ನವದೆಹಲಿ: ನೋಕಿಯಾ ಆಪಲ್ ಕಂಪನಿಯೊಂದಿಗೆ ಹೊಸ ಪೇಟೆಂಟ್ ಪರವಾನಗಿ ಒಪ್ಪಂದಕ್ಕೆ ಸಹಿ ಹಾಕಿದೆ. ಏಕೆಂದರೆ ಕಂಪನಿಗಳ ನಡುವಿನ ಪ್ರಸ್ತುತ ಪರವಾನಗಿ 2023ರ ಅಂತ್ಯಕ್ಕೆ ಮುಕ್ತಾಯಗೊಳ್ಳುತ್ತದೆ. ಹೀಗಾಗಿ ಹೊಸ ಪೇಟೆಂಟ್ ಪರವಾನಗಿಗೆ ಎರಡು ಕಂಪನಿಗಳ ನಡುವೆ ಒಪ್ಪಂದ ನಡೆದಿದೆ. ಕಾಪಿರೈಟ್ ಉಲ್ಲಂಘನೆಗಾಗಿ ನೋಕಿಯಾ, ಆಪಲ್ ವಿರುದ್ಧ ಮೊಕದ್ದಮೆ ಹೂಡಿದ್ದ ನಂತರ ಐಫೋನ್ ಅನ್ನು ನಕಲು ಮಾಡಲು ಪ್ರಯತ್ನಿಸಿದ್ದಕ್ಕಾಗಿ ಆಪಲ್ 2009ರಲ್ಲಿ ನೋಲಿಯಾ ವಿರುದ್ಧ ಮೊಕದ್ದಮೆ ಹೂಡಿತ್ತು.
-
Apple and Nokia forge new patent cross-license agreement before prior deal expires https://t.co/ILg0Hd2LB1
— 9to5Mac (@9to5mac) June 30, 2023 " class="align-text-top noRightClick twitterSection" data="
">Apple and Nokia forge new patent cross-license agreement before prior deal expires https://t.co/ILg0Hd2LB1
— 9to5Mac (@9to5mac) June 30, 2023Apple and Nokia forge new patent cross-license agreement before prior deal expires https://t.co/ILg0Hd2LB1
— 9to5Mac (@9to5mac) June 30, 2023
2011ರಲ್ಲಿ ಪ್ರಕರಣ ಇತ್ಯರ್ಥವಾಗಿತ್ತು. ಮತ್ತೆ 2016ರಲ್ಲಿ ಕಂಪನಿಗಳ ನಡುವೆ ವಿವಾದ ಉಂಟಾಗಿ ಆಪಲ್ ನೋಕಿಯಾಗೆ 2 ಬಿಲಿಯನ್ ಡಾಲರ್ ಪಾವತಿಸುವ ಮೂಲಕ ವಿವಾದ ಬಗೆಹರಿದಿತ್ತು. ಹೊಸ ಪರವಾನಗಿ ಒಪ್ಪಂದವು 5ಜಿ ಮತ್ತು ಇತರ ತಂತ್ರಜ್ಞಾನಗಳಲ್ಲಿ ನೋಕಿಯಾದ ಬಂಡವಾಳ ಹೂಡಿಕೆಗಳನ್ನು ಒಳಗೊಂಡಿದೆ. ಈ ಮೂಲಕ ನೋಕಿಯಾ ಹಲವು ವರ್ಷಗಳ ಕಾಲ ಆಪಲ್ನಿಂದ ಆದಾಯವನ್ನು ಗಳಿಸಲಿದೆ.
ನೋಕಿಯಾ ಟೆಕ್ನಾಲಜೀಸ್ ಅಧ್ಯಕ್ಷ ಜೆನ್ನಿ ಲುಕಾಂಡರ್ ಮಾತನಾಡಿ, "ಆಪಲ್ನೊಂದಿಗೆ ದೀರ್ಘಕಾಲೀನ ಪೇಟೆಂಟ್ ಪರವಾನಗಿ ಒಪ್ಪಂದ ಮಾಡಿಕೊಳ್ಳಲು ನಾವು ಸಂತೋಷಪಡುತ್ತೇವೆ. ಈ ಒಪ್ಪಂದವು ನೋಕಿಯಾದ ಪೇಟೆಂಟ್ ಪೋರ್ಟ್ಫೋಲಿಯೊದ ಬಲವನ್ನು ಪ್ರತಿಬಿಂಬಿಸುತ್ತದೆ. ಸಂಶೋಧನೆ ಮತ್ತು ಅಭಿವೃದ್ಧಿಯಲ್ಲಿ ದಶಕಗಳ ಕಾಲ ಹೂಡಿಕೆ ಮತ್ತು ಸೆಲ್ಯುಲಾರ್ ಮಾನದಂಡಗಳು ಇತರ ತಂತ್ರಜ್ಞಾನಗಳಿಗೆ ಕೊಡುಗೆಯಾಗಿದೆ.
ನೋಕಿಯಾದ ಉದ್ಯಮ ಪ್ರಮುಖ ಪೇಟೆಂಟ್ ಪೋರ್ಟ್ಫೋಲಿಯೊವನ್ನು 2000 ದಿಂದ ಆರ್ & ಡಿಯಲ್ಲಿ ಹೂಡಿಕೆ ಮಾಡಿದ 140 ಬಿಲಿಯನ್ ಯುರೋಗಳಿಗಿಂತ ಹೆಚ್ಚು ವೆಚ್ಚದಲ್ಲಿ ನಿರ್ಮಿಸಲಾಗಿದೆ ಮತ್ತು 5Gಗೆ ಅತ್ಯಗತ್ಯ ಎಂದು ಘೋಷಿಸಲಾದ 5,500ಕ್ಕೂ ಹೆಚ್ಚು ಪೇಟೆಂಟ್ ಸೇರಿದಂತೆ ಸುಮಾರು 20,000 ಪೇಟೆಂಟ್ಗಳನ್ನು ಕಂಪನಿ ಒಳಗೊಂಡಿದೆ ಎಂದು ತಿಳಿಸಿದ್ದಾರೆ.
ನ್ಯಾಯಯುತ, ಸಮಂಜಸವಾದ ಮತ್ತು ತಾರತಮ್ಯರಹಿತ (FRAND) ನಿಯಮಗಳ ಮೇಲೆ ತನ್ನ ಆವಿಷ್ಕಾರಗಳಿಗೆ ಪರವಾನಗಿ ನೀಡುವ ಹಕ್ಕನ್ನು ವಿನಿಮಯ ಮಾಡಿಕೊಳ್ಳಲು ನೋಕಿಯಾ ಮುಕ್ತ ಮಾನದಂಡಕ್ಕೆ ಕೊಡುಗೆ ನೀಡುತ್ತದೆ. 2016ರಲ್ಲಿ ಆಪಲ್ ತನ್ನ ಮಾಲೀಕತ್ವದ ಡಜನ್‌ ಗಟ್ಟಲೆ ಪೇಟೆಂಟ್ಗಳನ್ನು ಮತ್ತು ನೋಕಿಯಾ ಅಂಗ ಸಂಸ್ಥೆಗಳ ಒಡೆತನದ ಪೇಟೆಂಟ್ಗಳನ್ನು ಉಲ್ಲಂಘಿಸಿದೆ ಎಂದು ನೋಕಿಯಾ ಆರೋಪಿಸಿತ್ತು. ಆಪಲ್ ತನ್ನ ಕೊನೆಯ ಪೇಟೆಂಟ್ ವಿವಾದವನ್ನು ಇತ್ಯರ್ಥಪಡಿಸಿಕೊಂಡ ನಂತರ 2011ರಿಂದಲೂ ನೋಕಿಯಾದೊಂದಿಗೆ ಪರವಾನಗಿ ಒಪ್ಪಂದವನ್ನು ಮಾಡಿಕೊಂಡು ಬರುತ್ತಿದೆ.
ಇದನ್ನೂ ಓದಿ: Twitter New Rule: ಖಾತೆ ಇಲ್ಲದೇ ಇನ್ಮುಂದೆ ಟ್ವಿಟರ್ ಜಾಲಾಡಲು ಸಾಧ್ಯವಿಲ್ಲ; ಹೊಸ ನಿಯಮ ತಂದ ಮಸ್ಕ್
AI ಟ್ರೇನಿಂಗ್ ಕೋರ್ಸ್ ಆರಂಭಿಸಿದ ಮೈಕ್ರೊಸಾಫ್ಟ್: ಕೃತಕ ಬುದ್ಧಿಮತ್ತೆಯ ಸಾಮರ್ಥ್ಯವನ್ನು ಹೇಗೆ ಬಳಸಿಕೊಳ್ಳುವುದು ಎಂಬುದನ್ನು ಜನರಿಗೆ ತಿಳಿಸಲು ಮತ್ತು ತರಬೇತಿ ನೀಡಲು ಮೈಕ್ರೋಸಾಫ್ಟ್ ಹೊಸ AI ಸ್ಕಿಲ್ಸ್ ಇನಿಶಿಯೇಟಿವ್ ಅನ್ನು ಪ್ರಾರಂಭಿಸಿದೆ. ಈ ಇನಿಶಿಯೇಟಿವ್ ಲಿಂಕ್ಡ್‌ಇನ್‌ನೊಂದಿಗೆ ಅಭಿವೃದ್ಧಿಪಡಿಸಿದ ಹೊಸ, ಉಚಿತ ಕೋರ್ಸ್‌ವರ್ಕ್ ಅನ್ನು ಒಳಗೊಂಡಿರುತ್ತದೆ. ಆನ್‌ಲೈನ್ ಕಲಿಕಾ ಮಾರುಕಟ್ಟೆಯಲ್ಲಿ ಜನರೇಟಿವ್ AI ಕುರಿತು ಮೊದಲ ವೃತ್ತಿಪರ ಪ್ರಮಾಣಪತ್ರ ಇದರಲ್ಲಿ ಸಿಗಲಿದೆ.
ಆನ್‌ಲೈನ್ ಕಲಿಕಾ ಮಾರುಕಟ್ಟೆಯಲ್ಲಿ ಜನರೇಟಿವ್ ಎಐ ಕುರಿತು ಮೊದಲ ವೃತ್ತಿಪರ ಪ್ರಮಾಣಪತ್ರ ಇದಾಗಲಿದೆ. ಉತ್ಪಾದಕ AI ನಲ್ಲಿ ಕಾರ್ಮಿಕರಿಗೆ ತರಬೇತಿ ನೀಡುವ ಹೊಸ ವಿಧಾನಗಳನ್ನು ಅಳವಡಿಸಿಕೊಳ್ಳಲು data ಡಾಟ್ org ಯೊಂದಿಗೆ ಸಮನ್ವಯದಲ್ಲಿ ಇದು ಕೆಲಸ ಮಾಡಲಿದೆ.
