ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ, ಮಣಿರತ್ನಂ ನಿರ್ದೇಶನದ 'ಪೊನ್ನಿಯಿನ್ ಸೆಲ್ವನ್' ಚಿತ್ರದಲ್ಲಿ ಅಭಿನಯಿಸಲಿದ್ದಾರೆ ಎನ್ನುವುದು ಹಳೇ ಸುದ್ದಿ. ಇದೀಗ ಈ ಚಿತ್ರದಲ್ಲಿ ಅವರು ಪ್ಲೇ ಮಾಡಲಿರುವ ಪಾತ್ರ ಯಾವುದು ಎಂಬುದು ರಿವೀಲ್ ಆಗಿದೆ.
- " class="align-text-top noRightClick twitterSection" data="
">
ಮೋಹಕ ಬೆಡಗಿ ಐಶ್ ಪೊನ್ನಿಯಿನ್ ಸೆಲ್ವನ್ ಚಿತ್ರದಲ್ಲಿ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅವರದು ನೆಗೆಟಿವ್ ರೋಲ್ ಆಗಿದ್ದು, ಈ ಪಾತ್ರಕ್ಕೆ ಐಶ್ ಅವರೇ ಸೂಕ್ತ ಎಂದು ನಿರ್ದೇಶಕರು ಡಿಸೈಡ್ ಮಾಡಿದ್ದಾರಂತೆ. ಬಚ್ಚನ್ ಫ್ಯಾಮಿಲಿಯ ಸೊಸೆ ಐಶ್, ಮಣಿರತ್ನಂ ಅವರ ಚಿತ್ರದಿಂದಲೇ ಬಣ್ಣದ ಲೋಕಕ್ಕೆ ಬಂದವರು. ಇದೀಗ ಅವರ ಚಿತ್ರದಲ್ಲಿಯೇ ಲೀಡ್ ರೋಲ್ ನಿಭಾಯಿಸಲಿದ್ದಾರೆ. ಮತ್ತೊಂದು ಇಂಟ್ರೆಸ್ಟಿಂಗ್ ಮ್ಯಾಟರ್ ಏನಂದ್ರೆ, ಈ ಚಿತ್ರದಲ್ಲಿ ಐಶ್ ಮಾವ ಅಮಿತಾಭ್ ಬಚ್ಚನ್ ಕೂಡ ನಟಿಸಲಿದ್ದಾರಂತೆ.
ಇನ್ನು ಕಳೆದ ವರ್ಷ ಬಿಗ್ ಸ್ಟಾರ್ಗಳನ್ನು ಕರೆತಂದು 'ಚೆಕ್ಕ ಚಿವಂತ ವಾನಂ' ಸಿನಿಮಾ ಮಾಡಿದ್ದರು ಮಣಿರತ್ನಂ. ಆದರೆ, ಬಾಕ್ಸ್ ಆಫೀಸ್ನಲ್ಲಿ ಈ ಚಿತ್ರ ಮಕಾಡೆ ಮಲಗಿತ್ತು. ಇದೀಗ 'ಪೊನ್ನಿಯಿನ್ ಸೆಲ್ವನ್' ಚಿತ್ರ ಕೈಗೆತ್ತಿಕೊಂಡಿದ್ದು, ಈ ಚಿತ್ರದಲ್ಲಿಯೂ ಕೂಡ ಬಹುತಾರಾಗಣ ಒಟ್ಟುಗೂಡಿಸಲಿದ್ದಾರೆ. ವಿಕ್ರಂ, ಸಿಂಬು, ಅಮಲಾ ಪೌಲ್, ಕಾರ್ತ, ಟಾಲಿವುಡ್ ನಟ ಮೋಹನ್ ಬಾಬು ಸೇರಿದಂತೆ ದೊಡ್ಡ ತಾರಾಬಳಗವೇ ಈ ಚಿತ್ರದಲ್ಲಿರಲಿದೆಯಂತೆ.
- " class="align-text-top noRightClick twitterSection" data="
">
ಬಿಗ್ ಬಜೆಟ್ನ 'ಪೊನ್ನಿಯಿನ್ ಸೆಲ್ವನ್' ತಮಿಳಿನ ಕಾದಂಬರಿಯಾಧಾರಿತ ಚಿತ್ರ. 10 ನೇ ಶತಮಾನದಲ್ಲಿ ಆಳಿದ ಚೋಳ ವಂಶದ ದೊರೆಯ ಬಗ್ಗೆ ಈ ಚಿತ್ರ ಬೆಳಕು ಚಲ್ಲಲಿದೆಯಂತೆ.
