ಗೂಗಲ್ ಪೇ ತಾಂತ್ರಿಕ ದೋಷ: ಬಳಕೆದಾರರ ಖಾತೆಗೆ ಹಣ ಸಂದಾಯ!

ಗೂಗಲ್ ಪೇ ಆ್ಯಪ್​ನಲ್ಲಿನ ಯಾವುದೋ ತಾಂತ್ರಿಕ ದೋಷದಿಂದಾಗಿ ಯಾವುದೇ ಕಾರಣವಿಲ್ಲದೇ ಕೆಲ ಬಳಕೆದಾರರ ಖಾತೆಗಳಿಗೆ ಬಹುಮಾನದ ಹಣ ಜಮೆಯಾಗಿದೆ. ಇದು ನಡೆದಿರುವುದು ಭಾರತದಲ್ಲಿ ಅಲ್ಲ, ಅಮೆರಿಕದಲ್ಲಿ.

ಹೈದರಾಬಾದ್: ಅಮೆರಿಕದಲ್ಲಿ ಗೂಗಲ್ ಪೇ ಸೇವೆಯಲ್ಲಿನ ತಾಂತ್ರಿಕ ದೋಷದಿಂದಾಗಿ ಅನೇಕ ಜನರಿಗೆ ಬಹುಮಾನದ ರೂಪದಲ್ಲಿ ದೊಡ್ಡ ಪ್ರಮಾಣದ ಹಣ ಸಂದಾಯವಾಗಿದೆ. ಜನಪ್ರಿಯ ಸರ್ಚ್ ಎಂಜಿನ್ ಗೂಗಲ್​​ನ ಪಾವತಿ ಅಪ್ಲಿಕೇಶನ್ ಆಗಿರುವ ಗೂಗಲ್ ಪೇ ತನ್ನ ಬಳಕೆದಾರರಿಗೆ ಭಾರಿ ಕ್ಯಾಶ್‌ಬ್ಯಾಕ್ ಒದಗಿಸುವುದಕ್ಕೆ ಹೆಸರಾಗಿದೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಬಹುಮಾನದ ಬದಲು 'ಮುಂದಿನ ಬಾರಿ ಶುಭವಾಗಲಿ' (better luck next time) ಎಂಬ ಸಂದೇಶ ಕಾಣಿಸುವುದು ಸಹಜ. ಆದರೆ, ಈಗ ಅದನ್ನು ಸ್ಕ್ರಾಚ್ ಮಾಡಿದ ಕೆಲವರ ಖಾತೆಗೆ 80 ಸಾವಿರ ರೂ.ವರೆಗೆ ಹಣ ಜಮೆಯಾಗಿದ್ದು ಅಚ್ಚರಿ ಮೂಡಿಸಿದೆ.

• Uhhh, Google Pay seems to just be randomly giving users free money right now.
  
  I just opened Google Pay and saw that I have $46 in "rewards" that I got "for dogfooding the Google Pay Remittance experience."
  
  What. pic.twitter.com/Epe08Tpsk2

  — Mishaal Rahman (@MishaalRahman) April 5, 2023 " class="align-text-top noRightClick twitterSection" data="

  Uhhh, Google Pay seems to just be randomly giving users free money right now.
  
  I just opened Google Pay and saw that I have $46 in "rewards" that I got "for dogfooding the Google Pay Remittance experience."
  
  What. pic.twitter.com/Epe08Tpsk2

  — Mishaal Rahman (@MishaalRahman) April 5, 2023

  ">

  Uhhh, Google Pay seems to just be randomly giving users free money right now.
  
  I just opened Google Pay and saw that I have $46 in "rewards" that I got "for dogfooding the Google Pay Remittance experience."
  
  What. pic.twitter.com/Epe08Tpsk2

  — Mishaal Rahman (@MishaalRahman) April 5, 2023

ಗೂಗಲ್ ಪೇ ನಲ್ಲಿನ ಸಣ್ಣ ತಾಂತ್ರಿಕ ದೋಷದಿಂದಾಗಿ ಇದು ಸಂಭವಿಸಿದೆ. ಆದರೆ ಇದು ನಡೆದಿರುವುದು ಭಾರತದಲ್ಲಿ ಅಲ್ಲ, ಅಮೆರಿಕದಲ್ಲಿ. ಗೂಗಲ್ ಪೇ ನಲ್ಲಿನ ದೋಷದಿಂದಾಗಿ ಅಮೆರಿಕದಲ್ಲಿನ ಕೆಲವು ಪಿಕ್ಸೆಲ್ ಫೋನ್ ಬಳಕೆದಾರರಿಗೆ ಭಾರಿ ಕ್ಯಾಶ್‌ಬ್ಯಾಕ್ ಬಹುಮಾನ ಬಂದಿವೆ. 10 ಡಾಲರ್‌ಗಳಿಂದ ಪ್ರಾರಂಭಿಸಿ ಕೆಲವರಿಗೆ 1,000 ಡಾಲರ್‌ಗಳವರೆಗೆ ಜಮಾ ಮಾಡಲಾಗಿದೆ. ಕೆಲ ಬಳಕೆದಾರರು ಈ ಬಗ್ಗೆ Reddit ನಲ್ಲಿ ಬರೆದಿದ್ದಾರೆ.

16 ವಹಿವಾಟುಗಳ ಪೈಕಿ 10 ವಹಿವಾಟುಗಳಿಗೆ ಕ್ಯಾಶ್‌ಬ್ಯಾಕ್ ಸಿಕ್ಕಿದೆ ಎಂದು ಬಳಕೆದಾರರು ಹೇಳಿಕೊಂಡಿದ್ದಾರೆ. ಇನ್ನು ಕೆಲವರು 100 ಡಾಲರ್ ಪಡೆದಿರುವುದಾಗಿ ತಿಳಿಸಿದ್ದಾರೆ. ಇನ್ನೊಬ್ಬ ಬಳಕೆದಾರ ತನಗೆ 240 ಡಾಲರ್ ಸಿಕ್ಕಿದೆ ಎಂದು ಹೇಳಿದ್ದಾರೆ. ಮತ್ತೊಬ್ಬ ಬಳಕೆದಾರರು ಒಂದೇ ಬಾರಿಗೆ ತಮಗೆ 1,072 ಡಾಲರ್‌ ಬಂದಿವೆ ಎಂದಿದ್ದಾರೆ. 1072 ಡಾಲರ್ ಎಂದರೆ ಭಾರತೀಯ ಕರೆನ್ಸಿಯಲ್ಲಿ 80,000 ರೂ. ಆಗುತ್ತದೆ. ಈ ಘಟನೆಯು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದ್ದಂತೆ, ಅನೇಕರು ಗೂಗಲ್ ಪೇನಲ್ಲಿ ತಮಗೂ ಏನಾದರೂ ಕ್ಯಾಶ್​ಬ್ಯಾಕ್ ಸಿಗಬಹುದಾ ಎಂದು ಪ್ರಯತ್ನಿಸಿ ನೋಡಿದರು.

ಆದರೆ ಕೆಲ ಹೊತ್ತಿನ ನಂತರ ತನ್ನ ತಾಂತ್ರಿಕ ದೋಷದ ಬಗ್ಗೆ ಗೂಗಲ್ ಪೇ ಗಮನಕ್ಕೆ ಬಂದಿದೆ ಮತ್ತು ಅದನ್ನು ತಕ್ಷಣವೇ ಸರಿಪಡಿಸಿದೆ. ಅಪ್ಲಿಕೇಶನ್‌ನಲ್ಲಿ ತಾಂತ್ರಿಕ ಬದಲಾವಣೆಗಳ ಸಮಯದಲ್ಲಿ ಈ ದೋಷ ಉಂಟಾಗಿದೆ ಎಂದು ಹಲವರು ಹೇಳಿದ್ದಾರೆ. ಆದಾಗ್ಯೂ, ಕ್ಯಾಶ್‌ಬ್ಯಾಕ್ ಪಡೆದ ಬಳಕೆದಾರರಿಂದ ಗೂಗಲ್ ಪೇ ಹಣವನ್ನು ಹಿಂಪಡೆದಿದೆ ಎಂದು ಕಂಡು ಬಂದಿದೆ. ಆದರೆ ಅದಾಗಲೇ ಹಣ ಬೇರೆ ಖಾತೆಗೆ ವರ್ಗಾವಣೆ ಮಾಡಿದ್ದರೆ ಅಥವಾ ಡ್ರಾ ಮಾಡಿದ್ದರೆ ಅಂಥವರ ವಿಚಾರದಲ್ಲಿ ಏನೂ ಮಾಡಲಾಗಿಲ್ಲ ಎಂದು ವರದಿಯಾಗಿದೆ. ಗೂಗಲ್ ಪೇ ಭಾರತದಲ್ಲಿ UPI ರೂಪದಲ್ಲಿ ಮತ್ತು ಅಮೇರಿಕಾದಲ್ಲಿ Wallet ಆಗಿ ಬಳಕೆಯಲ್ಲಿದೆ.

ಗೂಗಲ್ ಪೇ ಎಂಬುದು ಗೂಗಲ್ ಕಂಪನಿಯ ಡಿಜಿಟಲ್ ವ್ಯಾಲೆಟ್ ಮತ್ತು ಪಾವತಿ ಪ್ಲಾಟ್​ಫಾರ್ಮ್ ಆಗಿದೆ. ಗೂಗಲ್ ತನ್ನ ಗೂಗಲ್ ವ್ಯಾಲೆಟ್ ಪಾವತಿ ವ್ಯವಸ್ಥೆ ಮತ್ತು ಆ್ಯಂಡ್ರಾಯ್ಡ್​ ಪೇ ಎರಡರ ಪುನರುಜ್ಜೀವನವಾಗಿ 2018 ರಲ್ಲಿ ಗೂಗಲ್ ಪೇ ಅನ್ನು ಪರಿಚಯಿಸಿತು. 2022 ರಲ್ಲಿ, ಗೂಗಲ್ ಪೇ ಜೊತೆಗೆ ಕಾರ್ಯನಿರ್ವಹಿಸುವ ಆ್ಯಂಡ್ರಾಯ್ಡ್​ ಫೋನ್‌ಗಳಿಗಾಗಿ ನವೀಕರಿಸಿದ ಗೂಗಲ್ ವ್ಯಾಲೆಟ್ ಅಪ್ಲಿಕೇಶನ್ ಅನ್ನು ಮರುಪ್ರಾರಂಭಿಸಿತು.

ಇದನ್ನೂ ಓದಿ : 'ಬಿಬಿಸಿ ಸರ್ಕಾರಿ ಅನುದಾನ ಪಡೆಯುವ ಸಂಸ್ಥೆ' ಕಿಚ್ಚು ಹಚ್ಚಿದ ಟ್ವಿಟರ್​ ಲೇಬಲ್