ಸ್ಯಾನ್ ಫ್ರಾನ್ಸಿಸ್ಕೋ: ಟೆಕ್ ಜಗತ್ತಿನಲ್ಲಿ ಕಳೆದ ಒಂದು ವಾರದಿಂದ ಜಾಗತಿಕವಾಗಿ ಸದ್ದು ಮಾಡುತ್ತಿರುವ ಹೆಸರು ಸ್ಯಾಮ್ ಆಲ್ಟ್ಮನ್. ಓಪನ್ಎಐನಿಂದ ವಜಾಗೊಂಡಿದ್ದ ಚಾಟ್ಜಿಪಿಟಿ ಸೃಷ್ಟಿಕರ್ತ ಆಲ್ಟಮನ್ ಇದೀಗ ಮತ್ತೆ ತಮ್ಮ ಗೂಡಿಗೆ ಮರಳಲಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದರೆ, ಈ ವಾರದಲ್ಲಿ ಅವರು ಹೊಸ ಮಂಡಳಿಯೊಂದಿಗೆ ತಮ್ಮ ಓಪನ್ ಎಐ ತಂಡ ಸೇರಲಿದ್ದಾರೆ ಎಂದು ವರದಿಯಾಗಿದೆ.
ಸ್ಯಾಮ್ ಆಲ್ಟಮನ್ ಓಪನ್ಎಐ ಮಂಡಳಿ ನಡುವಿನ ಹಗ್ಗ ಜಗ್ಗಾಟ ಕೊನೆಯ ಹಂತದಲ್ಲಿದೆ. ಅವರನ್ನು ಮರಳಿ ತರುವ ಎಲ್ಲಾ ಯತ್ನಕ್ಕೆ ಮಂಡಳಿಯ ನಿರ್ದೇಶಕರು ಪ್ರಯತ್ನಿಸಿದ್ದರು. ಇದೀಗ ಹೊಸ ಮಂಡಳಿ ರಚನೆ ಮಾಡುವ ಮೂಲಕ ಅವರನ್ನು ಮತ್ತೆ ಸಂಸ್ಥೆಗೆ ಸ್ವಾಗತಿಸಲಾಗುತ್ತಿದೆ.
ಹೊಸ ಮಂಡಳಿಯೊಂದಿಗೆ ಬರಲಿರುವ ಆಲ್ಟಮನ್: ವರದಿಗಳ ಅನುಸಾರ, ಕ್ವಾರ ಸಿಇಒ ಆ್ಯಡಂ ಡಿ ಎಂಜೆಲೊ, ಓಪನ್ ಎಐನ ಪ್ರಸ್ತುತ ಸದಸ್ಯರು ಮತ್ತು ಆಲ್ಟಮನ್ ಮತ್ತು ಇತರೆ ಮಂಡಳಿ ಸದಸ್ಯರ ಜೊತೆಗೆ ಚರ್ಚೆಗಳು ಮುಂದುವರೆದಿವೆ. ಮಂಡಳಿ ಮತ್ತು ಆಲ್ಟಮನ್ ಕಂಪನಿಗೆ ಮರಳುವ ಸಂಭಾವ್ಯ ಸನ್ನಿವೇಶಗಳ ಕುರಿತು ಚರ್ಚೆ ನಡೆಸಿದ್ದು, ಆಲ್ಟಮನ್ ಹೊಸ ಮಂಡಳಿ ನಿರ್ದೇಶಕರಾಗಿ ಮತ್ತೆ ಬರುವ ಸಾಧ್ಯತೆ ಇದೆ ಎಂದು ಬ್ಲೂಮ್ಬರ್ಗ್ ವರದಿ ಮಾಡಿದೆ.
ಅಂದರಂತೆ ಎಕ್ಸ್ನಲ್ಲಿ ಈ ಕುರಿತು ಪೋಸ್ಟ್ ಮಾಡಿರುವ ಸಂಸ್ಥೆ, ಓಪನ್ಎಐಗೆ ಮರಳುವ ಹೊಸ ಒಪ್ಪಂದ ಕುರಿತು ಸ್ಯಾಮ್ ಅವರೊಂದಿಗೆ ಮಾತನಾಡಲಾಗಿದೆ. ಅದರ ಅನುಸಾರ ಹೊಸ ಮಂಡಳಿಯಲ್ಲಿ ಲ್ಯಾರಿ ಸಮರ್ಸ್, ಆ್ಯಡಂ ಡಿ ಎಂಜೆಲೊ, ಬ್ರೆಟ್ ಟೈಲರ್ಯೊಂದಿಗೆ ಸ್ಯಾಮ್ ಜೊತೆಗೆ ಕಾರ್ಯ ನಿರ್ವಹಿಸಲಿದ್ದಾರೆ. ಈ ಕುರಿತು ಅಂತಿಮ ಚರ್ಚೆ ಸಾಗಿದೆ ಎಂದು ಪೋಸ್ಟ್ ಮಾಡಿದ್ದಾರೆ.
ಆಲ್ಟಮನ್ ಅವರನ್ನು ಮತ್ತೆ ಸಂಸ್ಥೆಗೆ ಕರೆತರಬೇಕು ಎಂದು ಮಂಡಳಿ ಮೇಲೆ ತ್ರೈವ್ ಕಾಪಿಟಲಲ್, ಖೋಸ್ಲಾ ವೆಂಚರ್, ಟೈಜಗರ್ ಗ್ಲೋಬಲ್ ಮ್ಯಾನೇಜ್ಮೆಂಟ್ ಸೇರಿದಂತೆ ಚಾಟ್ ಜಿಪಿಟಿ ಅಭಿವೃದ್ಧಿಯ ಸಿಬ್ಬಂದಿ ಒತ್ತಾಯಿಸಿದ್ದರು. ಇತ್ತ ಆಲ್ಟಮನ್ ತಾವು ಮತ್ತೆ ಸಂಸ್ಥೆಗೆ ಮರಳಬೇಕು ಎಂದರೆ, ಓಪನ್ಎಐ ಆಡಳಿತದ ಮಂಡಳಿಯಲ್ಲಿ ಗಮನಾರ್ಹ ಬದಲಾವಣೆ ನಡೆಸಬೇಕು ಎಂದು ಬೇಡಿಕೆ ಇಟ್ಟಿದ್ದಾರೆ.
ಐ ಲವ್ ಓಪನ್ಎಐ: ಸ್ಯಾಮ್ ಮತ್ತೆ ಓಪನ್ಎಐಗೆ ಮರಳುವ ನಿರ್ಧಾರ ಕುರಿತು ಎಕ್ಸ್ನಲ್ಲಿ ಕೂಡ ತಿಳಿಸಿದ್ದಾರೆ. ನಾನು ಓಪನ್ಎಐ ಪ್ರೀತಿಸುತ್ತೇನೆ. ನಾನು ಓಪನ್ಎಐಗೆ ಮರಳುತ್ತಿದ್ದು, ಮೈಕ್ರೋಸಾಫ್ಟ್ನೊಂದಿಗೆ ತಮ್ಮ ಸಹಭಾಗಿತ್ವ ಅಭಿವೃದ್ಧಿಯನ್ನು ಬಲಗೊಳಿಸುವುದಾಗಿ ತಿಳಿಸಿದ್ದರು.
ಓಪನ್ ಎಐದಿಂದ ವಜಾಗೊಳ್ಳುತ್ತಿದ್ದಂತೆ ಸ್ಯಾಮ್ ಆಲ್ಟಮನ್ ಅವರನ್ನು ತಮ್ಮ ಸಂಸ್ಥೆಗೆ ಸೇರಿಸಿಕೊಂಡ ಮೈಕ್ರೋಸಾಫ್ಟ್ ಸಿಇಒ ಸತ್ಯ ನಾದೆಲ್ಲಾ, ತಮ್ಮ ಸಂಸ್ಥೆ ಎಲ್ಲಾ ಓಪನ್ಎಐಗೆ ಹೊಸ ಯೋಜನೆಯ ಭಾಗವಾಗಿಸಿ ಸ್ಥಾನ ಕಲ್ಪಿಸುವ ಭರವಸೆಯನ್ನು ನೀಡಿದ್ದರು. ಆದರೆ, ಆಲ್ಟಮನ್ ಓಪನ್ಎಐಗೆ ಮತ್ತೆ ಮರಳುವ ಸಾಧ್ಯತೆಯನ್ನು ತಳ್ಳಿಹಾಕುಲು ಸಾಧ್ಯವಿಲ್ಲ ಎಂದು ಇತ್ತೀಚಿನ ಹೊಸ ಬೆಳವಣಿಗೆಯಲ್ಲಿ ತಿಳಿಸಿದ್ದರು. ಇದೀಗ ಅವರು ತಮ್ಮ ಮಾತೃ ಸಂಸ್ಥೆಗೆ ಮರಳುತ್ತಿರುವ ನಿರ್ಧಾರವನ್ನು ನಾದೆಲ್ಲಾ ಗೌರವಿಸಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ಓಪನ್ಎಐ ತೊರೆದು ಮೈಕ್ರೋಸಾಫ್ಟ್ ಸೇರುವ ಬೆದರಿಕೆಯೊಡ್ಡಿದ 500ಕ್ಕೂ ಹೆಚ್ಚಿನ ಸಿಬ್ಬಂದಿ
