ಬಸ್​​ ಬ್ರೇಕ್​ ಫೇಲ್​​: ಚಾಲಕನ ಸಮಯ ಪ್ರಜ್ಞೆಯಿಂದ ತಪ್ಪಿದ ದುರಂತ

ರಾಜ್ಯ ಸಾರಿಗೆ ಬಸ್‌ವೊಂದರ ಬ್ರೇಕ್ ಫೇಲ್​ ಆಗಿ ನಿಯಂತ್ರಣ ತಪ್ಪಿದ ಪರಿಣಾಮ ಕಾಫಿ ತೋಟಕ್ಕೆ ನುಗ್ಗಿರುವ ಘಟನೆ ಎನ್‌.ಹೆಚ್ 275ರ ಸಿಂಕೋನ ಸ್ಯಾಂಡಲ್‌ ಕಾಡು ಬಳಿ ನಡೆದಿದೆ.‌

ಕೊಡಗು: ರಾಜ್ಯ ಸಾರಿಗೆ ಬಸ್‌ವೊಂದರ ಬ್ರೇಕ್ ಫೇಲ್​ ಆಗಿ ನಿಯಂತ್ರಣ ತಪ್ಪಿದ ಪರಿಣಾಮ ಕಾಫಿ ತೋಟಕ್ಕೆ ನುಗ್ಗಿರುವ ಘಟನೆ ಎನ್‌.ಹೆಚ್ 275ರ ಸಿಂಕೋನ ಸ್ಯಾಂಡಲ್‌ ಕಾಡು ಬಳಿ ನಡೆದಿದೆ.‌

ಮಡಿಕೇರಿ-ಕುಶಾಲನಗರ ರಸ್ತೆಯ ಸಮೀಪದ ಸಿಂಕೋನ ಬಳಿ ಬ್ರೇಕ್ ತುಂಡಾಗಿ ಸರ್ಕಾರಿ ಬಸ್ ಹಾಗೂ ಚವರ್ಲೆಟ್ ನಡುವೆ ‌ಅಪಘಾತವಾಗಿದೆ. ಸದ್ಯ ಬಸ್ ಚಾಲಕನಿಗೆ ಸಣ್ಣಪುಟ್ಟ ಗಾಯ ಆಗಿರೋದು ಹೊರತುಪಡಿಸಿ ಪ್ರಯಾಣಿಕರು ಹಾಗೂ ಕಾರಿನಲ್ಲಿದ್ದವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ‌.

ಚಾಲಕ‌ನ ಸಮಯ ಪ್ರಜ್ಞೆಯಿಂದ ಭಾರಿ ಅನಾಹುತ ತಪ್ಪಿದೆ. ಬಸ್ಸಿನಲ್ಲಿ 10 ಮಂದಿ ಪ್ರಯಾಣಿಕರಿದ್ದರು ಎನ್ನಲಾಗಿದೆ. ಈ ಸಂಬಂಧ ಮಡಿಕೇರಿ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.