ಕೇಪ್​ಟೌನ್​ನ ವರ್ಣರಂಜಿತ ಬೀದಿಗಳಲ್ಲಿ ಹೆಜ್ಜೆ ಹಾಕಿದ ನಟಿ ಜೂಹಿ ಚಾವ್ಲಾ

'ಫಿರ್ ಭಿ ದಿಲ್ ಹೈ ಹಿಂದೂಸ್ತಾನಿ' ನಟಿ ಜೂಹಿ ಚಾವ್ಲಾ ಕೇಪ್​ ಟೌನ್​ನ ವರ್ಣರಂಜಿತ ಬೀದಿಗಳಲ್ಲಿ ನಡೆದುಕೊಂಡು ಹೋಗುತ್ತಿರುವ ಫೋಟೋವನ್ನು ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ.

ಮುಂಬೈ/ಮಹಾರಾಷ್ಟ್ರ: ಬಾಲಿವುಡ್ ತಾರೆ ಜೂಹಿ ಚಾವ್ಲಾ ಕೇಪ್​ ಟೌನ್​ನ ವರ್ಣರಂಜಿತ ಬೀದಿಗಳಲ್ಲಿ ನಡೆದುಕೊಂಡು ಹೋಗುತ್ತಿರುವ ಫೋಟೋವನ್ನು ಟ್ವಿಟರ್​ನಲ್ಲಿ ಶೇರ್​ ಮಾಡಿದ್ದಾರೆ.

ವರ್ಣರಂಜಿತ ಕರಕುಶಲ ವಸ್ತುಗಳು ಮತ್ತು ಆರ್ಟ್ ಗ್ಯಾಲರಿಯ ಮುಂದೆ ಅವರು ಕ್ಯಾಮೆರಾಗೆ ಪೋಸ್​ ನೀಡಿದ್ದಾರೆ. ಜನರೆಲ್ಲ ಕೊರೊನಾ ಭೀತಿಯಲ್ಲಿರುವ ಮಧ್ಯೆ ಒಂದು ಪಾಸಿಟಿವ್​ ವೈಬ್​ ಸೃಷ್ಟಿಸಲು ಜೂಹಿ ಈ ತಮ್ಮ ಕಲರ್​ಫುಲ್​ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಆ ಫೋಟೋದಲ್ಲಿ ಗಾಂಧೀಜಿಯವರ ಆರ್ಟ್​ ಗ್ಯಾಲರಿ ಇದೆ. ಜೂಹಿ ಚಾವ್ಲಾ ಮಂದಹಾಸ ನೋಡುಗರನ್ನು ಸೆಳೆಯುವಂತಿದೆ. ಸೃಜನಶೀಲತೆ ತುಂಬಿದ ರಸ್ತೆಯಲ್ಲಿ ನಾವು ನಡೆಯುತ್ತಿದ್ದೇವೆ ಎಂದು ಜೂಹಿ ಬರೆದುಕೊಂಡಿದ್ದಾರೆ. ಈ ಫೋಟೋಗೆ 1.2ಕೆ ಗಿಂತ ಹೆಚ್ಚು ಜನ ಲೈಕ್​ ಕೊಟ್ಟಿದ್ದಾರೆ.

ಕೆಲವು ದಿನಗಳ ಹಿಂದಷ್ಟೇ 'ಫಿರ್ ಭಿ ದಿಲ್ ಹೈ ಹಿಂದೂಸ್ತಾನಿ' ನಟಿ ಎಲ್ಲೆಲ್ಲೂ ಹಾಗೂ ಎಲ್ಲರಲ್ಲೂ ಬದುಕಿನ ಬಗ್ಗೆ ಪಾಸಿಟಿವಿಟಿ ಹರಡುವ ಮೂಲಕ ಕೊರೊನಾ ಚೈನ್​ ಅನ್ನು ಬ್ರೇಕ್​ ಮಾಡಿ ಎಂದು ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದರು