ಕಿಯಾರಾ ನ್ಯೂ ಲುಕ್​ಗೆ ಸಮಂತಾ ಫಿದಾ...!

ಕಿಯಾರ ಅಡ್ವಾಣಿ ಯಾವಾಗಲೂ ತನ್ನ ಅಭಿಮಾನಿಗಳನ್ನು ಸೆಳೆಯುವುದಕ್ಕೆ ಏನಾದರೂ ಮಾಡುತ್ತಲೇ ಇರುತ್ತಾರೆ. ಸದಾ ಸೋಷಿಯಲ್​ ಮೀಡಿಯಾದಲ್ಲಿ ಬ್ಯುಸಿಯಾಗಿರುವ ನಟಿ ಈಗ ಪಡ್ಡೆ ಹುಡುಗರ ನಿದ್ದೆಗೆ ಭಂಗ ತಂದಿದ್ದಾರೆ.

ಟಾಲಿವುಡ್​ ನಟ ವಿಜಯ್​ ದೇವರಕೊಂಡ ಅಭಿನಯದ ಸೂಪರ್​ ರೊಮ್ಯಾಂಟಿಕ್​ ಹಿಟ್​ ಮೂವಿ ‘ಅರ್ಜುನ್​ ರೆಡ್ಡಿ’ ಚಿತ್ರ ಹಿಂದಿ ರಿಮೇಕ್​ ‘ಕಬೀರ್ ಸಿಂಗ್’ ಸಿನಿಮಾ ನೋಡಿದವ್ರಿಗೆ ಕಿಯಾರಾ ಅಡ್ವಾಣಿ ಯಾರು ಅಂತ ಹೇಳ್ಬೇಕಿಲ್ಲ. ಅದ್ರಲ್ಲೂ ಪಡ್ಡೆ ಹುಡುಗರಿಗೆ ಕಿಯಾರಾ ಮನಮೆಚ್ಚಿದ ರಾಣಿಯಾಗಿದ್ದಾಳೆ.

ಕಿಯಾರಾ ತಮ್ಮ ಅಭಿಮಾನಿಗಳನ್ನು ಸೆಳೆಯುವುದಕ್ಕೆ ಒಂದಿಲ್ಲಾ ಒಂದು ಪೋಸ್ಟ್​ ಹಾಕುತ್ತಿರುತ್ತಾರೆ. ಸದಾ ಸೋಷಿಯಲ್​ ಮೀಡಿಯಾದಲ್ಲಿ ಬ್ಯುಸಿಯಾಗಿರುವ ಕಿಯಾರಾದ ಹೊಸ ಪೋಸ್ಟ್​ಗೆ ಅಭಿಮಾನಿಗಳು ಸಖತ್​ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಓದಿ: ಖ್ಯಾತ ಗೀತ ರಚನೆಕಾರ ಅಲೆಪ್ಪಿ ರಂಗನಾಥ್; ಕಥಕ್ ನೃತ್ಯಗಾರ ಪಂಡಿತ್ ಬಿರ್ಜು ಮಹಾರಾಜ್ ಇನ್ನಿಲ್ಲ

ಕಿಯಾರಾ ಅಡ್ವಾಣಿ ತನ್ನ ಇನ್​ಸ್ಟಾಗ್ರಾಂನಲ್ಲಿ ಹರಿಯಬಿಟ್ಟ ಬಿಕಿನಿ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸುತ್ತಿದೆ. ಕಿಯಾರಾ ಫೋಟೋ ಕಂಡು ಪಡ್ಡೆ ಹೈಕ್ಳು ಕ್ಲೀನ್​ ಬೋಲ್ಡ್​ ಆಗಿದ್ದಾರೆ.

ಬಾನಂಗಳದ ಸೂರ್ಯನ ಜೊತೆ ನೀರಿನಲ್ಲಿರುವ ಫೋಟೋವೊಂದು ತೆಗೆದುಕೊಂಡಿರುವ ಕಿಯಾರಾ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಇದರ ಜೊತೆ ‘Seas the day’ (ಸಮುದ್ರದ ದಿನ) ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್​ಗೆ ಸಮಂತಾ ‘ವಾವ್’​ ಎಂದು ಕಮೆಂಟ್​ ಮಾಡಿದ್ದಾರೆ.

ಅಂದಹಾಗೆ ಈ ವರ್ಷದ ಆರಂಭದಲ್ಲಿ ಕಿಯಾರಾ ಅಡ್ವಾನಿ ತನ್ನ ಬಾಯ್​ಫ್ರೆಂಡ್ ಸಿದ್ಧಾರ್ಥ್ ಮಲ್ಹೋತ್ರಾ ಜೊತೆ ಮಾಲ್ಡೀವ್ಸ್​​ಗೆ ಹಾರಿದ್ದರು.