'ಲಾವಾ' ಮೊಬೈಲ್ ಸಂಸ್ಥೆ ಗ್ರಾಹಕರನ್ನು ಸೆಳೆಯಲು 5ಜಿ ತರಂಗಾಂತರವುಳ್ಳ ಮೊಬೈಲ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಈ ಮೂಲಕ ಲಾವಾ 5ಜಿ ಮೊಬೈಲ್ ತಯಾರಿಸಿದ ಮೊದಲ ದೇಶೀಯ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ.
'ಅಗ್ನಿ' ಹೆಸರಿನಲ್ಲಿ ಇದೇ ಮೊದಲ ಬಾರಿಗೆ 5ಜಿ ಮೊಬೈಲ್ ಅನ್ನು ಮಾರುಕಟ್ಟೆಗೆ ಹೊರತಂದಿದೆ. ಉತ್ತರಪ್ರದೇಶದ ನೊಯ್ಡಾದಲ್ಲಿರುವ ಮೊಬೈಲ್ ತಯಾರಿಕಾ ಶಾಖೆಯಲ್ಲಿ ಉತ್ಪನ್ನವನ್ನು ತಯಾರಿಸಲಾಗುತ್ತಿದೆ.
ಮೀಡಿಯಾಟೆಕ್ ಡೈಮೆನ್ಸಿಟಿ 810 ಚಿಪ್ಸೆಟ್ ಹೊಂದಿರುವ 5ಜಿ ಮೊಬೈಲ್ ಇದಾಗಿದೆ. ಜಾಗತಿಕ ಮಟ್ಟದಲ್ಲಿ ಈ ತಂತ್ರಜ್ಞಾನ ಅಳವಡಿಸಿಕೊಂಡ ಎರಡನೇ ಕಂಪನಿ ಲಾವಾ ಎಂದು ಕಂಪನಿಯ ಅಧ್ಯಕ್ಷ ಮತ್ತು ಬ್ಯುಸಿನೆಸ್ ಹೆಡ್ ಸುನೀಲ್ ರೈನಾ ತಿಳಿಸಿದ್ದಾರೆ.
5ಜಿ ಅಗ್ನಿ ಮೊಬೈಲ್ ಬೆಲೆ ಮಾರುಕಟ್ಟೆಯಲ್ಲಿ 19,999 ಇದ್ದು, ದೇಶದಲ್ಲಿ ಚಾಲನೆಯಲ್ಲಿರುವ ಚೀನಾ ಬ್ಯ್ರಾಂಡ್ಗಳಿಗೆ ಹೋಲಿಸಿದರೆ ಇದು ಕಡಿಮೆ ಮತ್ತು ಮಾರುಕಟ್ಟೆಯಾಧಾರಿತ ದರವಾಗಿದೆ ಎಂದು ತಿಳಿಸಿದ್ದಾರೆ.
ಮೊಬೈಲ್ನ ಗುಣವೈಶಿಷ್ಟ್ಯಗಳು:
*6.78 ಇಂಚಿನ ಗೊರಿಲ್ಲಾ ಗ್ಲಾಸ್ವುಳ್ಳ ಪರದೆ
*8 ಜಿಬಿ ರ್ಯಾಮ್, 128 ಜಿಬಿ ಆಂತರಿಕ ಸಂಗ್ರಹಣಾ ಸಾಮರ್ಥ್ಯ
*5000 ಎಂಎಚ್ ಬ್ಯಾಟರಿ, 30 ವ್ಯಾಟ್ ಸೂಪರ್ಫಾಸ್ಟ್ ಚಾರ್ಜರ್
*64+5+2+2 ಮೆಗಾಫಿಕ್ಸಲ್ ಹಿಂಬದಿ ಕ್ಯಾಮೆರಾ
*16 ಎಂಪಿ ಮುಂಬದಿ ಕ್ಯಾಮೆರಾ
ಇದೇ ನವೆಂಬರ್ 18 ರಿಂದ ಅಮೇಜಾನ್ ಮತ್ತು ಫ್ಲಿಪ್ಕಾರ್ಟ್ನಲ್ಲಿ ಮಾರಾಟಕ್ಕೆ ಲಭ್ಯವಿದೆ.
