ನವದೆಹಲಿ: 10ರಲ್ಲಿ 6 ಅಂದರೆ ಶೇ 63ರಷ್ಟು ಭಾರತೀಯರು ತಮ್ಮ ವೈಯಕ್ತಿಕ ದತ್ತಾಂಶವೂ ತಮ್ಮ ಗಮನಕ್ಕೆ ಬಾರದಂತೆ ಮೂರನೇ ವ್ಯಕ್ತಿಗೆ ಸೋರಿಕೆಯಾಗುತ್ತಿರುವ ಬಗ್ಗೆ ಚಿಂತಿತರಾಗಿದ್ದಾರೆ ಎಂದು ಹೊಸ ವರದಿ ತಿಳಿದಿದೆ. ತಮ್ಮ ವಾಹನ ದತ್ತಾಂಶ, ಡ್ರೈವಿಂಗ್ ಮತ್ತು ಸ್ಥಳದ ಕುರಿತು ಮಾಹಿತಿ ಸೋರಿಕೆ ಬಗ್ಗೆ ಅವರು ತಿಳಿಸಿದ್ದಾರೆ.
ಇನ್ನು ಶೇ 55ರಷ್ಟು ಭಾರತೀಯರು ಸಂಪರ್ಕಿತ ಉತ್ಪನ್ನಗಳ ಮೂಲಕ ಸಂಸ್ಥೆಗಳು ಸಂಗ್ರಹಿಸಿದ ತಮ್ಮ ವೈಯಕ್ತಿಕ ದತ್ತಾಂಶಗಳು ದುರ್ಬಳಕೆಯಾಗುತ್ತಿರುವ ಬಗ್ಗೆ ಚಿಂತಿತರಾಗಿದ್ದಾರೆ. ಇದಕ್ಕಿಂತ ಹೆಚ್ಚಾಗಿ ಶೇ 56ರಷ್ಟು ಭಾರತೀಯರು ಸಂಪರ್ಕಿತ ಉತ್ಪನ್ನಗಳ ಜೊತೆಗಿನ ಆರೋಗ್ಯ ದತ್ತಾಂಶಗಳ ಲಭ್ಯತೆಗಳು ದುರ್ಬಲವಾಗಿದೆ ಎಂದು ಪ್ರತಿಕ್ರಿಯಿಸಿದ್ದಾರೆ ಎಂದು ಕೇಪ್ಜೆಮಿನಿ ರಿಸರ್ಚ್ ಇನ್ಸುಟಿಟ್ಯುಟ್ ತಿಳಿಸಿದೆ.
ಶೇ 64ರಷ್ಟು ಭಾರತೀಯರು ಎಲ್ಲಾ ಸಂಪರ್ಕಿತ ಉತ್ಪನ್ನಗಳು ಒಂದೇ ಇಂಟರ್ಫೇಸ್ ಅನ್ನು ಹೊಂದಲು ಹೆಚ್ಚು ಅನುಕೂಲಕರವಾಗಿದೆ ಎಂದಿದ್ದಾರೆ. ಹೆಚ್ಚುವರಿಯಾಗಿ ಶೇ 50ರಷ್ಟು ಭಾರತೀಯರು ಇತರೆ ಸಾಧನದೊಂದಿಗೆ ಸಂಪರ್ಕಿತ ಉತ್ಪನ್ನಗಳು ಸಂಯೋಜನೆ ಸವಾಲನ್ನು ಹೊಂದಿರುವುದಾಗಿ ತಿಳಿಸಿದ್ದಾರೆ ಎಂದು ವರದಿ ತಿಳಿಸಿದೆ.
ಇದಕ್ಕಿಂತ ಹೆಚ್ಚಿನದಾಗಿ ಶೇ 47ರಷ್ಟು ಭಾರತೀಯರು ದೈನಂದಿನ ಸೇವೆಗಳು ಮತ್ತು ಸಂಪರ್ಕಿತ ಉತ್ಪನ್ನಗಳೊಂದಿಗೆ ನಂಬರ್ ಸಂಪರ್ಕ ಹೊಂದಿರುವ ಬಗ್ಗೆ ಹೆಚ್ಚು ಒತ್ತಡ ಅನುಭವಿಸುವುದಾಗಿ ತಿಳಿಸಿದ್ದಾರೆ. ಜೆನೆರೇಟಿವ್ ಎಐನಂತಹ ತಂತ್ರಜ್ಞಾನಗಳು ಸಂಪರ್ಕಿತ ಅನುಭವ ಮತ್ತು ಗ್ರಾಹಕರ ತೃಪ್ತಿಯ ಹೊಸ ಹಂತ ಸಾಧಿಸಲು ಸಹಾಯ ಮಾಡುತ್ತದೆ.
ಆದಾಗ್ಯೂ ಈ ಸಂಬಂಧವೂ ದತ್ತಾಂಶ ಖಾಸಗಿತನ ಮತ್ತು ಭದ್ರತೆ ಅಂಶ ಹೊಂದಿದ್ದು, ಗ್ರಾಹಕರು ಇಂತಹ ಸಮಸ್ಯೆ ನಿವಾರಣೆಗೆ ಭದ್ರತೆ ಬಗ್ಗೆ ಹೆಚ್ಚಿ ಗಮನ ಹರಿಸಬೇಕು ಎಂದಿದ್ದಾರೆ ಎಂದು ಕ್ಯಾಪ್ಜೆಮಿನಿಯ ಇಂಟಲಿಜೆಂಟ್ ಪ್ರೊಡಕ್ಟ್ನ ಗ್ರೂಪ್ ಆಫರ್ ಲೀಡರ್ ನಿಕೋಲಾಸ್ ರೂಸೊ ತಿಳಿಸಿದ್ದಾರೆ.
ಇದರ ಹೊರತಾಗಿ ಬಳಕೆದಾರರು ನಿರಾಶೆ ಹೊಂದಿದ್ದು, ಮಾರ್ಕೆಟ್ ಆವೇಗ ನಿಧಾನವಾಗಿದೆ ಎಂದಿದ್ದಾರೆ. ಶೇ 71ರಷ್ಟು ಭಾರತೀಯರು ಇ ವೇಸ್ಟ್ನಂತಹ ಪರಿಸರ ವೆಚ್ಚದ ಬಗ್ಗೆ ಅರಿವು ಹೊಂದಿರುವುದಾಗಿ ತಿಳಿಸಿದ್ದಾರೆ. ಶೇ 56ರಷ್ಟು ಸಂಪರ್ಕಿತ ಉತ್ಪನ್ನಗಳೊಂದಿಗೆ ಕಾರ್ಬನ್ ಫುಟ್ಪ್ರಿಂಟ್ ಪರಿಶೀಲಿಸುವ ಮತ್ತು ಸುಲಭವಾಗಿ ಪತ್ತೆ ಮಾಡುವ ಅಭಿಲಾಷೆ ವ್ಯಕ್ತಪಡಿಸಿದ್ದಾರೆ.
ಶೇ 55ರಷ್ಟು ಭಾರತೀಯರು ಸಂಸ್ಥೆಗಳು ಇತ್ಯಾಜ್ಯ ಸಂಪರ್ಕಿತ ಉತ್ಪನ್ನಗಳ ಸುಸ್ಥಿರ ನಿರ್ವಹಣೆ ಮಾದರಿಗಳನ್ನು ನೀಡಲು ಬಯಸಿದೆ ಎಂದು ಪ್ರತಿಕ್ರಿಯಿಸಿದ್ದಾರೆ. ಭಾರತೀಯ ಶೇ 66ರಷ್ಟು ಮಂದಿ ಸಂಪರ್ಕಿತ ಉತ್ಪನ್ನಗಳು ನಿಧಾನವಾಗಿ ಅಗತ್ಯವಾಗುತಿದ್ದು, ಜೀವನಶೈಲಿಯ ಭಾಗವಾಗುತ್ತಿವೆ ಎಂದು ಪ್ರತಿಕ್ರಿಯಿಸಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ಬ್ರೌಸಿಂಗ್ ವೇಳೆ ಡೇಟಾ ಟ್ರ್ಯಾಕಿಂಗ್ ಕುಕೀಸ್‌ಗೆ ಗೂಗಲ್ ನಿರ್ಬಂಧ
