ಮಂಗಳ ಗ್ರಹಕ್ಕೆ ಭಾರತೀಯರ ಉಪಗ್ರಹ ಉಡಾವಣೆಯ ನೈಜ ಕಥೆಯಾಧಾರಿತ ಈ ಚಿತ್ರದಲ್ಲಿ ರಾಕೇಶ್ ಧವನ್ ಪಾತ್ರದಲ್ಲಿ ನಟ ಅಕ್ಷಯ್ ಕುಮಾರ್, ತಾರಾ ಪಾತ್ರದಲ್ಲಿ ವಿದ್ಯಾ ಬಾಲನ್ ನಟಿಸಿದ್ದಾರೆ. ಕನ್ನಡದ ಹಿರಿಯ ನಟ ದತ್ತಣ್ಣ, ನಿತ್ಯಾ ಮೆನನ್‌, ಸೋನಾಕ್ಷಿ ಸಿನ್ಹಾ ಸೇರಿ ಪ್ರಮುಖ ಸ್ಟಾರ್‌ ನಟ-ನಟಿಯರು ಈ ಚಿತ್ರದಲ್ಲಿದ್ದಾರೆ.
- " class="align-text-top noRightClick twitterSection" data="">
ಭಾರತೀಯ ಅದ್ಭುತ ವಿಜ್ಞಾನಿಗಳ ತಂಡ ಕಡಿಮೆ ವೆಚ್ಚದಲ್ಲಿ ಮಂಗಳ ಗ್ರಹಕ್ಕೆ ಉಪಗ್ರಹ ಕಳುಹಿಸುವ ರೋಚಕ ಕಥೆಯ ಚಿತ್ರಕ್ಕೆ ಕನ್ನಡಿಗರೇ ಆದ ಜಗನ್ ಶಕ್ತಿ ಆ್ಯಕ್ಷನ್ ಕಟ್ ಹೇಳಿದ್ದಾರೆ. 'ಭಾರತೀಯರ ಸಾಧನೆ' ಬಿಂಬಿಸುವ ಈ ಸಿನಿಮಾ ಬೆಂಗಳೂರಿನಲ್ಲಿಯೂ ಚಿತ್ರೀಕರಣವಾಗಿದೆ. ಹಾಸನದಲ್ಲಿರುವ ಇಸ್ರೋ ಕೇಂದ್ರವನ್ನು ಮರುಸೃಷ್ಟಿ ಮಾಡಲಾಗಿದೆ. ಇದು ಬಾಹ್ಯಾಕಾಶದ ಕುರಿತು ತಯಾರಾಗುತ್ತಿರುವ ಸಿನಿಮಾ. ಆಗಸ್ಟ್ 15ರಂದು ದೇಶ್ಯಾದ್ಯಂತ ಈ ಸಿನಿಮಾ ತೆರೆಗೆ ಬರಲಿದೆ.
