ಹತ್ತಿ ನಡುವೆ ಗಾಂಜಾ ಬೆಳೆ: ಆರೋಪಿ ಅರೆಸ್ಟ್

ಜಮೀನಿನಲ್ಲಿ ಹತ್ತಿ ಬೆಳೆ ಮಧ್ಯೆ ಗಾಂಜಾ ಗಿಡಗಳನ್ನು ಬೆಳೆದಿದ್ದ ಕುರಿತು ಖಚಿತ ಮಾಹಿತಿ ‌ಮೇರೆಗೆ ಮುಳಗುಂದ ಪೊಲೀಸರು ದಾಳಿ ನಡೆಸಿ‌ ಗಾಂಜಾ ಗಿಡ ಸಮೇತ ಆರೋಪಿಯನ್ನು ಬಂಧಿಸಿದ್ದಾರೆ.

ಗದಗ: ಹತ್ತಿ ಬೆಳೆ ನಡುವೆ ಗಾಂಜಾ ಗಿಡಗಳನ್ನು ಬೆಳೆದಿದ್ದ ಆರೋಪಿಯನ್ನು ಮುಳಗುಂದ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಚನ್ನಪ್ಪ ನಾಗಪ್ಪ ಆರೇರ್ ಬಂಧಿತ ಆರೋಪಿ. ಮುಳಗುಂದ ಸಮೀಪದ ಯಲಿಶಿರುಂದ ರಸ್ತೆಯಲ್ಲಿರುವ ತನ್ನ ಜಮೀನಿನಲ್ಲಿ ಹತ್ತಿ ಬೆಳೆ ಮಧ್ಯೆ ಗಾಂಜಾ ಗಿಡಗಳನ್ನು ಬೆಳೆದಿದ್ದ. ಈ ಕುರಿತು ಖಚಿತ ಮಾಹಿತಿ ‌ಮೇರೆಗೆ ಮುಳಗುಂದ ಪೊಲೀಸರು ದಾಳಿ ನಡೆಸಿ‌, 17 ಸಾವಿರ ರೂ. ಮೌಲ್ಯದ ಗಾಂಜಾ ಗಿಡಗಳನ್ನು ಜಪ್ತಿ ಮಾಡಿಕೊಂಡಿದ್ದಾರೆ.

ಇನ್ನು ಪೊಲೀಸರ ಕಾರ್ಯಾಚರಣೆಯಲ್ಲಿ ಪಿಎಸ್ಐ ಸಚಿನ್ ಆಲಮೇಲಕರ್, ಎಎಸ್​​​ಐ ಎ.ಕೆ.ಮಾಳವಾಡ, ಸಿಬ್ಬಂದಿ ಹೆಚ್.ಐ.ಕಲ್ಲಣ್ಣವರ್, ಫ್ರಭಯ್ಯ ಕೊಡಬಾಳಮಠ, ಬಿ.ಸಿ.ಕೋಳಿವಾಡ, ಎನ್.ಎನ್.ದಳವಾಯಿ, ತಹಶೀಲ್ದಾರ್ ಭಾಗಿಯಾಗಿದ್ದರು.