ನವದೆಹಲಿ: 2022ರ ಅಂತ್ಯದ ವೇಳೆಗೆ ಚಂದ್ರಯಾನ-3 ಉಡಾವಣೆಯಾಗುವ ಸಾಧ್ಯತೆಯಿದೆ ಎಂದು ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಮತ್ತು ರಾಜ್ಯ ಪರಮಾಣು ಇಂಧನ ಮತ್ತು ಬಾಹ್ಯಾಕಾಶ ಸಚಿವ ಡಾ.ಜಿತೇಂದ್ರ ಸಿಂಗ್ ಸಂಸತ್ಗೆ ತಿಳಿಸಿದ್ದಾರೆ.
ಅಧಿವೇಶನದಲ್ಲಿ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಅವರು, ಚಂದ್ರಯಾನ -3 ನ್ನು ಉಡಾವಣೆ ಮಾಡುವ ಯೋಜನೆ ಪ್ರಗತಿಯಲ್ಲಿದೆ. ಚಂದ್ರಯಾನ-3 ರ ಸಂರಚನೆಯ ಅಂತಿಮೀಕರಣ, ಉಪ ವ್ಯವಸ್ಥೆಗಳ ಸಾಕ್ಷಾತ್ಕಾರ, ಏಕೀಕರಣ, ಬಾಹ್ಯಾಕಾಶ ನೌಕೆ ಮಟ್ಟದ ವಿವರವಾದ ಪರೀಕ್ಷೆ ಮತ್ತು ಭೂಮಿಯ ಮೇಲಿನ ವ್ಯವಸ್ಥೆಯ ಕಾರ್ಯಕ್ಷಮತೆಯನ್ನು ಮೌಲ್ಯಮಾಪನ ಮಾಡಲು ಹಲವಾರು ವಿಶೇಷ ಪರೀಕ್ಷೆಗಳು ನಡೆಯುತ್ತಿವೆ ಎಂದು ಸಂಸತ್ಗೆ ತಿಳಿಸಿದರು.
ಇದನ್ನೂ ಓದಿ: ಆರ್ಥಿಕ ಬೆಳವಣಿಗೆಗೆ ಬಂಡವಾಳ ಮಾರುಕಟ್ಟೆಗಳು ಸಹಕಾರಿ: SEBI ಅಧ್ಯಕ್ಷ
ಕೋವಿಡ್ನಿಂದಾಗಿ ಎಲ್ಲಾ ಬಾಹ್ಯಾಕಾಶ ಚಟುವಟಿಕೆಗಳು ಸ್ಥಗಿತಗೊಂಡಿದ್ದವು. ಸಾಧ್ಯವಿರುವ ಎಲ್ಲ ಕೆಲಸಗಳನ್ನು ವರ್ಕ್ ಫ್ರಂ ಹೋಂನಿಂದಲೇ ಮಾಡಲಾಗಿದೆ. ಅನ್ಲಾಕ್ ಆದ ನಂತರ ಚಂದ್ರಯಾನ-3 ಕ್ಕೆ ತಯಾರಿ ನಡೆಸಲಾಗುತ್ತಿದೆ ಎಂದು ಮಾಹಿತಿ ನೀಡಿದರು. ಚಂದ್ರಯಾನ 02 ಅನ್ನು 2019ರ ಜುಲೈ 22 ರಂದು ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿತ್ತು.
