ಯಶ್​, ಅಲ್ಲು ಅರ್ಜುನ್​ ಫೋಟೋ ಶೇರ್​ ಮಾಡಿ ಅಚ್ಚರಿ ಹೇಳಿಕೆ ನೀಡಿದ ಬಾಲಿವುಡ್​ ನಟಿ ಕಂಗನಾ

ದಕ್ಷಿಣ ಭಾರತದ ನಟರಾದ ಯಶ್​ ಮತ್ತು ಅಲ್ಲು ಅರ್ಜುನ್​ ಫೋಟೋವನ್ನು ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಶೇರ್​ ಮಾಡಿಕೊಂಡಿರುವ ನಟಿ ಕಂಗನಾ, "ತಮ್ಮನ್ನು ಭ್ರಷ್ಟಗೊಳಿಸಲು ಬಾಲಿವುಡ್​ಗೆ ಅವರು ಬಿಡಬಾರದು" ಎಂದು ಬರೆದುಕೊಂಡಿದ್ದಾರೆ..

ಎಸ್​​.ಎಸ್​. ರಾಜಮೌಳಿ ನಿರ್ದೇಶನದ ಹಾಗೂ ತೆಲುಗಿನ ಪ್ರಭಾಸ್​ ನಟನೆಯ 'ಬಾಹುಬಲಿ' ಚಿತ್ರದ ಯಶಸ್ಸಿನ ನಂತರ ಇಡೀ ದಕ್ಷಿಣ ಭಾರತದ ಸಿನಿಮಾಗಳಿಗೆ ಬೇಡಿಕೆ ಹೆಚ್ಚಿತು. ಸ್ಯಾಂಡಲ್​ವುಡ್​ನ ಯಶ್​ ನಟನೆಯ ಪ್ಯಾನ್​ ಇಂಡಿಯಾ ಸಿನಿಮಾ 'ಕೆಜಿಎಫ್​' ವಿಶ್ವದೆಲ್ಲೆಡೆ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಇದೀಗ ಟಾಲಿವುಡ್​ನ ಅಲ್ಲು ಅರ್ಜುನ್​ ನಟನೆಯ 'ಪುಷ್ಪ' ಚಿತ್ರ ಕೂಡ ಭಾರೀ ಪ್ರಶಂಸೆಗೆ ಪಾತ್ರವಾಗಿದೆ.

ಬಾಲಿವುಡ್​ ನಟಿ ಕಂಗನಾ ರಣಾವತ್ ದಕ್ಷಿಣ ಭಾರತದ ನಟರಾದ ಯಶ್​ ಮತ್ತು ಬನ್ನಿಯನ್ನು ಹಾಡಿ ಹೊಗಳಿದ್ದಾರೆ. ಅವರಿಬ್ಬರ 'ಕೆಜಿಎಫ್​' ಮತ್ತು 'ಪುಷ್ಪ' ಚಿತ್ರದ ಫೋಟೋಗಳನ್ನು ತಮ್ಮ ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಶೇರ್​ ಮಾಡಿಕೊಂಡಿರುವ ನಟಿ, ದಕ್ಷಿಣ ಚಲನಚಿತ್ರಗಳ ಯಶಸ್ಸು ಮತ್ತು ರಾಷ್ಟ್ರದಾದ್ಯಂತ ಅಲ್ಲಿನ ನಟರ ಜನಪ್ರಿಯತೆ ಹೆಚ್ಚಾಗಲು ಮೂರು ಕಾರಣವನ್ನು ತಿಳಿಸಿದ್ದಾರೆ.

• Kangana Ranaut praises South Industry and South actors on her Insta story #KanganaRanaut #Pushpa #KGFChapter2 pic.twitter.com/Wk59BEUia3

  — Kangana Insta Update 2 (@KR_Insta2) January 23, 2022 " class="align-text-top noRightClick twitterSection" data="

  Kangana Ranaut praises South Industry and South actors on her Insta story #KanganaRanaut #Pushpa #KGFChapter2 pic.twitter.com/Wk59BEUia3

  — Kangana Insta Update 2 (@KR_Insta2) January 23, 2022

  ">

  Kangana Ranaut praises South Industry and South actors on her Insta story #KanganaRanaut #Pushpa #KGFChapter2 pic.twitter.com/Wk59BEUia3

  — Kangana Insta Update 2 (@KR_Insta2) January 23, 2022

"ದಕ್ಷಿಣದ ವಿಷಯ (ಸಿನಿಮಾ ಕಂಟೆಂಟ್​) ಮತ್ತು ಸೂಪರ್‌ಸ್ಟಾರ್‌ಗಳು ಈ ಮಟ್ಟ ತಲುಪಲು ಕಾರಣಗಳೆಂದರೆ 1) ಅವರು ಭಾರತೀಯ ಸಂಸ್ಕೃತಿಯಲ್ಲಿ ಆಳವಾಗಿ ಬೇರೂರಿದ್ದಾರೆ, 2) ಅವರು ತಮ್ಮ ಕುಟುಂಬಗಳನ್ನು ಪ್ರೀತಿಸುತ್ತಾರೆ ಮತ್ತು ಸಂಬಂಧಗಳು ಸಾಂಪ್ರದಾಯಿಕವಾಗಿವೆ ಹೊರತು ಪಾಶ್ಚಿಮಾತ್ಯವಲ್ಲ, 3) ಅವರ ವೃತ್ತಿಪರತೆ ಮತ್ತು ಉತ್ಸಾಹ ಸಾಟಿಯಿಲ್ಲದವು" ಎಂದು ಕಂಗನಾ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಪುಷ್ಪ ಮೊದಲ ಭಾಗಕ್ಕಿಂತಲೂ ಭಾಗ-2 ಅತ್ಯುತ್ತಮವಾಗಿರಲಿದೆ: ಕನ್ನಡ ಬ್ಯೂಟಿ ರಶ್ಮಿಕಾ ಭರವಸೆ

ಅಷ್ಟೇ ಅಲ್ಲ, "ತಮ್ಮನ್ನು ಭ್ರಷ್ಟಗೊಳಿಸಲು ಬಾಲಿವುಡ್​ಗೆ ಅವರು ಬಿಡಬಾರದು" ಎಂದು ಕಂಗನಾ ಹಿಂದಿ ಚಲನಚಿತ್ರೋದ್ಯಮದ ವಿರುದ್ಧವೇ ತಮ್ಮ ನಿಲುವು ತಿಳಿಸಿದ್ದಾರೆ. ಸುಶಾಂತ್​ ಸಿಂಗ್​ ರಜಪೂತ್ ಸಾವಿನ ಬಳಿಕ ಬಾಲಿವುಡ್​ನ 'ನೆಪೋಟಿಸಂ​' ಬಗ್ಗೆ ಕಂಗನಾ ರಣಾವತ್​ ದನಿ ಎತ್ತಿದ್ದರು.

ತಮಿಳುನಾಡು ದಿವಂಗತ ಮುಖ್ಯಮಂತ್ರಿ ಜೆ ಜಯಲಲಿತಾ ಅವರ ಜೀವನಚರಿತ್ರೆ 'ತಲೈವಿ' ಸಿನಿಮಾದಲ್ಲಿ ನಟಿಸಿ ಯಶಸ್ಸು ಗಳಿಸಿರುವ ಕಂಗನಾ, ಮುಂಬರುವ 'ಢಾಕಡ್', 'ತೇಜಸ್' ಮತ್ತು 'ಮಣಿಕರ್ಣಿಕಾ ರಿಟರ್ನ್ಸ್: ದಿ ಲೆಜೆಂಡ್ ಆಫ್ ದಿಡ್ಡಾ' ಚಿತ್ರಗಳಲ್ಲಿ ಕಾಣಿಸಿಕೊಳ್ಳಲ್ಲಿದ್ದಾರೆ.

ಇಲ್ಲೊಮ್ಮೆ ನೋಡಿ - ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ