ಕೋಲ್ಕತ್ತಾ: ದೇಶವು ಕೊರೊನಾ ಬಿಕ್ಕಟ್ಟಿನಲ್ಲಿ ಸಿಲುಕಿದ್ದರೆ ಇತ್ತ ಕಳ್ಳಸಾಗಾಣಿಕೆದಾರರು ಮಾತ್ರ ಹೊಸ ಹೊಸ ಮಾರ್ಗಗಳನ್ನು ಕಂಡುಕೊಂಡಿದ್ದಾರೆ. ಇಂತಹದೊಂದು ಪ್ರಕರಣ ಭಾರತ-ಬಾಂಗ್ಲಾದೇಶ ಗಡಿಯಲ್ಲಿ ಬೆಳಕಿಗೆ ಬಂದಿದೆ.
ಸಿಲಿಂಡರ್ನಲ್ಲಿ ಮೀನಿನ ಮೊಟ್ಟೆ ಹಾಗೂ ರಾಸಾಯನಿಕ ಪೌಡರ್ಅನ್ನು ಬಾಂಗ್ಲಾದೇಶಕ್ಕೆ ಸಾಗಿಸುತ್ತಿದ್ದ ಮಹಿಳೆಯನ್ನು ಬಿಎಸ್ಎಫ್ ಸಿಬ್ಬಂದಿ ಬಂಧಿಸಿದ್ದಾರೆ.
ಭಾರತ-ಬಾಂಗ್ಲಾದೇಶ ಗಡಿ ಪ್ರದೇಶದ ಚೆಕ್ ಪೋಸ್ಟ್ ಬಳಿ ಮಹಿಳೆಯೊಬ್ಬರು ಎಲ್ಪಿಜಿ ಸಿಲಿಂಡರ್ ಸಾಗಿಸುತ್ತಿದ್ದನ್ನು 153ನೇ ಬೆಟಾಲಿಯನ್ನಲ್ಲಿ ಕರ್ತವ್ಯದಲ್ಲಿದ್ದ ಬಿಎಸ್ಎಫ್ ಸಿಬ್ಬಂದಿ ನೋಡಿದ್ದಾರೆ. ಅನುಮಾನಗೊಂಡ ಸಿಬ್ಬಂದಿ ಆಕೆಯನ್ನು ತಡೆದು, ಪ್ರಶ್ನಿಸಿದ್ದಾರೆ. ಆಕೆ ಸರಿಯಾಗಿ ಉತ್ತರಿಸದ ಕಾರಣ, ಸೈನಿಕರು ಸಿಲಿಂಡರ್ ಓಪನ್ ಮಾಡಿದಾಗ ಅದರೊಳಗೆ ಮೀನಿನ ಮೊಟ್ಟೆಗಳು ಹಾಗೂ ಕೆಮಿಕಲ್ ಪೌಡರ್ ತುಂಬಿದ್ದ ಪೊಟ್ಟಣಗಳು ಪತ್ತೆಯಾಗಿವೆ.
ಇನ್ನು ಈಕೆ ವಿಚಾರಣೆ ವೇಳೆ ಸಿಲಿಂಡರ್ ಗಡಿಗೆ ಕೊಂಡೊಯ್ಯಲು ಹಣ ಪಡೆದಿರುವುದಾಗಿ ಒಪ್ಪಿಕೊಂಡಿದ್ದಾಳೆ. ಈ ಹಿಂದೆ ಕೂಡ ಯುವಕನೋರ್ವ ಸೈಕಲ್ನಲ್ಲಿ ಸಿಲಿಂಡರ್ ಸಾಗಿಸಿ ಕಳ್ಳಸಾಗಣೆ ಮಾಡಿದ್ದ ಘಟನೆ ಕುರಿತು ಬಿಎಸ್ಎಫ್ ವಕ್ತಾರರು ಮಾಹಿತಿ ನೀಡಿದ್ದಾರೆ.
