Raveena Tandon: 1990ರ ದಶಕದಲ್ಲಿ ಬಾಲಿವುಡ್ನಲ್ಲಿ ಕಿಚ್ಚು ಹಚ್ಚಿದವರು ಬಾಲಿವುಡ್ ಬೆಡಗಿ ರವೀನಾ ಟಂಡನ್. ಅಂದಾಜ್ ಅಪ್ನ ಅಪ್ನ, ಮೊಹ್ರಾ, ಲಾಡ್ಲಾ ಮುಂತಾದ ಸಿನಿಮಾಗಳಲ್ಲಿ ಅವರು ಅಭಿನಯಿಸಿದ್ದಾರೆ. 'ತು ಚೀಸ್ ಬಡೀ ಹೈ ಮಸ್ತ್ ಮಸ್ತ್' ಎಂದು ಬಾಲಿವುಡ್ನಲ್ಲಿ ಫೇಮಸ್ ಆಗಿದ್ದ ಅವರನ್ನು ಕನ್ನಡಕ್ಕೆ ಕರೆತಂದವರು ಉಪೇಂದ್ರ.
ಸದ್ಯ ರವೀನಾ ಟಂಡನ್ ಕ್ರೈಂ ಥ್ರಿಲ್ಲರ್ 'ಅರಣ್ಯಕ್' ಎಂಬ ವೆಬ್ ಸೀರೀಸ್ ಮೂಲಕ ಡಿಜಿಟಲ್ಗೆ ಪದಾರ್ಪಣೆ ಮಾಡಲಿದ್ದಾರೆ. ಅಲ್ಲಿ ಅವರು ಕಾಣೆಯಾದ ಮಗುವಿನ ಪ್ರಕರಣವನ್ನು ತನಿಖೆ ಮಾಡುವ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.
ಮಹಿಳಾ ಅಧಿಕಾರಿಗಳು ತಮ್ಮ ಕೆಲಸ ಮತ್ತು ವೈಯಕ್ತಿಕ ಜೀವನದ ನಡುವೆ ಸಮತೋಲನವನ್ನು ಸಾಧಿಸಲು ಪ್ರಯತ್ನಿಸುವಾಗ ಅವರು ಎದುರಿಸುತ್ತಿರುವ ಕಷ್ಟಗಳು ಮತ್ತು ಪೂರ್ವಾಗ್ರಹಗಳನ್ನು ಈ ವೆಬ್ ಸರಣಿ ಪ್ರಸ್ತುತ ಪಡಿಸುತ್ತದೆ. ರವೀನಾ ಟಂಡನ್ ಈ ವೆಬ್ - ಸರಣಿಯ ಟ್ರೈಲರ್ನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: 'ರಾಹುಲ್ ದ್ರಾವಿಡ್ ನನ್ನ ಮೊದಲ ಲವ್': ಬಾಲಿವುಡ್ ನಟಿ ರಿಚಾ ಚಡ್ಡಾ
