ನವದೆಹಲಿ: ಮೈಕ್ರೋ ಬ್ಲಾಗಿಂಗ್ ಪ್ಲಾಟ್‌ಫಾರ್ಮ್‌ನಲ್ಲಿ ನೀಲಿ ಬ್ಯಾಡ್ಜ್ ಬಳಕೆದಾರರಿಗೆ ನೆರವಾಗಲು ಟ್ವಿಟರ್ ತನ್ನ ಹೊಸ ಪರಿಶೀಲನಾ ಅಪ್ಲಿಕೇಷನ್ ಪ್ರಕ್ರಿಯೆಯನ್ನು ಆರು ವಿಭಾಗಗಳಿಂದ ಪ್ರಾರಂಭಿಸಿ ಜಾಗತಿಕವಾಗಿ ಸಾರ್ವಜನಿಕ ಅಪ್ಲಿಕೇಷನ್‌ಗಳನ್ನು ಪರಿಶೀಲಿಸುವುದಾಗಿ ತಿಳಿಸಿದೆ.
ಸರ್ಕಾರ, ಕಂಪನಿಗಳು, ಬ್ರಾಂಡ್‌ಗಳು ಮತ್ತು ಸಂಸ್ಥೆಗಳು, ಸುದ್ದಿ ಸಂಸ್ಥೆಗಳು ಮತ್ತು ಪತ್ರಕರ್ತರು, ಮನರಂಜನೆ, ಕ್ರೀಡೆ ಮತ್ತು ಗೇಮಿಂಗ್ ಮತ್ತು ಕಾರ್ಯಕರ್ತರು, ಸಂಘಟಕರು ಮತ್ತು ಇತರ ಪ್ರಭಾವಿ ವ್ಯಕ್ತಿಗಳು ಎಂದು ವಿಭಾಗಿಸಿದೆ. ಈ ವರ್ಷದ ಕೊನೆಯಲ್ಲಿ ವಿಜ್ಞಾನಿಗಳು, ಶಿಕ್ಷಣ ತಜ್ಞರು ಮತ್ತು ಧಾರ್ಮಿಕ ಮುಖಂಡರಂತಹ ಹೆಚ್ಚಿನ ವಿಭಾಗಗಳನ್ನು ಪರಿಚಯಿಸುವುದಾಗಿ ಟ್ವಿಟರ್ ಹೇಳಿದೆ.
ಮುಂದಿನ ಕೆಲವು ವಾರಗಳಲ್ಲಿ ಟ್ವಿಟರ್‌ನಲ್ಲಿರುವ ಪ್ರತಿಯೊಬ್ಬರೂ ಹೊಸ ಪರಿಶೀಲನೆ ಅಪ್ಲಿಕೇಷನ್ ಅನ್ನು ನೇರವಾಗಿ ಖಾತೆ ಸೆಟ್ಟಿಂಗ್‌ಗಳ ಟ್ಯಾಬ್‌ನಲ್ಲಿ ನೋಡಲು ಪ್ರಾರಂಭಿಸುತ್ತಾರೆ.
ಇದನ್ನೂ ಓದಿ: ಸ್ನ್ಯಾಪ್‌ಚಾಟ್ಗೆ 500 ಮಿಲಿಯನ್ ಸಕ್ರಿಯ ಬಳಕೆದಾರರು: ಭಾರತದಲ್ಲಿ ಶೇ 100ರಷ್ಟು ಬೆಳವಣಿಗೆ
ನಾವು ಸಮಯಕ್ಕೆ ಸರಿಯಾಗಿ ಅಪ್ಲಿಕೇಷನ್‌ಗಳನ್ನು ಪರಿಶೀಲಿಸಬಹುದು ಎಂದು ಖಚಿತಪಡಿಸಿಕೊಳ್ಳಲು ನಾವು ಅದನ್ನು ಕ್ರಮೇಣ ಎಲ್ಲರಿಗೂ ತಲುಪಿಸುತ್ತಿದ್ದೇವೆ ಎಂದು ಕಂಪನಿ ಬ್ಲಾಗ್ ಪೋಸ್ಟ್‌ನಲ್ಲಿ ತಿಳಿಸಿದೆ.
ಅರ್ಜಿಯನ್ನು ಸಲ್ಲಿಸಿದ ನಂತರ ಅರ್ಜಿದಾರರು ಕೆಲವೇ ದಿನಗಳಲ್ಲಿ ಇಮೇಲ್ ಪ್ರತಿಕ್ರಿಯೆಯನ್ನು ನಿರೀಕ್ಷಿಸಬಹುದು. ಆದರೆ, ಸರದಿಯಲ್ಲಿ ಎಷ್ಟು ತೆರೆದ ಅಪ್ಲಿಕೇಷನ್‌ಗಳು ಇವೆ ಎಂಬುದರ ಆಧಾರದ ಮೇಲೆ ಇದು ಕೆಲವು ವಾರಗಳವರೆಗೆ ತೆಗೆದು ಕೊಳ್ಳುತ್ತದೆ.
ನಿಮ್ಮ ಅರ್ಜಿಯನ್ನು ಅನುಮೋದಿಸಿದರೆ, ನಿಮ್ಮ ಪ್ರೊಫೈಲ್‌ನಲ್ಲಿ ನೀಲಿ ಬ್ಯಾಡ್ಜ್ ಅನ್ನು ನೀವು ಸ್ವಯಂಚಾಲಿತವಾಗಿ ನೋಡುತ್ತೀರಿ. ನಾವು ತಪ್ಪು ಮಾಡಿದ್ದೇವೆ ಎಂದು ನೀವು ಭಾವಿಸಿದರೆ, ನಿಮ್ಮ ಅರ್ಜಿಯ ಬಗ್ಗೆ ನಮ್ಮ ನಿರ್ಧಾರ ಸ್ವೀಕರಿಸಿದ 30 ದಿನಗಳ ನಂತರ ಮತ್ತೆ ಕಳುಹಿಸಬಹುದು ಎಂದು ಟ್ವಿಟರ್ ಹೇಳಿದೆ.
