ಇಸ್ಲಾಮಿಕ್ ಐಡೆಂಟಿಟಿಗೆ ಕುಂದು: ಹೋಳಿ ಆಚರಣೆಯಿಂದ ದೂರ ಇರುವಂತೆ ಪಾಕಿಸ್ತಾನದ ವಿಶ್ವವಿದ್ಯಾಲಯಗಳಿಗೆ ಸೂಚನೆ

ಹೋಳಿಯಂತಹ ಆಚರಣೆಗಳು ದೇಶದ ಪ್ರತಿಷ್ಠೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ. ಪಟ್ಟಭದ್ರ ಹಿತಾಸಕ್ತಿಗಳನ್ನು ತಮ್ಮ ಉದ್ದೇಶಗಳಿಗಾಗಿ ಬಳಸಿಕೊಳ್ಳುವ ಬಗ್ಗೆ ವಿದ್ಯಾರ್ಥಿಗಳಿಗೆ ಅರಿವು ಮೂಡಿಸಬೇಕೆಂದು ಪಾಕಿಸ್ತಾನದ ಉನ್ನತ ಶಿಕ್ಷಣ ಆಯೋಗ ಹೇಳಿದೆ.

ಇಸ್ಲಾಮಾಬಾದ್ (ಪಾಕಿಸ್ತಾನ): ಪಾಕಿಸ್ತಾನದ ವಿಶ್ವವಿದ್ಯಾಲಯಗಳಲ್ಲಿ ಹಿಂದೂ ಹಬ್ಬವಾದ ಹೋಳಿ ಆಚರಣೆಯಿಂದ ದೂರ ಇರುವಂತೆ ಅಲ್ಲಿನ ಉನ್ನತ ಶಿಕ್ಷಣ ಆಯೋಗ ಸೂಚಿಸಿದೆ. ಹೋಳಿಯಂತಹ ಆಚರಣೆಗಳು ದೇಶದ ಇಸ್ಲಾಮಿಕ್ ಗುರುತಿಗೆ (ಐಡೆಂಟಿಟಿ) ಕುಂದು ತರಲಿದ್ದು, ಇಂತಹ ಎಲ್ಲ ಚಟುವಟಿಕೆಗಳಿಂದ ವಿವೇಚನೆಯಿಂದ ದೂರವಿರಲು ವಿಶ್ವವಿದ್ಯಾಲಯಗಳಿಗೆ ನಿರ್ದೇಶನ ನೀಡಿದೆ.

ಇಸ್ಲಾಮಾಬಾದ್‌ನ ಕ್ವೈದ್-ಎ-ಅಜಮ್ ವಿಶ್ವವಿದ್ಯಾಲಯವು ಮಾರ್ಚ್ 8ರಂದು ಹೋಳಿ ಕಾರ್ಯಕ್ರಮ ಆಯೋಜಿಸಿತ್ತು. ಇದರ ವಿಡಿಯೋವೊಂದು ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ. ಇದರ ಬೆನ್ನಲ್ಲೇ, ಉನ್ನತ ಶಿಕ್ಷಣ ಆಯೋಗದ (ಹೆಚ್‌ಇಸಿ) ಕಾರ್ಯ ನಿರ್ವಾಹಕ ನಿರ್ದೇಶಕಿ ಶೈಸ್ತಾ ಸೊಹೈಲ್ ಹೋಳಿ ಆಚರಣೆಯಿಂದ ದೂರ ಇರುವಂತೆ ಶಿಕ್ಷಣ ಸಂಸ್ಥೆಗಳ ಮುಖ್ಯಸ್ಥರಿಗೆ ಬರೆದಿದ್ದಾರೆ.

• Happy Holi 🖤 🥀
  Biggest Holi celebrations at Quaid-i-Azam University Islamabad Pakistan 🌹 pic.twitter.com/ZciVSyctuI

  — QAU News (@NewsQau) June 13, 2023 " class="align-text-top noRightClick twitterSection" data="

  Happy Holi 🖤 🥀
  Biggest Holi celebrations at Quaid-i-Azam University Islamabad Pakistan 🌹 pic.twitter.com/ZciVSyctuI

  — QAU News (@NewsQau) June 13, 2023

  ">

  Happy Holi 🖤 🥀
  Biggest Holi celebrations at Quaid-i-Azam University Islamabad Pakistan 🌹 pic.twitter.com/ZciVSyctuI

  — QAU News (@NewsQau) June 13, 2023

ಹೋಳಿಯಂತಹ ಆಚರಣೆಗಳು ದೇಶದ ಪ್ರತಿಷ್ಠೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ. ದುರದೃಷ್ಟವಶಾತ್ ನಮ್ಮ ಸಾಮಾಜಿಕ - ಸಾಂಸ್ಕೃತಿಕ ಮೌಲ್ಯಗಳಿಂದ ಸಂಪೂರ್ಣ ಸಂಪರ್ಕ ಕಡಿತವಾಗುತ್ತಿದೆ. ದೇಶದ ಇಸ್ಲಾಮಿಕ್ ಗುರುತಿನ ಸವೆತವನ್ನು ಬಿಂಬಿಸುವ ಚಟುವಟಿಕೆಗಳಿಗೆ ಸಾಕ್ಷಿಯಾಗುವುದು ದುಃಖಕರವಾಗಿದೆ. ಹಿಂದೂ ಹಬ್ಬವಾದ ಹೋಳಿಯನ್ನು ಗುರುತಿಸುವಲ್ಲಿ ತೋರಿದ ಉತ್ಸಾಹವು ಕಳವಳವನ್ನು ಉಂಟುಮಾಡುವ ಒಂದು ಉದಾಹರಣೆಯಾಗಿದೆ. ವಿಶ್ವವಿದ್ಯಾಲಯದ ವೇದಿಕೆಯಿಂದ ವ್ಯಾಪಕವಾಗಿ ವರದಿಯಾದ ಹಾಗೂ ಪ್ರಕಟಿತವಾದ ಈ ಘಟನೆಯು ಕಳವಳವನ್ನು ಉಂಟುಮಾಡಿದೆ ಎಂದು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.

ಅಲ್ಲದೇ, ಇದು ಸಾಂಸ್ಕೃತಿಕ, ಜನಾಂಗೀಯ ಮತ್ತು ಧಾರ್ಮಿಕ ವೈವಿಧ್ಯತೆಯು ಅಂತರ್ಗತ ಮತ್ತು ಸಹಿಷ್ಣು ಸಮಾಜದ ಕಡೆಗೆ ಕಾರಣವಾಗುತ್ತದೆ ಎಂಬ ಅಂಶವನ್ನು ಅಲ್ಲಗಳೆಯುವಂತಿಲ್ಲ. ಎಲ್ಲ ನಂಬಿಕೆಗಳು ಮತ್ತು ಪಂಥಗಳನ್ನು ಆಳವಾಗಿ ಗೌರವಿಸುತ್ತದೆ. ಆದರೂ, ಮಿತಿಮೀರಿ ಹೋಗದೆ ರೀತಿಯಲ್ಲಿ ಇರಬೇಕಾಗುತ್ತದೆ. ಪಟ್ಟಭದ್ರ ಹಿತಾಸಕ್ತಿಗಳನ್ನು ತಮ್ಮ ಉದ್ದೇಶಗಳಿಗಾಗಿ ಬಳಸಿಕೊಳ್ಳುವ ಬಗ್ಗೆ ವಿದ್ಯಾರ್ಥಿಗಳಿಗೆ ಅರಿವು ಮೂಡಿಸಬೇಕು ಎಂದೂ ಪತ್ರದಲ್ಲಿ ಬರೆಯಲಾಗಿದೆ.

ಯುವಕರ ಉತ್ಸಾಹದಿಂದ ಕಲಿತ, ಪ್ರಬುದ್ಧ ಮತ್ತು ಜವಾಬ್ದಾರಿಯುತ ನಾಗರಿಕರನ್ನಾಗಿ ಪೋಷಿಸುವ ಅಂತಿಮ ಜವಾಬ್ದಾರಿಯನ್ನು ಹೆಚ್‌ಇಸಿ ಹೊಂದಿದೆ. ಆದರೆ, ಈ ಅಧಿಸೂಚನೆಯು ಅಂತಹ ಆಚರಣೆಗಳ ನಿಷೇಧವಲ್ಲ ಎಂದು ಹೆಚ್‌ಇಸಿ ನಿರ್ದೇಶಕರು ಹೇಳಿದ್ದಾರೆ. ಇದೇ ವೇಳೆ, ಉನ್ನತ ಶಿಕ್ಷಣ ಆಯೋಗ ನಡೆಯು ಸಾಕಷ್ಟು ಟೀಕೆಗೂ ಗುರಿಯಾಗಿದೆ. ಇಂತಹ ತಪ್ಪಾದ ಆದ್ಯತೆಗಳೇ ಸಮಾಜದಲ್ಲಿ ನಾವು ಕಾಣುವ ಬೌದ್ಧಿಕ, ನೈತಿಕ ಅಧಃಪತನಕ್ಕೆ ಕಾರಣ ಎಂದು ಸಾಮಾಜಿಕ ಕಾರ್ಯಕರ್ತ ಅಮ್ಮರ್ ಅಲಿ ಜಾನ್ ಹೇಳಿದ್ದಾರೆ. ನಮ್ಮ ವಿಶ್ವವಿದ್ಯಾಲಯಗಳು ವಿಶ್ವದ ಮೊದಲ 1,000ರೊಳಗೆ ಸ್ಥಾನ ಪಡೆಯಲು ಸಾಧ್ಯವಾಗಿಲ್ಲ. ಆದರೂ, ವಿದ್ಯಾರ್ಥಿಗಳು ಹೋಳಿ ಆಚರಿಸುವ ಬಗ್ಗೆ ಹೆಚ್‌ಇಸಿ ಹೆಚ್ಚು ಚಿಂತಿತವಾಗಿದೆ ಎಂದು ಪತ್ರಕರ್ತರೊಬ್ಬರು ಟೀಕಿಸಿದ್ದಾರೆ.

ಇದನ್ನೂ ಓದಿ: ಪಾಕಿಸ್ತಾನಿ ವಲಸಿಗರಿಗೆ ಭಾರತೀಯ ಪೌರತ್ವ ಪ್ರಮಾಣಪತ್ರ ಹಸ್ತಾಂತರಿಸಿದ ಡಿಸಿ ಟೀನಾ ದಾಬಿ