂದ ಹೊರ ಬಂದ ದೃಶ್ಯ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಸುಸೇನ್ ಕಪ್ಪು ಬ್ಲೇಜರ್ ಧರಿಸಿದ್ದರೆ, ಅರ್ಸ್ಲಾನ್ ಬಿಳಿ ಗ್ರಾಫಿಕ್ ಟೀ ಶರ್ಟ್ ಮತ್ತು ನೀಲಿ ಬಣ್ಣದ ಡೆನಿಮ್ ಪ್ಯಾಂಟ್ನಲ್ಲಿ ಕಾಣಿಸಿಕೊಂಡರು.
- " class="align-text-top noRightClick twitterSection" data="
">
ಈ ತಾರಾ ಜೋಡಿ ಪ್ರೀತಿಯಲ್ಲಿದ್ದಾರೆ ಎಂದು ಹೇಳಲಾಗುತ್ತಿದ್ದು, ಇದೇ ರೀತಿ ಸಾಕಷ್ಟು ಬಾರಿ ಒಟ್ಟಾಗಿಯೇ ಕಾಣಿಸಿಕೊಂಡಿದ್ದಾರೆ. ಟರ್ಕಿ ತೆರಳುತ್ತಿರುವಾಗಲೂ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಪರಸ್ಪರ ಬರ್ತ್‌ಡೇ ಸಮಯದಲ್ಲಿಯೂ ಅರ್ಸ್ಲಾನ್ ಗೋನಿ ಹಾಗೂ ಸುಸ್ಸಾನೆ ಖಾನ್ ಜಾಲತಾಣದಲ್ಲಿ ಶುಭಾಶಯ ತಿಳಿಸಿದ್ದರು.
ಇನ್ನು ಇತ್ತೀಚೆಗೆ ಅನುಷ್ಕಾ ರಂಜನ್ ಅವರ ಮದುವೆಯ ಸಂಭ್ರಮದಲ್ಲಿಯೂ ಒಟ್ಟಿಗೆ ಕಾಣಿಸಿಕೊಳ್ಳುವ ಮೂಲಕ ತಮ್ಮ ಡೇಟಿಂಗ್ ನಿಜ ಎಂಬುದಕ್ಕೆ ಸಾಕ್ಷಿಯಾಗಿದ್ದರು. ಆದರೆ, ಈ ತಾರಾ ಜೋಡಿ ಈ ವರೆಗೆ ತಮ್ಮ ಡೇಟಿಂಗ್ ಬಗ್ಗೆ ಎಲ್ಲಿಯೂ ಹೇಳಿಕೊಂಡಿಲ್ಲ. ಮಾಧ್ಯಮದಲ್ಲಿ ಮಾತ್ರ ಇವರ ಬಗ್ಗೆ ವದಂತಿಗಳು ಹರಿದಾಡುತ್ತಿವೆ.
ಇದನ್ನೂ ಓದಿ: ಕ್ರೀಡಾಂಗಣಕ್ಕೆ ನುಗ್ಗಿ ವಿರಾಟ್ ಕೊಹ್ಲಿ ಜೊತೆ ಸೆಲ್ಫಿ ತೆಗೆಸಿಕೊಂಡ ನಾಲ್ವರು ಪೊಲೀಸ್ ವಶಕ್ಕೆ
ಸುಸೇನ್ ಈ ಹಿಂದೆ ಹೃತಿಕ್ ರೋಷನ್ ಅವರನ್ನು ಮದುವೆಯಾಗಿದ್ದರು. 17 ವರ್ಷಗಳ ಕಾಲ ವೈವಾಹಿಕ ಜೀವನ ನಡೆಸಿದ ದಂಪತಿ 2014ರಲ್ಲಿ ಡಿವೋರ್ಸ್ ಪಡೆದುಕೊಂಡಿದ್ದಾರೆ. ದಂಪತಿಗೆ ಇಬ್ಬರು ಪುತ್ರರಿದ್ದು ಪರಸ್ಪರ ಹಂಚಿಕೊಂಡಿದ್ದಾರೆ. ಮತ್ತೊಂದೆಡೆ ಹೃತಿಕ್ ಕೂಡ ನಟಿಯೊಬ್ಬರು ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ.
