ಬೆಂಗಳೂರು: ಬಳಕೆದಾರರಿಗೆ ಮತ್ತಷ್ಟು ಉತ್ತಮ ಮನರಂಜನೆಯ ಅನುಭವ ನೀಡುವ ನಿಟ್ಟಿನಲ್ಲಿ ಅಮೆಜಾನ್ ಕಂಪನಿ ಭಾರತದಲ್ಲಿ ತನ್ನ ಥರ್ಡ್ ಜನರೇಶನ್ ಸ್ಟ್ರೀಮಿಂಗ್ ಮೀಡಿಯಾ ಪ್ಲೇಯರ್ ಫೈರ್ ಟಿವಿ ಕ್ಯೂಬ್ (Fire TV Cube) ಅನ್ನು ಬಿಡುಗಡೆ ಮಾಡಿದೆ. ಇದರ ಬೆಲೆ ಸದ್ಯ 13,999 ರೂಪಾಯಿ ಆಗಿದೆ. ಹೊಸ ಡಿವೈಸ್ ನ್ಯೂ ಆಕ್ಟಾ-ಕೋರ್ 2.0 GHz ಪ್ರೊಸೆಸರ್ ಹೊಂದಿದ್ದು, ಸಿನೆಮ್ಯಾಟಿಕ್ 4K ಅಲ್ಟ್ರಾ HD, ಡಾಲ್ಬಿ ವಿಷನ್, HDR, ಇಮ್ಮರ್ಸಿವ್ ಡಾಲ್ಬಿ ಅಟ್ಮಾಸ್ ಆಡಿಯೊಗಳನ್ನು ಸಪೋರ್ಟ್ ಮಾಡುತ್ತದೆ. ಇದು Wi-Fi 6 ಕಂಪ್ಯಾಟಿಬಲ್ ಆಗಿದೆ.
ಹೊಚ್ಚ ಹೊಸ ತಂತ್ರಜ್ಞಾನದ ಫೈರ್ ಟಿವಿ ಕ್ಯೂಬ್ ನೊಂದಿಗೆ ಗ್ರಾಹಕರು ತಮ್ಮ ಮನೆಯಲ್ಲಿ ಉತ್ತಮ ಮನರಂಜನೆಯ ಆನಂದವನ್ನು ಪಡೆಯಬಹುದು. ಸಿನೆಮ್ಯಾಟಿಕ್ 4K ಸಪೋರ್ಟ್ ಮಾಡುವ ಇದು, ಹೋಮ್ ಎಂಟರ್ಟೇನ್ಮೆಂಟ್ ಸಿಸ್ಟಂಗಳನ್ನು ಹ್ಯಾಂಡ್ಸ್ ಫ್ರೀ ಮೋಡ್ನಲ್ಲಿ ಕಂಟ್ರೋಲ್ ಮಾಡಲು ಅಲೆಕ್ಸಾವನ್ನು ಸಹ ಸಪೋರ್ಟ್ ಮಾಡುತ್ತದೆ ಎಂದು ಅಮೆಜಾನ್ ಡಿವೈಸಸ್ ಇಂಡಿಯಾದ ಕಂಟ್ರಿ ಮ್ಯಾನೇಜರ್ ಮತ್ತು ಡೈರೆಕ್ಟರ್ ಪರಾಗ್ ಗುಪ್ತಾ ಹೇಳಿದರು.
ಹೊಸ ಫೈರ್ ಟಿವಿ ಕ್ಯೂಬ್ HDMI ಇನ್‌ಪುಟ್ ಪೋರ್ಟ್ ಮತ್ತು ಸೂಪರ್ ರೆಸಲ್ಯೂಶನ್ ಅಪ್‌ಸ್ಕೇಲಿಂಗ್‌ನಂತಹ ಹೊಸ ವೈಶಿಷ್ಟ್ಯಗಳನ್ನು ನೀಡುತ್ತದೆ. ಇದರಲ್ಲಿನ ಸೂಪರ್ ಚಾರ್ಜ್ ಪ್ರೊಸೆಸರ್ ಆ್ಯಪ್ ಲಾಂಚ್ ಆಗುವ ವೇಗವನ್ನು ವೃದ್ಧಿಸುತ್ತದೆ. ಆ ಮೂಲಕ ಫೈರ್ ಟಿವಿ ಈವರೆಗಿನ ಅತಿಹೆಚ್ಚು ನವಿರಾದ ಅನುಭವ ನೀಡುವ ಟಿವಿಯಾಗಿದೆ. ಅಲೆಕ್ಸಾ ಇರುವುದರಿಂದ ಸಿಂಪಲ್ ವಾಯ್ಸ್ ಕಮಾಂಡ್ಗಳ ಮೂಲಕ ಬೇಕಾದ ಪ್ರೋಗ್ರಾಮ್ ಅನ್ನು ರನ್ ಮಾಡಬಹುದು.
ಫೈರ್ ಟಿವಿ ಕ್ಯೂಬ್ ವೈ-ಫೈ 6 ಬೆಂಬಲಿಸುತ್ತದೆ. ಕಂಪ್ಯಾಟಿಬಲ್ ರೂಟರ್ ಹೊಂದಿದ್ದು, ಗ್ರಾಹಕರಿಗೆ ಸುಗಮ ಮನರಂಜನಾ ಅನುಭವವನ್ನು ಆನಂದಿಸುವ ಸಾಮರ್ಥ್ಯವನ್ನು ನೀಡುತ್ತದೆ. ನಿಮಗೆ ವೈರ್ ಡ್ ನೆಟ್‌ವರ್ಕ್ ಸಂಪರ್ಕದ ಅಗತ್ಯವಿದ್ದರೆ ಇದು ಹೊಸ ಈಥರ್ನೆಟ್ ಪೋರ್ಟ್ ಅನ್ನು ಸಹ ಒಳಗೊಂಡಿದೆ.
ಇದನ್ನೂ ಓದಿ: 200 ಚಾನೆಲ್‌ಗಳಿಗೆ 'ಒಂದು ತರಗತಿ, ಒಂದು ಟಿವಿ ಚಾನೆಲ್' ಕಾರ್ಯಕ್ರಮ ವಿಸ್ತರಣೆ.. 'ಡಿಜಿಟಲ್ ವಿಶ್ವವಿದ್ಯಾಲಯ' ಸ್ಥಾಪನೆ
