ಬೇಸಿಗೆಯ ಬಿಸಿ: ಇವಿ ಬ್ಯಾಟರಿ ವಿನಿಮಯ ಕೇಂದ್ರಗಳಲ್ಲಿ ಹೆಚ್ಚುತ್ತಿವೆ ಅಗ್ನಿ ಪ್ರಮಾದ ಪ್ರಕರಣಗಳು

ಬೇಸಿಗೆಯಲ್ಲಿ ಅನೇಕ ಇವಿಗಳು ಬೆಂಕಿಗೆ ಆಹುತಿ ಆಗುತ್ತಿರುವ ಪ್ರಕರಣಗಳು ವರದಿಯಾಗುತ್ತಿದ್ದು, ಇದು ಸಾವಿಗೂ ಕಾರಣವಾಗುತ್ತಿದೆ. ಈ ಹಿನ್ನೆಲೆ ಸರ್ಕಾರ ಕೂಡ ಕಟ್ಟು ನಿಟ್ಟಿನ ತನಿಖೆಗೆ ಮುಂದಾಗಿದೆ.

ನವದೆಹಲಿ: ಸದ್ಯ ಭಾರತದಲ್ಲಿ ಎಲೆಕ್ಟ್ರಿಕ್​ ವಾಹನಗಳ ಬಳಸುವವರ ಸಂಖ್ಯೆಯಲ್ಲಿ ಭಾರಿ ಪ್ರಮಾಣದಲ್ಲಿ ಏರಿಕೆ ಕಂಡು ಬರುತ್ತಿದೆ. ಜನರು ಕೂಡ ಇದರತ್ತ ಒಲವು ತೋರುತ್ತಿದ್ದಾರೆ. ಸುಲಭವಾಗಿ ಬ್ಯಾಟರಿ ಬದಲಾಯಿಸಿ ಸಂಚರಿಸುವ ಈ ವಾಹನಗಳು ಜನಪ್ರಿಯವಾಗುತ್ತಿದ್ದಂತೆ ಭಾರತದ ಹವಾಮಾನ ಅದಕ್ಕೆ ತೊಡಕಾಗಿ ಪರಿಣಮಿಸಿದೆ. ಈ ಬಾರಿ ಭಾರತದಲ್ಲಿ ಬೇಸಿಗೆಯ ಬಿಸಿ ಏರಿದ್ದು, ಜನರು ಶಾಖದ ಅಲೆಯಿಂದ ತತ್ತರಿಸುತ್ತಿದ್ದಾರೆ. ಈ ನಡುವೆ ಉತ್ತರ ಭಾರತದಲ್ಲಿ ಎಲೆಕ್ಟ್ರಿಕ್​ ವಾಹನಗಳ ಬ್ಯಾಟರಿ ವಿನಿಮಯ ಸ್ಟೇಷನ್​ ಕೇಂದ್ರಗಳಲ್ಲಿ ಅಗ್ನಿ ಪ್ರಮಾದಗಳು ಕಾಣಿಸಿಕೊಳ್ಳುತ್ತಿರುವ ಘಟನೆ ವರದಿಯಾಗುತ್ತಿವೆ.

ಮಾಧ್ಯಮವೊಂದರ ವರದಿ ಪ್ರಕಾರ, ಈ ವಾರದ ಆರಂಭದಲ್ಲಿ ನವದೆಹಲಿ ಜನಕ್​ಪುರಿ ಪ್ರದೇಶದಲ್ಲಿ ಎಲೆಕ್ಟ್ರಾನಿಕ್​ ವಾಹನ ಸ್ಟಾರ್ಟ್​ಅಪ್​ಗೆ ಸೇರಿದ ಬ್ಯಾಟರಿ ಸ್ಟೇಷನ್​ ಬೆಂಕಿಗೆ ಆಹುತಿ ಆಗಿದೆ. ಈ ಬ್ಯಾಟರಿ ಸ್ಮಾರ್ಟ್​​ ಚಾಲಿತ ಸೌಲಭ್ಯವೂ ಎಲೆಕ್ಟ್ರಿಕ್​ ವಾಹನಗಳಿಗೆ ಪವರ್​ ನೀಡುವ ಉದ್ದೇಶದಿಂದ 50 ಬ್ಯಾಟರಿ ಪ್ಯಾಕ್​ ಅನ್ನು ಹೊಂದಿದೆ ಎಂದು ವರದಿ ಆಗಿದೆ.

ಹಲವು ಪ್ರಕರಣ: ಕಳೆದ ಜನವರಿಯಲ್ಲಿ ಲಕ್ನೋನಲ್ಲಿನ ಬದಾಶಾ ನಗರದ ಬ್ಯಾಟರಿ ವಿನಿಮಯ ಕೇಂದ್ರದಲ್ಲೂ ಬೆಂಕಿ ಕಾಣಿಸಿಕೊಂಡು, ಇದಕ್ಕೆ ಓರ್ವ ಬಲಿಯಾಗಿದ್ದ. ಕಳೆದ ವರ್ಷ ಮೇ ಅಲ್ಲಿ ಕೂಡ ನೋಯ್ಡಾದ ಸಣ್ಣ ಬ್ಯಾಟರಿ ಸ್ಮಾರ್ಟ್​ ಅಂಗಡಿ ಬೆಂಕಿಗೆ ಆಹುತಿ ಆಗಿತ್ತು. ಇದಾದ ಎರಡು ತಿಂಗಳ ಬಳಿಕ ದೆಹಲಿಯ ಸೀತಾಪುರಿ ಪ್ರದೇಶದಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು ಎಂದು ಕೆನ್​ ವರದಿ ಮಾಡಿದ್ದಾರೆ.

ಈ ಕುರಿತು ಮಾತನಾಡಿರುವ ಇವಿ ಸ್ಮಾರ್ಟ್​ಅಪ್​, ಹೆಚ್ಚಿನ ಬಿಸಿಲಿನ ಹಿನ್ನಲೆಯಲ್ಲಿ ಎರಡು ಬ್ಯಾಟರಿ ಪ್ಯಾಕ್​ನಲ್ಲಿ ಶಾರ್ಟ್​ ಸರ್ಕ್ಯೂಟ್​ನಿಂದ ಬೆಂಕಿ ಹೊತ್ತಿದೆ. ಈ ಎರಡು ಬ್ಯಾಟರಿಗಳು ತಾಪಮಾನದ ಪರಿಣಾಮವಾಗಿ ಎರಡು ನಿಮಿಷದಲ್ಲೇ ಅಗ್ನಿ ಹೊತ್ತಿಕೊಂಡಿದೆ. ಈ ಸಂಬಂಧ ನಮ್ಮ ಕೆಳ ಸಿಬ್ಬಂದಿಗೆ ತಿಳಿಸಲಾಗಿದ್ದು, ಮಾರ್ಗಸೂಚಿಯನ್ನು ಪಾಲಿಸುವಂತೆ ತಿಳಿಸಲಾಗಿದೆ. ತಕ್ಷಣವೇ ಅವರಿಗೆ ಮುಖ್ಯ ವಿದ್ಯುತ್​ ಕಂಟ್ರೋಲ್​​​​​​​​​​​​​​ ಅನ್ನು ಸ್ವಿಚ್​ ಆಫ್​ ಮಾಡುವಂತೆ ಮತ್ತು ಫೋಮ್​ ಎಕ್ಸ್​ಟಿಗ್ವಿಶರ್​ ನಿಯೋಜಿಸುವಂತೆ ಸೂಚಿಸಿದ್ದೆವು. ಆದರೆ, ಪರಿಸ್ಥಿತಿ ನಿಯಂತ್ರಣಕ್ಕೆ ಬರಲು ಸಾಧ್ಯವಾಗಲಿಲ್ಲ. ಇದರಿಂದ ಎಲ್ಲ ಬ್ಯಾಟರಿಗಳಿಗೆ ಬೆಂಕಿ ಹರಡಿದೆ. ಈ ಹಿನ್ನೆಲೆ ತಕ್ಷಣಕ್ಕೆ ಅಗ್ನಿ ಶಾಮಕ ಸಿಬ್ಬಂದಿಗೆ ತಿಳಿಸಿದೆವು.

ತಾಪಮಾನ ಹೆಚ್ಚಿದಂತೆ ಬ್ಯಾಟರಿಗಳು ಬೆಂಕಿಗೆ ಆಹುತಿ ಆಗುತ್ತಿರುವುದು ಅನೇಕ ಇವಿ ಬಳಕೆದಾರರಲ್ಲಿ ಆತಂಕಕ್ಕೆ ಕಾರಣವಾಗಿದೆ. ಬೇಸಿಗೆಯಲ್ಲಿ ಅನೇಕ ಇವಿಗಳು ಬೆಂಕಿಗೆ ಆಹುತಿ ಆಗುತ್ತಿರುವ ಪ್ರಕರಣಗಳು ವರದಿಯಾಗುತ್ತಿದ್ದು, ಇದು ಸಾವಿಗೂ ಕಾರಣವಾಗುತ್ತಿದೆ. ಈ ಹಿನ್ನೆಲೆ ಸರ್ಕಾರ ಕೂಡ ಕಟ್ಟು ನಿಟ್ಟಿನ ತನಿಖೆಗೆ ಮುಂದಾಗಿದೆ.

ಭಾರತದ ಇವಿ ಮಾರುಕಟ್ಟೆ: ಭಾರತದಲ್ಲಿ ಇವಿ ಮಾರುಕಟ್ಟೆ ವಿಸ್ತಾರವಾಗುತ್ತಿದ್ದಂತೆ ಬ್ಯಾಟರಿ ಸ್ಮಾರ್ಟ್​​ಗಳು ಯೋಜನೆಗಳನ್ನು ಆರಂಭಿಸಲಾಗಿದೆ. ದ್ವಿಚಕ್ರ ಮತ್ತು ಮೂರು ಚಕ್ರದ ವಾಹನಗಳ ಬ್ಯಾಟರಿ ವಿನಿಮಿಯ ಕೇಂದ್ರದ ನೆಟ್​ವರ್ಕ್​ ವೇಗವಾಗಿ ಬೆಳೆಯುತ್ತದೆ. ದಿ ಟೈಗರ್​ ಗ್ಲೋಬಲ್​ ಬೆಂಬಲಿತ ಈ ಸ್ಟಾರ್ಟ್​ ಅಪ್​ ಸರಣಿ ಉದ್ಯಮವನ್ನು ಐಐಟಿ ಕಾನ್ಫುರ ಪದವೀಧರ ಪುಲ್ಕಿಟ್​ ಕುರನಾ ಮತ್ತು ಸಿದ್ಧಾರ್ಥ್​ ಸಿಕ್ಕಾ ಆರಂಭಿಸಿದರು. 2025ರ ಹೊತ್ತಿಗೆ 17 ಬಿಲಿಯನ್​ ವಿನಿಯಯ ಮಾರುಕಟ್ಟೆ ಗುರಿಯನ್ನು ಇವರು ಹೊಂದಿದ್ದಾರೆ

ಇದನ್ನೂ ಓದಿ: ನಿರೀಕ್ಷೆ ಮೀರಿ ಬೆಳೆದ ಚೀನಾ ಆರ್ಥಿಕತೆ: ಕೊರೊನಾ ಬಿಕ್ಕಟ್ಟಿನಿಂದ ಹೊರಬಂದ ಡ್ರ್ಯಾಗನ್