ನೈರೋಬಿ (ಕೀನ್ಯಾ): ಕಳೆದ ಹತ್ತು ವರ್ಷಗಳಲ್ಲೇ ಕಂಡು ಕೇಳರಿಯದ ಭೀಕರ ಬರಗಾಲಕ್ಕೆ ಈ ವರ್ಷ ಪೂರ್ವ ಆಫ್ರಿಕಾ ತುತ್ತಾಗಿದ್ದು, ತೀವ್ರ ಬರಗಾಲದ ಪರಿಣಾಮದಿಂದಾಗಿ ಕೀನ್ಯಾದ ವನ್ಯಜೀವಿ ಸಂರಕ್ಷಣಾ ವಲಯದಲ್ಲಿ ಆನೆಗಳು, ಅಳಿವಿನಂಚಿನಲ್ಲಿರುವ ಗ್ರೆವಿ ಜೀಬ್ರಾಗಳು ಸೇರಿದಂತೆ ನೂರಾರು ಪ್ರಾಣಿಗಳು ಜೀವ ಕಳೆದುಕೊಂಡಿವೆ ಎಂದು ಶುಕ್ರವಾರ ಬಿಡುಗಡೆಯಾದ ವರದಿಯೊಂದು ತಿಳಿಸಿದೆ.
ಕೀನ್ಯಾ ವೈಲ್ಡ್ಲೈಫ್ ಸರ್ವಿಸ್ ಮತ್ತು ಇತರ ಸಂಸ್ಥೆಗಳ ನೀಡಿರುವ ವರದಿ ಪ್ರಕಾರ, ಕಳೆದ ಒಂಬತ್ತು ತಿಂಗಳಲ್ಲಿ 205 ಆನೆಗಳು, 512 ಕಾಡಾನೆಗಳು, 381 ಸಾಮಾನ್ಯ ಜೀಬ್ರಾಗಳು, 51 ಎಮ್ಮೆಗಳು, 49 ಗ್ರೆವಿಯ ಜೀಬ್ರಾಗಳು ಮತ್ತು 12 ಜಿರಾಫೆಗಳು ಸಾವನ್ನಪ್ಪಿವೆ.
ಕಳೆದ ಎರಡು ವರ್ಷಗಳಲ್ಲಿ ಕೀನ್ಯಾದ ಬಹುತೇಕ ಭಾಗಗಳಲ್ಲಿ ನಾಲ್ಕೂ ಋತುಗಳಲ್ಲಿಯು ಸಮರ್ಪಕವಾಗಿ ಮಳೆಯಾಗಿಲ್ಲ. ಮಳೆ ಇಲ್ಲದೇ ನೀರಿಲ್ಲ. ಬರಗಾಲ ಬಂದು ಉಂಟಾದ ನೀರಿನ ಅಭಾವದಿಂದಾಗಿ ಜಾನುವಾರುಗಳು ಸೇರಿದಂತೆ ಪ್ರಾಣಿಗಳು ಮತ್ತು ಜನರು ಭೀಕರ ಪರಿಣಾಮಗಳನ್ನು ಎದುರಿಸುವಂತಾಗಿದೆ.