ಮುಂಬೈ: ಆಗಸ್ಟ್ 19ರಂದು ತೆರೆಕಾಣಲಿರುವ ಅಕ್ಷಯ್ ಕುಮಾರ್ ನಟನೆಯ ಬಹುನಿರೀಕ್ಷಿತ ಸಿನಿಮಾ ಬೆಲ್ ಬಾಟಮ್ ಟ್ರೇಲರ್ ರಿಲೀಸ್ ಆಗಿದೆ. ಈ ಚಿತ್ರದಲ್ಲಿ ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರ ಪಾತ್ರಕ್ಕೆ ನಟಿ ಲಾರಾ ದತ್ತಾ ಜೀವ ತುಂಬಿದ್ದಾರೆ. ಚಿತ್ರ ನಿರ್ಮಾಣದ ಸಂದರ್ಭದಲ್ಲಿ ಯಾವ ರೀತಿ ಮೇಕಪ್ ಮಾಡಲಾಗಿತ್ತು ಎಂಬುದನ್ನು ನಟಿ ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ವಿಡಿಯೋ ಹಂಚಿಕೊಂಡಿದ್ದಾರೆ.
"ಇಂತಹ ಮಹತ್ವದ ವ್ಯಕ್ತಿತ್ವಕ್ಕೆ ನಾನು ಬಣ್ಣ ಹಚ್ಚುತ್ತೇನೆ ಎಂದು ಊಹಿಸಿರಲಿಲ್ಲ. ನನ್ನ ರೂಪಾಂತರ ಸ್ಕ್ರೀನ್ ಮೇಲೆ ಕಂಡಾಗ ಅತೀ ಮೆಚ್ಚುಗೆಯಾಯಿತು. ವಾಸ್ತವ ಮತ್ತು ಮೌಲ್ಯಯುತವಾಗಿದೆ ಎಂದನಿಸಿತು" ಎಂದು ಶೀರ್ಷಿಕೆ ನೀಡಿ ಪೋಸ್ಟ್ ಮಾಡಿದ್ದಾರೆ.
- " class="align-text-top noRightClick twitterSection" data="">
ರಂಜಿತ್ ಎಂ. ತಿವಾರಿ ನಿರ್ದೇಶಿಸಿದ ಬೆಲ್ ಬಾಟಮ್ ಸಿನಿಮಾ 1984ರ ಕಾಲದ ಬಗ್ಗೆ ತಿಳಿಸುತ್ತದೆ. ಆ ವರ್ಷ ಆಪರೇಷನ್ ಬ್ಲೂಸ್ಟಾರ್ ಹಾಗೂ ಇಂದಿರಾ ಗಾಂಧಿ ಹತ್ಯೆಯಾಗಿತ್ತು. ಇದಕ್ಕೆ ಸಂಬಂಧಿಸಿದಂತೆ ಚಿತ್ರ ನಿರ್ಮಾಣವಾಗಿದೆ. ಇನ್ನು ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಮತ್ತು ನಟಿ ವಾಣಿ ಕಪೂರ್ ಕೂಡ ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.
