ಸ್ಯಾನ್ ಪ್ರಾನ್ಸಿಸ್ಕೋ( ಅಮೆರಿಕ): ಕಾಲ ಕಾಲಕ್ಕೆ ಹೊಸ ಹೊಸ ವೈಶಿಷ್ಯಗಳ ಮೂಲಕ ಬಳಕೆದಾರರ ಸ್ನೇಹಿಯಾಗಿ ರೂಪುಗೊಳ್ಳುತ್ತಿರುವ ಮೆಟಾ ಒಡೆತನದ ವಾಟ್ಸ್ಆ್ಯಪ್ ಅನ್ನು ಏಕಕಾಲಕ್ಕೆ ಒಂದಕ್ಕಿಂತ ಹೆಚ್ಚು ಫೋನ್ಗಳಲ್ಲಿ ಇದೀಗ ಬಳಕೆ ಮಾಡಬಹುದಾಗಿದೆ. ಇಷ್ಟು ದಿನಗಳ ಕಾಲ ಒಂದು ನಂಬರ್ನಲ್ಲಿ ರಿಜಿಸ್ಟರ್ ಆದ ವಾಟ್ಸ್ಆ್ಯಪ್ ಅನ್ನು ಏಕಕಾಲಕ್ಕೆ ಹಲವು ಸಾಧನಗಳಲ್ಲಿ ಒಂದೇ ಲಾಗಿನ್ ಮೂಲಕ ಬಳಕೆ ಮಾಡಲು ಸಾಧ್ಯವಿರಲಿಲ್ಲ. ಇದೀಗ ಅದು ಸಾಧ್ಯವಾಗಲಿದೆ. ಬಳಕೆದಾರರು ಒಂದೇ ನಂಬರಿನ ವಾಟ್ಸ್ಆ್ಯಪ್ ಅನ್ನು ನಾಲ್ಕು ಫೋನ್ಗಳೊಂದಿಗೆ ಇದೀಗ ಸಂಪರ್ಕ ಕಲ್ಪಿಸಬಹುದಾಗಿದೆ. ಈ ಹೊಸ ಅಪ್ಡೇಟ್ ಆರಂಭವಾಗಿದ್ದು, ಇನ್ನೇನು ಕೆಲವೇ ದಿನಗಳಲ್ಲಿ ಜಾಗತಿಕವಾಗಿ ಎಲ್ಲ ಬಳಕೆದಾರರಿಗೆ ಈ ವೈಶಿಷ್ಟ್ಯತೆ ಸಿಗಲಿದೆ ಎಂದು ಕಂಪನಿ ತಿಳಿಸಿದೆ.
ಈ ಹೊಸ ಗುಣಲಕ್ಷಣ ಕುರಿತು ಈಗಾಗಲೇ ಬಳಕೆದಾರರು ಬೇಡಿಕೆ ಇಟ್ಟಿದ್ದರು. ಇದೀಗ ವಾಟ್ಸ್ಆ್ಯಪ್ ಅನ್ನು ಫೋನ್ ಜೊತೆಯಲ್ಲಿ ನಾಲ್ಕು ಸಾಧನಗಳ ಜೊತೆ ಸಂಪರ್ಕ ಮಾಡಬಹುದು. ಒಂದೇ ವಾಟ್ಸ್ಆ್ಯಪ್ ನಂಬರ್ ಅನ್ನು ಏಕಕಾಲದಲ್ಲಿ ಫೋನ್ ಜೊತೆಗೆ ವೆಬ್ ಬ್ರೋಸರ್ ಮೂಲಕ ಟ್ಯಾಬ್ಲೆಟ್ಸ್ ಮತ್ತು ಡೆಸ್ಕ್ಟಾಪ್ಗಳಲ್ಲಿ ಬಳಕೆ ಮಾಡಬಹುದಾಗಿದೆ. ಆದರೆ, ಇದೀಗ ಹೊಸ ಅಪ್ಡೇಟ್ ಸಿಕ್ಕಿದ್ದು, ಏಕ ಕಾಲದಲ್ಲಿ ಒಂದೇ ನಂಬರ್ನಲ್ಲಿ ನಾಲ್ಕು ಫೋನ್ನೊಂದಿಗೆ ಸಂಪರ್ಕ ಮಾಡಬಹುದು. ಪ್ರತಿ ಲಿಂಕ್ಗಳ ಫೋನ್ಗಳು ವಾಟ್ಸ್ಆ್ಯಪ್ ಸ್ವಾತಂತ್ರವಾಗಿ ಸಂಪರ್ಕಿಸಲಿದ್ದು, ವೈಯಕ್ತಿಕ ಸಂದೇಶ, ಮಾಧ್ಯಮ ಮತ್ತು ಕರೆಗಳು ಎನ್ಕ್ರಿಪ್ಟೆಡ್ ಆಗಿರಲಿದೆ ಎಂದು ವಾಟ್ಸ್ಆ್ಯಪ್ ಬ್ಲಾಗ್ಪೋಸ್ಟ್ ತಿಳಿಸಿದೆ.
ಇದಕ್ಕಿಂತ ಹೆಚ್ಚಾಗಿ ಇದೀಗ ಸೈನ್ ಔಟ್ ಮಾಡದೆಯೇ ಒಂದರಿಂದ ಮತ್ತೊಂದು ಫೋನ್ನಲ್ಲಿ ಮಾತುಕತೆ ನಡೆಸಬಹುದು. ಈ ವೇಳೆ, ಎಲ್ಲಿ ಮಾತುಕತೆ ಅಂತ್ಯವಾಗಿರುತ್ತದೆ ಅಲ್ಲಿಂದಲೇ ಸಂಭಾಷಣೆಗಳನ್ನು ಮುಂದುವರಿಸಬಹುದಾಗಿದೆ. ಈ ಹೊಸ ವೈಶಿಷ್ಟ್ಯಗಳು ಬ್ಯುಸಿನೆಸ್ ಅಕೌಂಟ್ನಲ್ಲಿ ಹೆಚ್ಚು ಅನುಕೂಲ ನೀಡಲಿದೆ. ನೀವು ಸಣ್ಣ ಉದ್ದಿಮೆ ಮಾಲೀಕರಾದರೆ, ಇತರ ಉದ್ಯೋಗಿಗಳು ಕೂಡ ತಮ್ಮ ಫೋನ್ಗಳ ಮೂಲಕ ಗ್ರಾಹಕರಿಗೆ ಒಂದೇ ಬ್ಯುಸಿನೆಸ್ ಆಕೌಂಟ್ನಲ್ಲಿ ಸಂಪರ್ಕ ಮುಂದುವರೆಸಬಹುದು. ಮುಂಬರುವ ವಾರಗಳಲ್ಲಿ ಇದನ್ನು ಇನ್ನಿತರ ಪರ್ಯಾಯ ಮತ್ತು ಹೆಚ್ಚು ಸುಲಭವಾಗಿ ಸಾಧನಗಳಿಗೆ ಲಿಂಕ್ ಮಾಡುವ ಮಾರ್ಗ ಸಿಗಲಿದೆ.
ಸದ್ಯ ನಿಮ್ಮ ಫೋನ್ ನಂಬರ್ನಿಂದ ವಾಟ್ಸಾಪ್ ವೆಬ್ ಮೂಲಕ ಒನ್ ಟೈಮ್ ಕೋಡ್ ಮೂಲಕ ಲಾಗಿನ್ ಮಾಡಬಹುದು. ಭವಿಷ್ಯದಲ್ಲಿ ಕ್ಯೂಆರ್ ಕೋಡ್ ಸ್ಯಾನ್ ಮಾಡುವ ಬದಲಾಗಿ ಲಿಂಕ್ ಮೂಲಕ ಇದೀಗ ಸಾಧನವನ್ನು ಸಂಪರ್ಕಿಸಬಹುದು. ಭವಿಷ್ಯದಲ್ಲಿ ಹೆಚ್ಚಿನ ಸಹವರ್ತಿ ಸಾಧನಗಳಿಗೆ ಈ ವೈಶಿಷ್ಟ್ಯವನ್ನು ಪರಿಚಯಿಸಲು ನಾವು ಎದುರು ನೋಡುತ್ತಿದ್ದೇವೆ ಎಂದು ತಿಳಿಸಿದೆ. ಇನ್ನು ಈ ನಾಲ್ಕು ಫೋನ್ಗಳಲ್ಲಿ ಇಂಟರ್ನೆಟ್ ಮೂಲಕ ಇದು ಲಾಗಿನ್ ಆಗಲಿದ್ದು, ಮೂರು ಫೋನ್ಗಳಲ್ಲಿ 14ದಿನಗಳ ಕಾಲ ಬಳಕೆ ಮಾಡದೇ ಹೋದರೆ, ಅದು ತನ್ನಂತಾನೇ ಲಾಗ್ಔಟ್ ಆಗಲಿದೆ.
ಇದನ್ನೂ ಓದಿ: ಟೆಲಿಗ್ರಾಮ್ ಹೊಸ ಅಪ್ಡೇಟ್: ಕಸ್ಟಮ್ ವಾಲ್ಪೇಪರ್, ಶೇರೆಬಲ್ ಚಾಟ್ ಫೋಲ್ಡರ್
