ನವದೆಹಲಿ: ಗ್ಲೋಬಲ್ ಸ್ಟ್ರೀಮಿಂಗ್ ಮ್ಯೂಜಿಕ್ ಆ್ಯಪ್ ಸ್ಪಾಟಿಫೈ ಇದೀಗ 12 ಭಾರತೀಯ ಭಾಷೆಗಳನ್ನು ಒಳಗೊಂಡಿದ್ದು, ಒಟ್ಟಾರೆ ಮೊಬೈಲ್ನಲ್ಲಿ 62 ಭಾಷೆಗಳಲ್ಲಿ ಸಿಗಲಿದೆ. ಈ ಹೊಸ ಭಾಷೆಗಳು ಹೆಚ್ಚು ಭಾರತೀಯ ಬಳಕೆದಾರರಿಗೆ ಸ್ಪಾಟಿಫೈಗೆ ಪ್ರವೇಶವನ್ನು ಪಡೆಯಲು ಸಹಾಯಕವಾಗಿವೆ.
ಹಿಂದಿ, ಗುಜರಾತಿ, ಭೋಜ್‌ಪುರಿ, ಕನ್ನಡ, ಮಲಯಾಳಂ, ಮರಾಠಿ, ಒಡಿಯಾ, ಪಂಜಾಬಿ, ತಮಿಳು, ತೆಲುಗು, ಉರ್ದು ಮತ್ತು ಬಂಗಾಳಿ ಭಾಷೆಗಳು ಸ್ಪಾಟಿಫೈಗೆ ಸೇರಿವೆ.
"ಭಾರತದಲ್ಲಿನ ನಮ್ಮ ಬಳಕೆದಾರರಿಗೆ ಉತ್ತಮವಾದ ಆಡಿಯೋ ವಿಷಯವನ್ನು ನೀಡಲು ನಾವು ಬದ್ಧರಾಗಿದ್ದೇವೆ. ಉತ್ತಮ ವಿಷಯವನ್ನು ನೀಡುವ ಸಲುವಾಗಿ ನಮ್ಮ ಬಳಕೆದಾರರು ಮಾತನಾಡುವ ಭಾಷೆಗಳನ್ನು ನಾವು ಸೇರಿಸುತ್ತಿದ್ದೇವೆ. ಅವರು ಎಲ್ಲಿ ಬೇಕಾದ್ರೂ ಇರಲಿ, ಪರವಾಗಿಲ್ಲ" ಎಂದು ಕಂಪನಿ ಹೇಳಿದೆ.
12 ಹೊಸ ಭಾರತೀಯ ಭಾಷೆಗಳ ಜೊತೆಗೆ ಸ್ಪಾಟಿಫೈನ ಮೊಬೈಲ್ ಅಪ್ಲಿಕೇಶನ್ ಈಗ 24 ವಿದೇಶಿ ಭಾಷೆಗಳಾದ ರೊಮೇನಿಯನ್, ಸ್ವಹಿಲಿ, ಸ್ಲೊವೇನಿಯನ್, ಫಿಲಿಪಿನೋ, ಚೈನೀಸ್, ಪೋರ್ಚುಗೀಸ್ ಭಾಷೆಗಳನ್ನು ಬೆಂಬಲಿಸುತ್ತದೆ ಎಂದು ಕಂಪನಿ ಹೇಳಿದೆ.
ಇದನ್ನೂ ಓದಿ: ಭದ್ರತಾ ಮಂಡಳಿ ಕಾರ್ಯಸೂಚಿಯಂತೆ ಒಟ್ಟಾಗಿ ಕೆಲಸ ಮಾಡಲು ಭಾರತ-ವಿಯೆಟ್ನಾಂ ಸಮ್ಮತಿ
ಭಾರತದ ಸ್ಥಳೀಯ ಭಾಷೆಗಳನ್ನು ಬೆಂಬಲಿಸುವುದರಿಂದ, ಆ ಭಾಷೆಯ ಮ್ಯೂಸಿಕ್ ಕೇಳುವುದಕ್ಕೆ ಅವಕಾಶ ದೊರೆಯಲಿದೆ. ಸದ್ಯ ವಿಶ್ವದಲ್ಲಿಯೇ ಹೆಚ್ಚಿನ ಜನಪ್ರಿಯ ಮ್ಯೂಸಿಕ್ ಆ್ಯಪ್ ಆಗಿರುವ ಸ್ಪಾಟಿಫೈ ಮಾರುಕಟ್ಟೆಯಲ್ಲಿನ ಸ್ಫರ್ಧೆಯನ್ನು ಎದುರಿಸುವುದಕ್ಕಾಗಿ ಬಳಕೆದಾರರಿಗೆ ಇನ್ನೂ ಹತ್ತಿರವಾಗುವ ಪ್ರಯತ್ನ ಮಾಡುತ್ತಿದೆ.
