ಆಟೋಪೈಲಟ್ ವ್ಯವಸ್ಥೆಗೆ ಸಂಬಂಧಿಸಿದ ಅಪಘಾತ ಪ್ರಕರಣದಲ್ಲಿ ಟೆಸ್ಲಾಗೆ ಕ್ಲೀನ್ ಚಿಟ್..

ಟೆಸ್ಲಾ ಮಾಸ್ ನ್ಯಾಡೆಲ್ ಎಸ್ ಆಟೋಪೈಲಟ್ ವ್ಯವಸ್ಥೆಯನ್ನು ಒಳಗೊಂಡ ಅಪಘಾತ ಪ್ರಕರಣ - ಎಲೋನ್ ಮಸ್ಕ್ ಅವರ ಟೆಸ್ಲಾ ಕಂಪನಿಗೆ ಯುಎಸ್​ ನ್ಯಾಷನಲ್ ಟ್ರಾನ್ಸ್‌ಪೋರ್ಟೇಶನ್ ಸೇಫ್ಟಿ ಬೋರ್ಡ್ ನಿಂದ ಕ್ಲೀನ್ ಚಿಟ್.

ಸ್ಯಾನ್ ಫ್ರಾನ್ಸಿಸ್ಕೋ(ಅಮೆರಿಕ):2021ರಲ್ಲಿ ಟೆಸ್ಲಾ ಮಾಡೆಲ್ ಎಸ್ ಆಟೋಪೈಲಟ್ ವ್ಯವಸ್ಥೆಯನ್ನು ಒಳಗೊಂಡ ಅಪಘಾತ ಪ್ರಕರಣದಲ್ಲಿ, ಎಲೋನ್ ಮಸ್ಕ್ ಅವರ ಟೆಸ್ಲಾ ಕಂಪನಿ ಯುಎಸ್ ನ್ಯಾಷನಲ್ ಟ್ರಾನ್ಸ್‌ಪೋರ್ಟೇಶನ್ ಸೇಫ್ಟಿ ಬೋರ್ಡ್ (ಎನ್‌ಟಿಎಸ್‌ಬಿ) ನಿಂದ ಕ್ಲೀನ್ ಚಿಟ್ ಪಡೆದಿದೆ. ಎಲೆಕ್ಟ್ರಿಕ್ ವಾಹನ ಅಪಘಾತಕ್ಕೆ ಸಂಭವನೀಯ ಕಾರಣ ಎಂದರೆ ಅತಿಯಾದ ವೇಗ ಮತ್ತು ಚಾಲಕ ಕಾರಿನ ನಿಯಂತ್ರಣವನ್ನು ಕಳೆದುಕೊಂಡಿರುವುದು ಎಂದು US ಸಾರಿಗೆ ಸಂಸ್ಥೆ ನಿರ್ಧರಿಸಿದೆ. ಚಾಲಕನ ಮದ್ಯಪಾನ ಸೇವನೆ ಮಾಡಿರುವುದರಿಂದಲೇ ಅಪಘಾತ ಸಂಭವಿಸಿದೆ ಎಂದು ಸುರಕ್ಷತಾ ಮಂಡಳಿ ವರದಿಯಲ್ಲಿ ತಿಳಿಸಿದೆ. ಈ ಘಟನೆಯಲ್ಲಿ ಮರಕ್ಕೆ ಕಾರು ಡಿಕ್ಕಿ ಹೊಡೆದು ಜಖಂಗೊಂಡು. ಬಳಿಕ ಬೆಂಕಿ ಹೊತ್ತಿಕೊಂಡಿತು.

ಅಪಘಾತದ ಸಮಯದಲ್ಲಿ ಆಟೋಪೈಲಟ್ ಬಳಕೆಯಲ್ಲಿರಲಿಲ್ಲ ಎಂದು ತನಿಖೆ ನಡೆಸುತ್ತಿರುವ ಎನ್‌ಟಿಎಸ್‌ಬಿ ಹೇಳಿದೆ. ಈಗ ಯುಎಸ್​ ಸೆಕ್ಯುರಿಟೀಸ್ ಮತ್ತು ಎಕ್ಸ್ಚೇಂಜ್ ಕಮಿಷನ್ (SEC) ಟೆಸ್ಲಾ ಸಿಇಒ ಮಸ್ಕ್ ಮಾಡಿದ ಸ್ವಯಂ - ಚಾಲನಾ ಪ್ರತಿಪಾದನೆಯನ್ನು ತನಿಖೆ ನಡೆಸುತ್ತಿದೆ. SEC ಎಲೆಕ್ಟ್ರಿಕ್ ಕಾರು ತಯಾರಕ ತನ್ನ ಪೂರ್ಣ ಸ್ವಯಂ ಚಾಲನೆ (FSD) ಮತ್ತು ಆಟೋಪೈಲಟ್ ಸಾಫ್ಟ್‌ವೇರ್ ಅನ್ನು ಪ್ರಚಾರ ಮಾಡುವಲ್ಲಿ ನಿಯಮಗಳನ್ನು ಉಲ್ಲಂಘಿಸಿದೆಯೇ ಎಂದು ತನಿಖೆ ಮಾಡುತ್ತಿದೆ.

ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ, ಕಂಪನಿ ಮತ್ತು ಅದರ ಸಿಇಒ ಆಟೋಪೈಲಟ್ ಮತ್ತು ಸಂಪೂರ್ಣ ಸ್ವಯಂ ಚಾಲನಾ ಸಾಫ್ಟ್‌ವೇರ್ ಅನ್ನು ದಾರಿತಪ್ಪಿಸುವ ರೀತಿಯಲ್ಲಿ ಮಾರಾಟ ಮಾಡುತ್ತಿದ್ದಾರೆ ಎಂದು ಆರೋಪಿಸಿ ಎಲೆಕ್ಟ್ರಿಕ್ ಕಾರು ತಯಾರಕರ ವಿರುದ್ಧ ಮೊಕದ್ದಮೆ ಹೂಡಲಾಗಿತ್ತು. ವಿವಾದಾತ್ಮಕ ಆಟೋಪೈಲಟ್ ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆಂಟ್ಸ್ ಸಿಸ್ಟಮ್ ಪರಿಶೀಲನೆಗೆ ಒಳಪಟ್ಟಿದೆ. ರಾಷ್ಟ್ರೀಯ ಹೆದ್ದಾರಿ ಟ್ರಾಫಿಕ್ ಸೇಫ್ಟಿ ಅಡ್ಮಿನಿಸ್ಟ್ರೇಷನ್ (NHTSA) ತನ್ನ ತನಿಖೆಯನ್ನು ಪ್ರಾಥಮಿಕ ಮೌಲ್ಯಮಾಪನದಿಂದ ಎಂಜಿನಿಯರಿಂಗ್ ವಿಶ್ಲೇಷಣೆಗೆ ಅಪ್‌ಗ್ರೇಡ್ ಮಾಡಿದೆ. ಆಟೋಪೈಲಟ್ ಸೇರಿದಂತೆ 830,000 ವಾಹನಗಳ ತನಿಖೆಯ ಭಾಗವಾಗಿ ಅದರ ಕ್ಯಾಬಿನ್ ಕ್ಯಾಮೆರಾಗಳ ಕುರಿತ ಪ್ರಶ್ನೆಗಳಿಗೆ ಉತ್ತರಿಸಲು ಟೆಸ್ಲಾಗೆ ಹೇಳಿದೆ.

ಇದನ್ನೂ ಓದಿ:ಇಸ್ರೋದಿಂದ ಸಣ್ಣ ಉಪಗ್ರಹ ಉಡಾವಣಾ ವಾಹಕ ಎಸ್​ಎಸ್​ಎಲ್​ವಿ-ಡಿ2 ಯಶಸ್ವಿ ಉಡಾವಣೆ

ಮಂಗಳ ಗ್ರಹಕ್ಕೆ ಸೈನ್ಸ್​ ಮಿಷನ್ ಉಡಾವಣೆ ಮಾಡುವುದಾಗಿ ನಾಸಾ ಘೋಷಣೆ:​ ಈ ನಡುವೆ ಜೆಫ್ ಬೆಜೋಸ್ ನಡೆಸುತ್ತಿರುವ ಬ್ಲೂ ಒರಿಜಿನ್‌ನ ನ್ಯೂ ಗ್ಲೆನ್ ಬಾಹ್ಯಾಕಾಶ ಉಡಾವಣಾ ವಾಹಕದ ಮೂಲಕ ಮಂಗಳ ಗ್ರಹಕ್ಕೆ ಸೈನ್ಸ್​ ಮಿಷನ್ ಅನ್ನು ಉಡಾವಣೆ ಮಾಡುವುದಾಗಿ ಅಮೆರಿಕ ಬಾಹ್ಯಾಕಾಶ ಸಂಸ್ಥೆ ನಾಸಾ ಘೋಷಿಸಿದೆ. ನಾಸಾ ಮಾರ್ಸ್​ ಸೈನ್ಸ್​ ಮಿಷನ್​ ಲಾಂಚ್​ ಅನ್ನು ಬ್ಲೂ ಒರಿಜಿನ್​ನ ನ್ಯೂ ಗ್ಲೆನ್​ ಒಪ್ಪಂದ ಭಾಗವಾಗಿ ಎಸ್ಕೇಪ್ ಮತ್ತು ಪ್ಲಾಸ್ಮಾ ಆಕ್ಸಿಲರೇಶನ್ ಮತ್ತು ಡೈನಾಮಿಕ್ಸ್ ಎಕ್ಸ್‌ಪ್ಲೋರರ್ಸ್-ಎಸ್ಕಾಪಡೆ (ESCAPADE) ನೀಡಿದೆ ಎಂದ ತಿಳಿಸಲಾಗಿದೆ.

ಎಸ್ಕಾಪಟೆ ಪ್ಲಾನೆಟರಿ ಎಕ್ಸ್‌ಪ್ಲೋರೇಶನ್ ಕಾರ್ಯಕ್ರಮಕ್ಕಾಗಿ ನಾಸಾದ ಸ್ಮಾಲ್ ಇನ್ನೋವೇಟಿವ್ ಮಿಷನ್ಸ್‌ನ ಭಾಗವಾಗಿದೆ. ಇದು ಮಂಗಳ ಗ್ರಹದ ಮ್ಯಾಗ್ನೆಟೋಸ್ಪಿಯರ್ ಅನ್ನು ಅಧ್ಯಯನ ಮಾಡಲು ಎರಡು ಬಾಹ್ಯಾಕಾಶ ನೌಕೆಯ ಕಾರ್ಯಾಚರಣೆಯಾಗಿದೆ. ಎಸ್ಕಾಪಡೆ ಒಂದು ಅವಳಿ ಬಾಹ್ಯಾಕಾಶ ನೌಕೆ ವರ್ಗ ಡಿ ಮಿಷನ್ ಆಗಿದ್ದು, ಅದು ಮಂಗಳದ ವಿಶಿಷ್ಟ ಹೈಬ್ರಿಡ್ ಮ್ಯಾಗ್ನೆಟೋಸ್ಪಿಯರ್ ಮೂಲಕ ಸೌರ ಗಾಳಿ ಶಕ್ತಿ ವರ್ಗಾವಣೆಯನ್ನು ಅಧ್ಯಯನ ಮಾಡುತ್ತದೆ.