ಲಂಡನ್ : ಬಾಲಿವುಡ್ ನಟ ರಣ್ವೀರ್ ಸಿಂಗ್ ಪಾಕ್ ಕ್ರಿಕೆಟ್ ಅಭಿಮಾನಿಯನ್ನು ಸಮಾಧಾನ ಪಡಿಸುತ್ತಿರುವ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಭಾನುವಾರ ಇಲ್ಲಿನ ಮ್ಯಾಂಚೆಸ್ಟರ್ನಲ್ಲಿ ನಡೆದ ಪಂದ್ಯದಲ್ಲಿ ಭಾರತ ತಂಡ ಪಾಕ್ನ ಬಗ್ಗು ಬಡಿದು, ಗೆಲುವಿನ ನಗೆ ಬೀರಿತು. ಈ ವಿಜಯವನ್ನು ಭಾರತೀಯ ಕ್ರಿಕೆಟ್ ಪ್ರೇಮಿಗಳು ಸಡಗರದಿಂದ ಸಂಭ್ರಮಿಸಿದರು. ಆದರೆ, ಪಾಕ್ ಅಭಿಮಾನಿಗಳು ಮಾತ್ರ ತಮ್ಮ ತಂಡವನ್ನು ಶಪಿಸುತ್ತ, ಸಪ್ಪುಮೋರೆ ಹಾಕಿಕೊಂಡು ಕುಳಿತಿದ್ದರು. ಕೆಲ ಅಭಿಮಾನಿಗಳಂತೂ ಕಣ್ಣೀರು ಸುರಿಸುತ್ತಿದ್ದರು.
ಅಂದು ಪಂದ್ಯ ವೀಕ್ಷಿಸಿಲು ಮ್ಯಾಂಚೆಸ್ಟರ್ಗೆ ತೆರಳಿದ್ದ ಗಲ್ಲಿಭಾಯ್ ರಣ್ವೀರ್ ಭಾರತೀಯರ ಜತೆ ಸಂಭ್ರಮದಲ್ಲಿ ತೊಡಗಿದ್ದರು. ಪಂದ್ಯ ಗೆದ್ದ ಎಲ್ಲ ಕ್ರಿಕೆಟ್ ಕಲಿಗಳಿಗೆ ಶುಭಾಶಯಗಳನ್ನು ತಿಳಿಸಿದರು. ಇದೇ ವೇಳೆ ದುಃಖದಲ್ಲಿದ್ದ ಪಾಕ್ ಅಭಿಮಾನಿಯನ್ನು ತಬ್ಬಿಕೊಂಡು ಸಮಾಧಾನ ಕೂಡ ಹೇಳಿದ್ದಾರೆ.
- " class="align-text-top noRightClick twitterSection" data="
">
ಆ ಪಾಕ್ ಅಭಿಮಾನಿಗೆ ಸಮಾಧಾನ ಪಡಿಸಿರುವ ರಣ್ವೀರ್, ಮತ್ತೊಂದು ಅವಕಾಶ ಇದ್ದೇ ಇರುತ್ತೆ. ನೀವು ನಿರಾಶರಾಗಬೇಡಿ. ನಿಮ್ಮ ಹುಡುಗರು ಚೆನ್ನಾಗಿ ಆಡಿದ್ದಾರೆ. ಮುಂದೊಂದು ದಿನ ಅವರೂ ಗೆಲುವು ಪಡೆಯುತ್ತಾರೆ ಎಂದು ಭರವಸೆಯ ನುಡಿಗಳನ್ನಾಡಿದ್ದಾರೆ. ರಣ್ವೀರ್ ಅವರ ಈ ನುಡಿಗಳಿಂದ ಪಾಕ್ ಅಭಿಮಾನಿ ಮುಖದಲ್ಲಿ ಮಂದಹಾಸ ಮೂಡಿದೆ. ಜತೆಗೆ ರಣ್ವೀರ್ ಅವರ ಈ ಕಾರ್ಯಕ್ಕೆ ಎಲ್ಲೆಡೆ ಪ್ರಶಂಸೆ ವ್ಯಕ್ತವಾಗುತ್ತಿದೆ.
