ಶಿರಸಿ: ಕಳೆದ ಕೆಲ ದಿನಗಳ ಹಿಂದೆ ಹಿತ್ಲಳ್ಳಿ ಸಮೀಪದ ಜಾಗರಮನೆ ಎಂಬಲ್ಲಿ ನಡೆದ ಎರಡು ಮನೆಗಳ್ಳತನ ಪ್ರಕರಣವನ್ನು ಭೇದಿಸುವಲ್ಲಿ ಯಲ್ಲಾಪುರ ಪೊಲೀಸರು ಯಶಸ್ವಿಯಾಗಿದ್ದು, ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾಲ್ವರನ್ನು ಬಂಧಿಸಿದ್ದಾರೆ.
ಯಲ್ಲಾಪುರದ ಜಾಗರಮನೆ ಮಜಿರೆಯ ಹುಲಿಮೆನೆಯವರಾದ ಅನಂತ ವಿಷ್ಣು ಕೋತ (31), ಶಿವಾನಂದ ರಘುನಾಥ ಕೋತ (20), ಹಾಗೂ ಮದ್ಯ ಪ್ರದೇಶದ ದಾರ್ ಜಿಲ್ಲೆಯ ಪ್ರತಾಪ ಸಿಂಗ್ ರತನ್ ಸಿಂಗ್ ಮಿನಾವಾ(26), ಹಾಗೂ ಭಾಯಾ ಅಲಿಯಾಸ್ ಭರತ್ ಕುಮ್ ಸಿಂಗ್ ಅಜನಾರಿಯಾ (20) ಬಂಧಿತ ಆರೋಪಿಗಳಾಗಿದ್ದಾರೆ. ಬಂಧಿತರಿಂದ 2.10 ಲಕ್ಷ ರೂ. ಮೌಲ್ಯದ ನಗದು ಹಾಗೂ ಎರಡು ಮೋಟರ್ ಬೈಕ್ ವಶಪಡಿಸಿಕೊಳ್ಳಲಾಗಿದೆ.
ಎರಡು ಮನೆ ದರೋಡೆ ಪ್ರಕರಣವನ್ನು ಭೇದಿಸುವಲ್ಲಿ ಹೊರಟ ಪೊಲೀಸರ ತಂಡಕ್ಕೆ ಬಂಧಿತರಿಂದ ಇನ್ನೂ ಐದು ಪ್ರಕರಣಗಳು ಬೆಳಕಿಗೆ ಬಂದಿದೆ. ಚವತ್ತಿ ಹಾಗೂ ಶಿರಸಿಯಲ್ಲಿ ಬೈಕ್ ಕಳ್ಳತನ ನಡೆದಿರುವ ಬಗ್ಗೆ ಮಾಹಿತಿ ಪಡೆದಿದ್ದಾರೆ.
