Voyager 2: ಮತ್ತೆ ಸಂಪರ್ಕಕ್ಕೆ ಸಿಕ್ಕ ವಾಯೇಜರ್​ 2: ನಾಸಾ ವಿಜ್ಞಾನಿಗಳಲ್ಲಿ ಸಂತಸ

ಸುದೀರ್ಘಕಾಲದಿಂದ ಬಾಹ್ಯಕಾಶದಲ್ಲಿರುವ ಈ ವಾಯೇಜರ್​ 2 ಬಾಹ್ಯಕಾಶ ನೌಕೆ ಎರಡು ವಾರಗಳ ಸಂಪರ್ಕ ಕಳೆದುಕೊಂಡಿತ್ತು.

ನ್ಯೂಯಾರ್ಕ್​: ಕಳೆದೆರಡು ವಾರದಿಂದ ಸಂಪರ್ಕ ಕಳೆದುಕೊಂಡಿದ್ದ ವಾಯೇಜರ್​ 2 ಬಾಹ್ಯಕಾಶದ ನೌಕೆಯ ಮರು ಸಂಪರ್ಕ ಸಾಧಿಸುವಲ್ಲಿ ನಾಸಾ ಸಫಲವಾಗಿದೆ. ಫೈಟ್​ ಕಂಟ್ರೋಲರ್​ ತಪ್ಪನ್ನು ಸರಿಪಡಿಸಿದ ಹಿನ್ನೆಲೆ ಇದರ ಮರು ಸಂಪರ್ಕ ಸಾಧ್ಯವಾಗಿದೆ. ಕಳೆದೆರಡು ವಾರಗಳ ಹಿಂದೆ ವಾಯೇಜರ್​ ಸಂರ್ಪಕವನ್ನು ಕಳೆದುಕೊಂಡಿತು. 46 ವರ್ಷದ ಈ ಬಾಹ್ಯಕಾಶ ನೌಕೆಗೆ ನಿಯಂತ್ರಕರು ತಪ್ಪು ಸಂದೇಶವನ್ನು ಕಳುಹಿಸಿದ ಪರಿಣಾಮ ಇದರ ಅಂಟೆನಾ ಭೂಮಿಯಿಂದ ದೂರಕ್ಕೆ ತಿರುಗಿತು. ಇದೀಗ ಅದರ ಸಂಪರ್ಕ ಸಾಧಿಸಲಾಗಿದೆ ಎಂದು ನಾಸಾ ತಿಳಿಸಿದೆ.

• Can you hear me now? 📡
  
  Last night, I reestablished full communications with Earth thanks to some quick thinking and a lot of collaboration. I'm operating normally and remain on my expected trajectory. So glad I can finally phone home.
  -V2
  
  More: https://t.co/S3BFRo9Va9

  — NASA Voyager (@NASAVoyager) August 4, 2023 " class="align-text-top noRightClick twitterSection" data="

  Can you hear me now? 📡
  
  Last night, I reestablished full communications with Earth thanks to some quick thinking and a lot of collaboration. I'm operating normally and remain on my expected trajectory. So glad I can finally phone home.
  -V2
  
  More: https://t.co/S3BFRo9Va9

  — NASA Voyager (@NASAVoyager) August 4, 2023

  ">

  Can you hear me now? 📡
  
  Last night, I reestablished full communications with Earth thanks to some quick thinking and a lot of collaboration. I'm operating normally and remain on my expected trajectory. So glad I can finally phone home.
  -V2
  
  More: https://t.co/S3BFRo9Va9

  — NASA Voyager (@NASAVoyager) August 4, 2023

ಸಂರ್ಪ ಸಾಧಿಸಿದ ವಾಯೇಜರ್​ 2: ಬುಧವಾರ ನಾಸಾದ ಡೀಪ್​ ಸ್ಪೆಸ್​ ನೆಟ್​ವರ್ಕ್​ ಈ ಅಂಟೆನಾವನ್ನು ಮತ್ತೆ ಗುರಿಯಾಗಿಸಿ, ಹೊಸ ಕಮಾಂಡ್​ ಅನ್ನು ಕಳುಹಿಸಿದರು. ಇದಕ್ಕಾಗಿ ಆಸ್ಟ್ರೇಲಿಯಾದಲ್ಲಿ ದೊಡ್ಡದಾದ ರೆಡಿಯೋ ಡಿಶ್​ ಅಂಟೇನಾವನ್ನು ಬಳಕೆ ಮಾಡಿ ಅಧಿಕ ಪ್ರಮಾಣದ ಟ್ರಾನ್ಸಿಮಿಟರ್​ ಅನ್ನು ನೀಡಲಾಯಿತು. ವಾಯೇಜರ್​ 2 ಬಾಹ್ಯಕಾಶ ನೌಕೆಯನ್ನು 2 ಡಿಗ್ರಿಗೆ ಸ್ಥಳಾಂತರಿಸಬೇಕಿತ್ತು. ಈ ಕಮಾಂಡ್​ ವಾಯೇಜರ್​ 2ಗೆ ತಲುಪಲು 18 ಗಂಟೆ ಬೇಕಾಯಿತು. 19 ಬಿಲಿಯನ್​ ಕಿಲೋಮೀಟರ್​ ದೂರದಲ್ಲಿರುವ ಈ ಅಂಟೇನಾದ ಮತ್ತೆ ಕಮಾಂಡ್​ ಕೇಳುವಂತೆ ಮಾಡಲು ಮತ್ತೊಂದು 18 ಗಂಟೆ ಬೇಕಾಯಿತು.

ಈ ದೀರ್ಘ ಸಮಯದ ಬಳಿಕ ಶುಕ್ರವಾರ ಬಾಹ್ಯಕಾಶ ನೌಕೆ ಮತ್ತೆ ದತ್ತಾಂಶವನ್ನು ಕಳುಹಿಸಲು ಆರಂಭಿಸಿತು ಎಂದು ಕ್ಯಾಲಿಫೋರ್ನಿಯಾದ ಜೆಟ್​ ಪ್ರೊಪ್ಯುಲ್ಸನ್​ ಲ್ಯಾಬೋರೇಟರಿ ತಿಳಿಸಿದೆ. ಈ ಕುರಿತು ಮಾತನಾಡಿರುವ ಪ್ರಾಜೆಕ್ಟ್​ ಮ್ಯಾನೇಜರ್​ ಸೂಸೆನ್​ ಡೊಡ್​​, ವಾಯೇಜರ್​ ಮರು ಸಂಪರ್ಕಕ್ಕೆ ಸಿಕ್ಕಿದೆ ಎಂದಿದ್ದಾರೆ. ಇದನ್ನು ಪ್ರಾಜೆಕ್ಟ್​​ ಸೈಟಿಂಸ್ಟ್​ ಲಿಂಡಾ ಸ್ಪೈಲ್ಕೆರ್​ ಕೂಡ ಅನುಮೋದಿಸಿದ್ದಾರೆ.

ಸುದೀರ್ಘ ಕಾಲದಿಂದ ಇರುವ ಬಾಹ್ಯಕಾಶ ನೌಕೆ: ಸೂರ್ಯನ ವ್ಯವಸ್ಥೆಯ ಹೊರಗಿನ ಗ್ರಹಗಳು ಮತ್ತು ನಂತರ ಅದರಾಚೆ ಇರುವ ಇತರ ತಾರಾ ಜಗತ್ತನ್ನು ಅನ್ವೇಷಿಸಿ ಕುರಿತು ಅಧ್ಯಯನಕ್ಕಾಗಿ 1977ರಲ್ಲಿ ಈ ವಾಯೇಜರ್​ 2 ಬಾಹ್ಯಕಾಶ ನೌಕೆಯನ್ನು ಉಡಾವಣೆ ಮಾಡಲಾಗಿತ್ತು. ಇದರ ಅವಳಿ ಬಾಹ್ಯಕಾಶವಾದ ವಾಯೇಜರ್​​1 ಇದೀಗ ಅತಿ ದೂರದಲ್ಲಿರುವ ಬಾಹ್ಯಕಾಶ ನೌಕೆಯಾಗಿದ್ದು, ಇದು 24 ಬಿಲಿಯನ್​ ಕಿ.ಮೀ ದೂರದಲ್ಲಿದ್ದು, ಇನ್ನೂ ಸಂಪರ್ಕವನ್ನು ಹೊಂದಿದೆ.

ವಾಯೇಜರ್​ 2 ನಾಸಾದಿಂದ ಎರಡು ವಾರಗಳ ಸಂಪರ್ಕ ಸಿಗದೇ ಹೋಗಿರುವುದು ದೀರ್ಘಕಾಲದ ಅವಧಿಯ ಸಂಪರ್ಕ ಕಡಿತವಾಗಿದೆ ಎಂದು ಡೊಡ್​ ತಿಳಿಸಿದ್ದಾರೆ. ಇದು ಪ್ಲುಟೊನಿಯಂ ಶಕ್ತಿಯನ್ನು ಹೊಂದಿದ್ದು, ವಾಯೇಜರ್​ ಜೀವಂತವಾಗಿದೆ. 2027ಕ್ಕೆ ಇದು ಉಡಾವಣೆಗೊಂಡ 50 ವರ್ಷ ಆಗಲಿದೆ. ಇದು ಭೂಮಿಯಿಂದ 12.5 ಬಿಲಿಯನ್​ ಮೈಲಿಗಳ ದೂರದಲ್ಲಿದ್ದು, ಇದು ಬಾಹ್ಯಕಾಶದಲ್ಲಿ 46 ವರ್ಷಗಳಿಂದ ಸಕ್ರಿಯವಾಗಿ ಕಾರ್ಯ ನಿರ್ವಹಿಸುತ್ತಿದೆ. ಸೌರವ್ಯೂಹದ ಇತರ ಗ್ರಹಗಳ ಕುರಿತು ಮಾಹಿತಿ ಸಂಗ್ರಹಿಸಿ ಅಧ್ಯಯನಕ್ಕಾಗಿ ವಿಜ್ಞಾನಿಗಳಿಗೆ ನೀಡುತ್ತಿದೆ.

ವಾಯೇಜರ್​ 1 ಮತ್ತು ವಾಯೇಜರ್​ 2 ಎರಡೂ ಬಾಹ್ಯಕಾಶಗಳು ಸುದೀರ್ಘ ಸಮಯದಿಂದ ಚಟುವಟಿಕೆ ನಡೆಸಿದ್ದು, ಇದು ಗಮನಾರ್ಹ ದೀರ್ಘಾಯುಷ್ಯವನ್ನು ಹೊಂದಿದೆ ಎಂದು ಡೊಡ್​ ತಿಳಿಸಿದ್ದಾರೆ.

ಇದನ್ನೂ ಓದಿ: 3ನೇ ಎರಡರಷ್ಟು ದೂರವನ್ನು ಯಶಸ್ವಿಯಾಗಿ ಕ್ರಮಿಸಿದ ಚಂದ್ರಯಾನ-3