ಜಿಂಬಾಬ್ವೆಯಲ್ಲಿ ದಿಢೀರ್​ ಉಲ್ಭಣಗೊಂಡ 'ದಡಾರ': 700 ಮಕ್ಕಳು ಸಾವು

ಜಿಂಬಾಬ್ವೆಯಲ್ಲಿ ಸಾಂಕ್ರಾಮಿಕ ರೋಗ ದಡಾರಕ್ಕೆ ಇಲ್ಲಿಯವರೆಗೆ 700 ಮಕ್ಕಳು ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ.

ಹರಾರೆ(ಜಿಂಬಾಬ್ವೆ): ಬಡರಾಷ್ಟ್ರ ಜಿಂಬಾಬ್ವೆಯಲ್ಲಿ ಕಳೆದ ಕೆಲವು ದಿನಗಳಿಂದ ಸಾಂಕ್ರಾಮಿಕ ರೋಗ 'ದಡಾರ' ದಿಢೀರ್ ಉಲ್ಬಣಗೊಂಡಿದೆ. ಇಲ್ಲಿಯವರೆಗೆ 700 ಮಕ್ಕಳು ಮೃತಪಟ್ಟಿರುವುದಾಗಿ ಅಲ್ಲಿನ ಆರೋಗ್ಯ ಸಚಿವಾಲಯ ತಿಳಿಸಿದೆ. ಕಳೆದ 15 ದಿನಗಳಲ್ಲಿ ಹೆಚ್ಚಿನ ಮಕ್ಕಳು ಮಹಾಮಾರಿಗೆ ಬಲಿಯಾಗಿದ್ದಾರೆಂದು ಅಧಿಕಾರಿಗಳು ಹೇಳಿದ್ದಾರೆ.

ಸೆಪ್ಟೆಂಬರ್​​ 2022ರ ಮಾಹಿತಿ ಪ್ರಕಾರ, ದೇಶದಲ್ಲಿ 4,266 ದಡಾರ ಪ್ರಕರಣಗಳು ಚೇತರಿಕೆ ಕಂಡಿದ್ದು, 685 ಮಕ್ಕಳು ಅಸುನೀಗಿದ್ದಾರೆ. ಕಳೆದ ಆಗಸ್ಟ್​ ತಿಂಗಳಲ್ಲಿ ಮೊಜಾಂಬಿಕ್​ನ ಪೂರ್ವ ಮಣಿಕಾಲ್ಯಾಂಡ್​​ ಪ್ರಾಂತ್ಯದಲ್ಲಿ ಸೋಂಕು ಕಾಣಿಸಿಕೊಂಡಿತ್ತು. ಇದರ ಬೆನ್ನಲ್ಲೇ ಲಸಿಕಾ ಅಭಿಯಾನ ಆರಂಭಿಸಲಾಗಿದೆ. ಜಿಂಬಾಬ್ವೆಯಲ್ಲಿ 6 ತಿಂಗಳಿಂದ 15 ವರ್ಷದ ಮಕ್ಕಳಿಗೆ ಲಸಿಕೆ ನೀಡುವ ಸಾಮೂಹಿಕ ಲಸಿಕೆ ಅಭಿಯಾನ ಕಾರ್ಯಕ್ರಮವನ್ನು ಸರ್ಕಾರ ಪ್ರಾರಂಭಿಸಿದೆ.

• Measles Update: As at 02 September 2022, Zimbabwe had 6 034 confirmed cases, including 4 266 recoveries and 685 deaths. pic.twitter.com/eZLuhJ9Wlx

  — Ministry of HealthZW (@MoHCCZim) September 3, 2022 " class="align-text-top noRightClick twitterSection" data="

  Measles Update: As at 02 September 2022, Zimbabwe had 6 034 confirmed cases, including 4 266 recoveries and 685 deaths. pic.twitter.com/eZLuhJ9Wlx

  — Ministry of HealthZW (@MoHCCZim) September 3, 2022

  ">

  Measles Update: As at 02 September 2022, Zimbabwe had 6 034 confirmed cases, including 4 266 recoveries and 685 deaths. pic.twitter.com/eZLuhJ9Wlx

  — Ministry of HealthZW (@MoHCCZim) September 3, 2022

ಧಾರ್ಮಿಕ ಮುಖಂಡರ ನಡೆಯಿಂದ ರೋಗ ತೀವ್ರ: ಸಲಹೆ ಆದರೆ, ದಡಾರದ ಲಸಿಕೆ ಹಾಕಿಸಿಕೊಳ್ಳದಂತೆ ಅಲ್ಲಿನ ಧಾರ್ಮಿಕ ಮುಖಂಡರು ಸಲಹೆ ನೀಡಿದ್ದರಿಂದಲೇ ಹೆಚ್ಚಿನ ಸಂಖ್ಯೆಯಲ್ಲಿ ಮಕ್ಕಳು ಸಾವನ್ನಪ್ಪಿವೆ ಎಂದು ಹೇಳಲಾಗ್ತಿದೆ. ಮೃತಪಟ್ಟ ಮಕ್ಕಳಲ್ಲಿ ಹಲವರು ದಡಾರ ಲಸಿಕೆ ಪಡೆದಿರಲಿಲ್ಲ ಎಂದು ವಾರ್ತಾ ಸಚಿವೆ ಮೊನಿಕಾ ಮುತ್​ಫಂಗ್ವಾ ತಿಳಿಸಿದ್ದಾರೆ. ಧಾರ್ಮಿಕ ಮುಖಂಡರು ತಮಗೆ ಬೆಂಬಲ ಸೂಚಿಸಬೇಕೆಂದು ಅವರು ಇದೇ ವೇಳೆ ಮನವಿ ಮಾಡಿಕೊಂಡಿದ್ದಾರೆ.

ರೋಗ ಲಕ್ಷಣಗಳೇನು?: ದಡಾರ ಕಾಣಿಸಿಕೊಂಡಿರುವ ಮಕ್ಕಳಲ್ಲಿ ಆರಂಭಿಕವಾಗಿ ಜ್ವರ ಮತ್ತು ಕೆಂಪು ದದ್ದು ಕಾಣಿಸಿಕೊಳ್ಳಲು ಶುರುವಾಗುತ್ತದೆ. ಚಿಕಿತ್ಸೆ ಅಥವಾ ಲಸಿಕೆ ನೀಡಿದರೆ ರೋಗವನ್ನು ಸಂಪೂರ್ಣವಾಗಿ ಹೋಗಲಾಡಿಸಬಹುದು. ಲಸಿಕೆಯಿಂದ ದೂರ ಉಳಿದರೆ ಮಾರಣಾಂತಿಕವಾಗಿ ಪರಿಣಮಿಸುತ್ತದೆ. ಸಾವಿನ ಪ್ರಕರಣ ಹೆಚ್ಚಾಗಿರುವ ಕಾರಣ ಜಿಂಬಾಬ್ವೆ ಸರ್ಕಾರ ಯುನಿಸೆಫ್​ ಮತ್ತು ವಿಶ್ವ ಆರೋಗ್ಯ ಸಂಸ್ಥೆಯ ಜೊತೆ ಸೇರಿ ಮಕ್ಕಳಿಗೆ ಲಸಿಕೆ ಹಾಕುವ ಅಭಿಯಾನ ಆರಂಭಿಸಿದೆ.

ಆದರೆ, ಅಲ್ಲಿನ ಜನರು ಧಾರ್ಮಿಕ ಮುಖಂಡರ ಮೇಲೆ ಹೆಚ್ಚು ಅವಲಂಬಿತವಾಗಿರುವ ಕಾರಣ ಮನವೊಲಿಕೆ ಕೆಲಸ ಸಹ ಸರ್ಕಾರದಿಂದ ನಡೆಯುತ್ತಿದೆ ಎಂದು ತಿಳಿದು ಬಂದಿದೆ.