ಅಗಲಿದ ಆತ್ಮೀಯ ಗೆಳೆಯನನ್ನು ನೆನೆದು ಸಂಗೀತಗೋಷ್ಠಿಯಲ್ಲಿ ಭಾವುಕರಾದ ಬಿಗ್​​​ ಬಿ

ಭಾನುವಾರ ಫೇಸ್​​ಬುಕ್​ ಲೈವ್​​​ನಲ್ಲಿ ನಡೆದ ಐ ಫಾರ್ ಇಂಡಿಯಾ ಸಂಗೀತಗೋಷ್ಠಿಯಲ್ಲಿ ಬಾಲಿವುಡ್ ಹಿರಿಯ ನಟ ಅಮಿತಾಬ್ ಬಚ್ಚನ್, ಗುರುವಾರ ನಿಧನರಾದ ತಮ್ಮ ಆತ್ಮೀಯ ಸ್ನೇಹಿತ ರಿಷಿ ಕಪೂರ್ ಅವರನ್ನು ನೆನೆದು ಭಾವುಕರಾದರು.

ಬಾಲಿವುಡ್​ ಬಿಗ್​ ಬಿ ಅಮಿತಾಬ್ ಬಚ್ಚನ್ ಗುರುವಾರ ಅಗಲಿದ ತಮ್ಮ ಸ್ನೇಹಿತ, ಬಾಲಿವುಡ್ ಹಿರಿಯ ನಟ ರಿಷಿ ಕಪೂರ್ ಅವರಿಗೆ ಐ ಫಾರ್ ಇಂಡಿಯಾ ಸಂಗೀತ ಕಾರ್ಯಕ್ರಮದಲ್ಲಿ ಗೌರವ ಸಲ್ಲಿಸಿದ್ದಾರೆ.

ಭಾನುವಾರ ನಡೆದ ಐ ಫಾರ್ ಇಂಡಿಯಾ ಸಂಗೀತಗೋಷ್ಠಿ ಫೇಸ್​​ಬುಕ್ ನೇರಪ್ರಸಾರದಲ್ಲಿ ಅಮಿತಾಬ್ ಬಚ್ಚನ್, ತಮ್ಮ ನಿವಾಸದಿಂದಲೇ ಪಾಲ್ಗೊಂಡಿದ್ದರು. ಈ ವೇಳೆ ತಮ್ಮ ಸಹನಟ, ಆತ್ಮೀಯ ಸ್ನೇಹಿತ ರಿಷಿ ಕಪೂರ್​​​​​ಗೆ ಭಾವಪೂರ್ಣ ಶ್ರದ್ಧಾಂಜಲಿ ಅರ್ಪಿಸಿದರು. 5:36 ಅವಧಿಯ ಈ ವಿಡಿಯೋದಲ್ಲಿ ಅಮಿತಾಬ್ ಬಚ್ಚನ್ ತಮ್ಮ ಪ್ರೀತಿಯ ಚಿಂಟು ಅಲಿಯಾಸ್ ರಿಷಿ ಕಪೂರ್ ಅವರನ್ನು ನೆನೆದರು. ಈ ವೇಳೆ ಅವರ ಕಣ್ಣಂಚು ಒದ್ದೆಯಾಗಿತ್ತು.

• T 3520 - In Memoriam .. pic.twitter.com/zIlVUn3qpg

  — Amitabh Bachchan (@SrBachchan) May 3, 2020 " class="align-text-top noRightClick twitterSection" data="

  T 3520 - In Memoriam .. pic.twitter.com/zIlVUn3qpg

  — Amitabh Bachchan (@SrBachchan) May 3, 2020

  ">

  T 3520 - In Memoriam .. pic.twitter.com/zIlVUn3qpg

  — Amitabh Bachchan (@SrBachchan) May 3, 2020

ಈ ವೇಳೆ ಹಿರಿಯ ನಟ ರಾಜ್​​ಕಪೂರ್ ಅವರ ಮನೆಯಲ್ಲಿ ಮೊದಲ ಬಾರಿಗೆ ರಿಷಿ ಕಪೂರ್ ಅವರನ್ನು ನೋಡಿದ ಕ್ಷಣವನ್ನು ಅವರು ನೆನಪಿಸಿಕೊಂಡರು. ಅಲ್ಲದೆ ರಿಷಿ ಅವರು ಥೇಟ್ ತಾತ ಪೃಥ್ವಿರಾಜ್​​​​ಕಪೂರ್ ಅವರಂತೆ ನಡೆಯುತ್ತಿದ್ದರು ಎಂದು ಹೇಳಿದರು. ಅಲ್ಲದೆ ಅವರೊಂದಿಗೆ ನಟಿಸಿದ 'ಅಮರ್ ಅಕ್ಬರ್ ಆಂಥೋನಿ', 'ನಸೀಬ್', 'ಕಭಿ ಕಭಿ' ಮತ್ತು ಇತ್ತೀಚೆಗೆ ಬಿಡುಗಡೆಯಾದ '102 ನಾಟ್ ಔಟ್'​​ ಚಿತ್ರಗಳಲ್ಲಿ ರಿಷಿ ಅವರೊಂದಿಗೆ ಕೆಲಸ ಮಾಡಿದ ದಿನಗಳನ್ನು ಕೂಡಾ ನೆನೆದರು.

ಬಹಳ ದಿನಗಳಿಂದ ಕ್ಯಾನ್ಸರ್​​ನಿಂದ ಬಳಲುತ್ತಿದ್ದ 67 ವರ್ಷದ ರಿಷಿ ಕಪೂರ್, ಗುರುವಾರ ಮುಂಬೈನ ಸರ್​​​​​​ ಹೆಚ್​​​.ಎನ್​. ರಿಲಯನ್ಸ್​ ಫೌಂಡೇಶನ್ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು. ಆ ದಿನ ರಿಷಿ ನಿಧನದ ವಾರ್ತೆಯನ್ನು ಕೂಡಾ ಅಭಿಮಾನಿಗಳಿಗೆ ಮೊದಲು ತಿಳಿಸಿದ್ದು ಅಮಿತಾಬ್ ಬಚ್ಚನ್ ಅವರೇ.