ಹಮಾಸ್​​ ವಶದಲ್ಲಿರುವ ಇಸ್ರೇಲಿ ಮಗುವಿಗೆ ಮೊದಲ ಬರ್ತ್‌ಡೇ; ಬಿಡುಗಡೆಗೆ ಪ್ರಾರ್ಥನೆ

ಇಸ್ರೇಲ್​ ವಿರುದ್ಧ ಅಪ್ರಚೋದಿತ ದಾಳಿ ನಡೆಸಿದ್ದ ಹಮಾಸ್​ ಉಗ್ರರು ಪುಟ್ಟ ಮಕ್ಕಳು ಸೇರಿದಂತೆ ನೂರಾರು ಇಸ್ರೇಲಿಗರನ್ನು ಇನ್ನೂ ಒತ್ತೆಯಾಳುಗಳಾಗಿ ಇರಿಸಿಕೊಂಡಿದ್ದಾರೆ.

ಬೆಂಗಳೂರು​: ಇಸ್ರೇಲ್​ ವಿರುದ್ಧ ಯುದ್ಧ ಆರಂಭಿಸಿದ ಹಮಾಸ್​ ಉಗ್ರರು ಅನೇಕ ಇಸ್ರೇಲಿಗರನ್ನು ಅಪಹರಿಸಿ, ಒತ್ತೆಯಾಳುಗಳನ್ನಾಗಿ ಇರಿಸಿಕೊಂಡಿದ್ದಾರೆ. ಈ ಒತ್ತೆಯಾಳುಗಳನ್ನು ಬಿಡಿಸಿಕೊಂಡು ಬರುವ ಕುರಿತು ಇಸ್ರೇಲ್​ ಸತತವಾಗಿ ಕಾರ್ಯನಿರತವಾಗಿದೆ. ಅಲ್ಲದೇ ಕುಟುಂಬಗಳಿಗೆ ಧೈರ್ಯ ತುಂಬುವ ಕೆಲಸ ಮಾಡುತ್ತಿದೆ. ಅಪಹರಣದ ಗುಂಪಿನಲ್ಲಿ ಅತ್ಯಂತ ಕಿರಿಯ ಒತ್ತೆಯಾಳುವಾಗಿರುವ ಮಗುವಿಗೆ ಇದೀಗ ಒಂದು ವರ್ಷ ತುಂಬಿದ್ದು, ಮೊದಲ ವರ್ಷದ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಇಸ್ರೇಲಿಗರು ಆಕೆಯ ಸುರಕ್ಷಿತ ಬಿಡುಗಡೆಗೆ ಪ್ರಾರ್ಥನೆ ಸಲ್ಲಿಸಿದ್ದಾರೆ.

ಅಕ್ಟೋಬರ್​ 7ರಂದು ಅಪ್ರಚೋದಿತ ದಾಳಿ ನಡೆಸಿದ್ದ ಹಮಾಸ್​ ಉಗ್ರರು ಕಿಬ್ಬುತ್ಜ್ ನಿರ್ ಓಜ್‌ ಎಂಬಲ್ಲಿಂದ ಯಾರ್ಡನ್​​ ಮತ್ತು ಶಿರಿ ಪೋಷಕರೊಂದಿಗೆ ಅವರ ನಾಲ್ಕು ವರ್ಷದ ಏರಿಯಲ್​ ಎಂಬ ಗಂಡು ಮಗು ಮತ್ತು ಕಿಫೀರ್​ ಬಿಬಾಸ್​ ಎಂಬ ಹಸುಳೆಯನ್ನು ಅಪಹರಿಸಿದ್ದರು. ಗುರುವಾರ ಟೆಲ್​ ಅವಿವ್​ನಲ್ಲಿನ ಹೋಸ್ಟೇಜ್​ ಸ್ಕ್ವೇರ್‌ನಲ್ಲಿ​ (ಒತ್ತೆಯಾಳುಗಳ ಚೌಕ) ಅನೇಕರು ಕಿತ್ತಾಳೆ ಬಣ್ಣದ ಬಲೂನ್​ ಹಿಡಿದು ಪ್ರಾರ್ಥಿಸಿದರು.

ನವೆಂಬರ್​ 29ರ ಕದನ ವಿರಾಮ ಒಪ್ಪಂದದಲ್ಲಿ ಬಿಡುಗಡೆಯಾದ 13 ವರ್ಷದ ಗಾಲಿ ತಾರ್ಶನ್ಸ್ಕಿ ಎಂಬಾತನನ್ನು ಹಮಾಸ್​​ ಬಿಡುಗಡೆ ಮಾಡಿತ್ತು. ಈ ಬಾಲಕ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಕಿಫೀರ್​ಗೆ ಶುಭ ಕೋರಿದ್ದು, ನೀನು ಸುರಕ್ಷಿತವಾಗಿ ಬೇಗ ಹಿಂದಿರುಗಲು ಕಾಯುತ್ತಿದ್ದೇವೆ. ನೀನು ಮರಳಿದಾಗ ಮೊದಲ ವರ್ಷದ ಹುಟ್ಟುಹಬ್ಬ ಆಚರಿಸೋಣ ಎಂದು ಬರೆದಿದ್ದಾನೆ.

ಹಮಾಸ್​​ ಉಗ್ರರ ಸೆರೆಯಿಂದ ಬಿಡಿಸಿಕೊಂಡು ಬಂದ ಮಕ್ಕಳು, ಇನ್ನೂ ಒತ್ತೆಯಾಳುಗಳಾಗಿರುವ ಮಕ್ಕಳಿಗೆ ಶುಭಾಶಯಗಳನ್ನು ತಿಳಿಸುವ ಮೂಲಕ ಅವರ ಬಿಡುಗಡೆಗೆ ಹಾರೈಸುತ್ತಿದ್ದಾರೆ. ಪೋಷಕರೊಂದಿಗೆ ಉಗ್ರರ ಸೆರೆಯಾಗಿದ್ದ ನಾಲ್ಕು ವರ್ಷದ ಒರಿಯಾ ಬ್ರಾಡ್ಚ್ ಎಂಬ ಮಗು ಕೂಡ ಕಳೆದ ನವೆಂಬರ್​ 26ರಂದು ಬಿಡುಗಡೆಯಾಗಿದ್ದು, ಕಿಫೀರ್​​ ಹುಟ್ಟುಹಬ್ಬಕ್ಕೆ ಶುಭಕೋರಿ, ಬೇಗ ಮನೆಗೆ ಹಿಂದಿರುಗುವಂತೆ ಪ್ರಾರ್ಥಿಸಿದೆ.

ನವೆಂಬರ್​ 26ರಂದು 9 ವರ್ಷದ ಎಮಿಲಿ ಹ್ಯಾಂಡ್​ ಕೂಡ ಉಗ್ರರ ಸೆರೆಯಿಂದ ಮುಕ್ತವಾಗಿದ್ದು, ಆಕೆ ಕೂಡ ಕಿಪೀರ್​​ ನೀನು ಆದಷ್ಟು ಬೇಗ ಇದರಿಂದ ಹೊರಬರುತ್ತಿಯಾ ಎಂದು ತಿಳಿಸಿದೆ. ನನಗೆ ನಿನ್ನ ಭಾವನೆ ಅರ್ಥವಾಗುತ್ತಿದೆ ಎಂದು ಭಾವುಕವಾಗಿ ತಿಳಿಸಿದ್ದಾಳೆ.

ಈ ನಡುವೆ ಕಿಫೀರ್​​ ಮತ್ತು ಆಕೆಯ ಕುಟುಂಬ ಸುರಕ್ಷಿತವಾಗಿ ಬದುಕಿದೆಯೇ ಎಂಬ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಹಮಾಸ್​ ಹೇಳುವಂತೆ, ಇಸ್ರೇಲ್​ ವೈಮಾನಿಕ ದಾಳಿಯಲ್ಲಿ ಕಿಫೀರ್​ ಮತ್ತು ಆಕೆಯ ಸಹೋದರ ಹಾಗೂ ತಾಯಿ ಸಾವನ್ನಪ್ಪಿದ್ದಾರೆ. 50 ದಿನಗಳ ಕಾಲ ಹಮಾಸ್​ ವಶದಲ್ಲಿದ್ದು, ಕದನ ವಿರಾಮ ಒಪ್ಪಂದದ ಸಮಯದಲ್ಲಿ ಬಿಡುಗಡೆಯಾದ ಒತ್ತೆಯಾಳು ನಿಲಿ ಮಾರ್ಗಲಿಟ್ ಹೇಳುವಂತೆ, ಯಾರ್ಡನ್ ಬಿಬಾಸ್ ಆಕೆಯ ಜೊತೆಯಲ್ಲಿದ್ದ. ಈ ವೇಳೆ ಹಮಾಸ್​ ಉಗ್ರರು ಆಕೆಯ ಹೆಂಡತಿ ಮಕ್ಕಳನ್ನು ಕೊಂದು ಹಾಕಿದ್ದಾರೆ ಎಂದು ತಿಳಿಸಿದ್ದಾನೆ. ಅಲ್ಲದೇ, ಇಸ್ರೇಲ್​ ಪ್ರಧಾನಿ ನೆತನ್ಯಾಹು ಇಸ್ರೇಲ್‌ಗೆ ಒತ್ತೆಯಾಳುಗಳ ಶವ ಮರಳಿ ತರಲು ನಿರಾಕರಿಸಿದ್ದಾರೆ ಎಂದು ದೂಷಿಸಿ ವಿಡಿಯೋ ಮಾಡುವಂತೆ ಯಾರ್ಡನ್​ಗೆ ಹಮಾಸ್​ ಉಗ್ರರು ತಿಳಿಸಿದ್ದರು ಎಂದು ಕೂಡ ಹೇಳಿದ್ದಾನೆ.

ಇಸ್ರೇಲ್​ ಮಿಲಿಟರಿ ಹೇಳುವಂತೆ, ಬಿಬಾಸ್​ ಕುಟುಂಬವನ್ನು ಅವರು ಪತ್ತೆ ಮಾಡಿಲ್ಲ. ಇದೊಂದು ಸೈಕಾಲಾಜಿಕಲ್​ ಟೆರರ್​ ಎಂದು ತಿಳಿಸಿದೆ.(ಐಎಎನ್​ಎಸ್​​)

ಇದನ್ನೂ ಓದಿ: ಇಸ್ರೇಲ್‌ ಗುರಿಯಾಗಿಸಿ ಇರಾಕ್‌ನ ಯುಎಸ್‌ ಕಾನ್ಸುಲೇಟ್‌ ಸಮೀಪ ಇರಾನ್ ದಾಳಿ, 4 ಸಾವು