ನವದೆಹಲಿ: ನಗರದ ಪ್ರಗತಿ ಮೈದಾನದಲ್ಲಿ ನಡೆದ ಎಲೆಕ್ಟ್ರಿಕ್ ವೆಹಿಕಲ್ ಎಕ್ಸ್‌ಪೋ- 2021ರಲ್ಲಿ ಜಪಾನಿನ ಕಂಪನಿ ಟೆರ್ರಾ ಮೋಟಾರ್ಸ್ ಕೂಡ ಭಾಗವಹಿಸಿದೆ. ಮಾರುಕಟ್ಟೆಯಲ್ಲಿ ಎಲೆಕ್ಟ್ರಿಕ್ ವಾಹನದ ದೊಡ್ಡ ಕಂಪನಿ ಇದಾಗಿದೆ. ಈ ಕಂಪನಿ 2 ವರ್ಷಗಳಲ್ಲಿ ವಿಶೇಷ ಬೈಕ್ ಅನ್ನು ಬಿಡುಗಡೆ ಮಾಡಲಿದೆ. ಪ್ರಸ್ತುತ, ಇದು ಜನರ ಆಕರ್ಷಣೆ ಕೇಂದ್ರವಾಗುತ್ತಿದೆ.
ಟೆರ್ರಾ ಮೋಟಾರ್ ಬೈಕಿನ ಗರಿಷ್ಠ ವೇಗ ಗಂಟೆಗೆ 100 ಕಿ.ಮೀ ಇದೆ. ಬೈಕ್ 9.6 ಕೆಡಬ್ಲ್ಯೂ ಡಿಸಿ ಮೋಟಾರ್ ಹೊಂದಿದೆ. ವಿಶೇಷವೆಂದರೆ ಈ ಬೈಕ್ ಒಂದೇ ಚಾರ್ಜ್‌ನಲ್ಲಿ 100 ಕಿಲೋಮೀಟರ್ ವರೆಗೆ ಹೋಗಬಹುದು.
ಕಂಪನಿಯ ಸಿಇಒ ಅಕಿಹಿರೋ ಉಯ್ದಾ, ಈ ಬೈಕ್ ಬಗ್ಗೆ ತುಂಬಾ ಉತ್ಸುಕರಾಗಿದ್ದು, ಭಾರತದಲ್ಲಿ ಆರಂಭಿಸಲು ಮಾತುಕತೆ ನಡೆಯುತ್ತಿದೆ. ಇದರ ಬೆಲೆಯನ್ನು ಇನ್ನೂ ನಿರ್ಧರಿಸಲಾಗಿಲ್ಲ. ಆದರೆ ಭಾರತೀಯ ಮಾರುಕಟ್ಟೆ ಮಾನದಂಡದ ಪ್ರಕಾರ ಬೈಕ್ ಅನ್ನು ಬಿಡುಗಡೆ ಮಾಡುವುದಾಗಿ ಹೇಳಿದ್ದಾರೆ.
ಇದನ್ನೂ ಓದಿ: ಹೆಚ್ಚಿದ ದಾಸ್ತಾನು: ರೈಲು ಕೋಚ್‌ಗಳ ಉತ್ಪಾದನೆ ಶೇ.46ರಷ್ಟು ಕಡಿತಕ್ಕೆ ರೈಲ್ವೆ ಮಂಡಳಿ ನಿರ್ಧಾರ..ಕಾರಣ?
ಮತ್ತೊಂದೆಡೆ, ಇವಿ ಎಕ್ಸ್‌ಪೋಗೆ ಬರುವ ಜನರು ಅದರ ಬಗ್ಗೆ ತುಂಬಾ ಆಕರ್ಷಿತರಾಗಿದ್ದಾರೆ. ಎಲೆಕ್ಟ್ರಿಕ್ ವಾಹನಗಳ ಬಗ್ಗೆ ಪ್ರತಿಕ್ರಿಯಿಸಿದ ಯುವಕರು, 100 ಕಿಮೀ ವೇಗಕ್ಕೆ ಹೋಗುವ ಯಾವುದೇ ಎಲೆಕ್ಟ್ರಿಕಲ್‌ ಬೈಕ್ ಮಾರುಕಟ್ಟೆಗೆ ಬಂದಿಲ್ಲ. ಕೆಲವು ಬೈಕ್‌ಗಳು ಮಾರುಕಟ್ಟೆಯಲ್ಲಿವೆ. ಅದು ಕೂಡ 60 ರಿಂದ 70 ಕಿಮೀ ವೇಗಕ್ಕೆ ಸೀಮಿತವಾಗಿದೆ. ಇದರೊಂದಿಗೆ, ಒಂದು ಬಾರಿ ಚಾರ್ಜ್ ಮಾಡಿದ ನಂತರ ಬೈಕ್‌ಗಳ ಶ್ರೇಣಿಯಲ್ಲಿ ಭಾರಿ ವ್ಯತ್ಯಾಸವಿದೆ. ಆದ್ದರಿಂದ, ಟೆರ್ರಾ ಮೋಟಾರ್ಸ್‌ನ ಬೈಕ್ ಒಂದು ಗೇಮ್ ಚೇಂಜರ್ ಎಂದು ಸಾಬೀತುಪಡಿಸಬಹುದು ಎಂದಿದ್ದಾರೆ.
