ಸ್ಯಾನ್ ಫ್ರಾನ್ಸಿಸ್ಕೋ (ಯುಎಸ್): ಗೂಗಲ್ ಪಿಕ್ಸೆಲ್ ಸರಣಿಯ ಬಹುನಿರೀಕ್ಷಿತ ಪಿಕ್ಸೆಲ್ 6 ಮತ್ತು ಪಿಕ್ಸೆಲ್ 6 ಪ್ರೊಅನ್ನು ಮುಂದಿನ ತಿಂಗಳು ಬಿಡುಗಡೆ ಮಾಡುವುದಾಗಿ ಸಂಸ್ಥೆ ಘೋಷಿಸಿತ್ತು. ಆದರೆ ಇದಕ್ಕೂ ಮೊದಲೇ ಈ ಎರಡೂ ಮೊಬೈಲ್ ಸಿರೀಸ್ಗಳ ಫೀಚರ್ಗಳು ಆನ್ಲೈನ್ನಲ್ಲಿ ಹರಿದಾಡುತ್ತಿವೆ.
ತೈವಾನ್ ಮೂಲದ ಎನ್ಸಿಸಿ ಡೇಟಾಬೇಸ್ ವೆಬ್ಸೈಟ್ನಲ್ಲಿ ಈ ಎರಡೂ ಮೊಬೈಲ್ಗಳು ಲಿಸ್ಟಿಂಗ್ ಆಗಿದ್ದು, ಇವೆರಡರ ಎಕ್ಸ್ಕ್ಲೂಸಿವ್ ಫೀಚರ್ ಬಹಿರಂಗವಾಗಿದೆ. ಮುಖ್ಯವಾಗಿ ಇದೇ ಮೊದಲ ಬಾರಿಗೆ ಗೂಗಲ್ ತನ್ನ 6 ಪ್ರೊ ಮೊಬೈಲ್ನಲ್ಲಿ 33 ವ್ಯಾಟ್ ಫಾಸ್ಟ್ ಚಾರ್ಜಿಂಗ್ ಪರಿಚಯಿಸುತ್ತಿದೆ ಎಂದು ವೆಬ್ಸೈಟ್ ತಿಳಿಸಿದೆ.
ಜೊತೆಗೆ ಈ ಮೊಬೈಲ್ನಲ್ಲಿ 5,000mAh ಬ್ಯಾಟರಿ ಇರಲಿದ್ದು, ಇದು ಈ ಹಿಂದೆ ಬಿಡುಗಡೆಯಾದ ಪಿಕ್ಸೆಲ್ ಮೊಬೈಲ್ಗೆ ಹೋಲಿಸಿದರೆ ಬಹುದೊಡ್ಡ ಅಪ್ಗ್ರೇಡ್ ಎಂದು ವರದಿಯಾಗಿದೆ. ಜೊತೆಗೆ ಫುಲ್ ಹೆಚ್ಡಿ ಡಿಸ್ಪ್ಲೇಗೆ 120Hzನ ರಿಫ್ರೆಶ್ ರೇಟ್ ಸಿಗಲಿದೆ. ಇದರ ಜೊತೆ ಡಿಜಿಟಲ್ ಕಾರ್ ಕಿ ಅಪ್ಲಿಕೇಶನ್ ಪ್ರಿ ಇನ್ಸ್ಸ್ಟಾಲ್ ಆಗಿರಲಿದೆ ಎಂದು ವೆಬ್ಸೈಟ್ ಉಲ್ಲೇಖಿಸಿದೆ.
ಎಂದಿನಂತೆ ಗೂಗಲ್ ಪಿಕ್ಸೆಲ್ ಫೋನ್ಗಳು ಸೆನ್ಸಾರ್ ಚಿಪ್ಸೆಟ್ ಮೂಲಕ ಹೊರಬರಲಿದ್ದು, ಮಲಿ-ಜಿ78 ಜಿಪಿಯು, ಎಲ್ಪಿಡಿಡಿಆರ್ 5ನೊಂದಿಗೆ 12 ಜಿಬಿ ಱಮ್ 512 ಜಿಬಿ ಸ್ಟೊರೇಜ್ನಲ್ಲಿ ಲಭ್ಯವಾಗಲಿದೆ ಎನ್ನಲಾಗಿದೆ.
ಗೂಗಲ್ ಪಿಕ್ಸೆಲ್ನ ಪ್ರಮುಖ ಆಕರ್ಷಣೆಯಲ್ಲಿ ಒಂದಾಗಿದ್ದ ಕ್ಯಾಮರಾವನ್ನ ಈ ಎರಡೂ ಫೋನ್ಗಳಲ್ಲಿ ಅಪ್ಗ್ರೇಡ್ ಮಾಡಲಾಗಿದೆ. ಸ್ಯಾಮ್ಸಂಗ್ ಸೆನ್ಸಾರ್ನ 50 ಎಂಪಿ ಮೂಲ ಕ್ಯಾಮರಾ ಜೊತೆ ಸೋನಿ ಐಎಂಎಕ್ಸ್386 ಸೆನ್ಸಾರ್ ಒಳಗೊಂಡ 12 ಎಂಪಿ ವೈಡ್ ಆ್ಯಂಗಲ್ ಕ್ಯಾಮರಾ ಜೊತೆಗೆ ಸೋನಿ ಐಎಂಎಕ್ಸ್ 586 ಸೆನ್ಸಾರ್ನ 48 ಎಂಪಿ ಟೆಲಿಫೋಟೋ ಲೆನ್ಸ್ ಹೊಂದಿರುವ ಟ್ರಿಪಲ್ ಕ್ಯಾಮರಾ ಸೆಟ್ಅಪ್ ಸಿಗಲಿದೆ. 12 ಎಂಪಿ ಸೆಲ್ಫಿ ಕ್ಯಾಮರಾದಲ್ಲೂ ಸೋನಿ ಸೆನ್ಸಾರ್ ಬಳಸಲಾಗಿದ್ದು, ಅದ್ಭುತ ಚಿತ್ರ ಸೆರೆಹಿಡಿಯಲಿದೆ ಎಂದು ವೆಬ್ಸೈಟ್ನಲ್ಲಿ ತಿಳಿಸಲಾಗಿದೆ.
ಓದಿ: ಎರಡೇ ದಿನದಲ್ಲಿ 1,100 ಕೋಟಿ ರೂ.ಮೌಲ್ಯದ Electric scooters ಮಾರಾಟ ಮಾಡಿದ Ola
