ರಷ್ಯಾದ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಪಾಶ್ಚಿಮಾತ್ಯ ದೇಶಗಳ ವಿರೋಧವನ್ನು ಲೆಕ್ಕಿಸದೇ ಉಕ್ರೇನ್‌ನ ಎರಡು ಒಡೆದ ಪ್ರದೇಶಗಳಾದ ಡೊನೆಟ್ಸ್ಕ್ ಮತ್ತು ಲುಹಾನ್ಸ್ಕ್ ಪೀಪಲ್ಸ್ ರಿಪಬ್ಲಿಕ್‌ಗಳಲ್ಲಿ, ತಮ್ಮ ಸರ್ಕಾರವು ಬೆಂಬಲಿಸುತ್ತಿರುವ ಒಂದು ದಶಕಕ್ಕೂ ಹೆಚ್ಚು ಹಳೆಯ ಪ್ರತ್ಯೇಕತಾವಾದಿ ಚಳವಳಿಯನ್ನು ಕಾನೂನುಬದ್ಧಗೊಳಿಸುವ ಯೋಜನೆಯನ್ನು ಮುಂದುವರೆಸಿದ್ದಾರೆ.
ರಷ್ಯಾದ ಭದ್ರತಾ ಮಂಡಳಿಯ ಸಭೆಯ ನಂತರ, ಪುಟಿನ್ ತಮ್ಮ ಭಾಷಣದಲ್ಲಿ ಮಿನ್ಸ್ಕ್ ಒಪ್ಪಂದದ ಪ್ರಕಾರ ಈ ಎರಡು ಸಂಘರ್ಷ ಪ್ರದೇಶಗಳು ಸ್ವತಂತ್ರ ರಾಷ್ಟ್ರಗಳೆಂದು ಹೇಳಿದ್ದಾರೆ. ಯುಎಸ್ ಮತ್ತು ಯುರೋಪಿಯನ್ ರಾಷ್ಟ್ರಗಳು ರಷ್ಯಾದ ಭದ್ರತಾ ಮಂಡಳಿಯ ನಿರ್ಧಾರದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿವೆ.
ಈ ಎರಡು ರಾಷ್ಟ್ರಗಳು ಇದನ್ನು ಉಕ್ರೇನ್‌ನ ಸಾರ್ವಭೌಮತ್ವದ ಮೇಲಿನ ದಾಳಿ ಎಂದು ಕರೆದಿವೆ. ಈ ನಿರ್ಧಾರವು ಏಕಪಕ್ಷೀಯವಾಗಿದ್ದು, ಮಿನ್ಸ್ಕ್ 2 ಒಪ್ಪಂದದ ಉಲ್ಲಂಘನೆಯಾಗಿದೆ. ಹಿಂದಿನ ಚಾರ್ಟರ್ ಮಿನ್ಸ್ಕ್ 1 ಒಪ್ಪಂದವನ್ನು ಸೆಪ್ಟೆಂಬರ್ 2014 ರಲ್ಲಿ ಕಾರ್ಯಗತಗೊಳಿಸಲಾಗಿದೆ.
ಇದನ್ನೂ ಓದಿ: ಭಾರತೀಯರ ಕರೆತರಲು ಉಕ್ರೇನ್‌ನತ್ತ ಹೊರಟ ಏರ್‌ಇಂಡಿಯಾ ವಿಶೇಷ ವಿಮಾನ, 3 ದಿನ ಕಾರ್ಯಾಚರಣೆ
ಫೆಬ್ರವರಿ 2015 ರಲ್ಲಿ, ಮಿನ್ಸ್ಕ್ II ಒಪ್ಪಂದಕ್ಕೆ ರಷ್ಯಾ, ಉಕ್ರೇನ್, ಯುರೋಪ್ನ ಭದ್ರತೆ ಮತ್ತು ಸಹಕಾರ ಸಂಸ್ಥೆ (OSCE) ಹಾಗೂ ಬೆಲರೂಸಿಯನ್ ರಾಜಧಾನಿ ಮಿನ್ಸ್ಕ್ಲ್ಲಿ ಎರಡು ಪ್ರತ್ಯೇಕತಾವಾದಿ ನಾಯಕತ್ವಗಳ ನಡುವೆ ಸಹಿ ಹಾಕಲಾಯಿತು. ಈ ವೇಳೆ 13 ಒಪ್ಪಂದಗಳಿಗೆ ಸಹಿ ಹಾಕಲಾಗಿತ್ತು.
ಈ ಒಪ್ಪಂದದ ಹೊರತಾಗಿಯೂ, ರಷ್ಯಾ ಬೆಂಬಲಿತ ಪ್ರದೇಶಗಳಲ್ಲಿನ ಪ್ರತ್ಯೇಕತಾವಾದಿ ಚಟುವಟಿಕೆಗಳಲ್ಲಿ ಯಾವುದೇ ಕದನ ವಿರಾಮ ಕಂಡುಬಂದಿರಲಿಲ್ಲ. ಈ ಮಧ್ಯೆ, ಪ್ರತ್ಯೇಕತಾವಾದಿಗಳು ತಮ್ಮ ನೆಲೆಗಳನ್ನು ಕ್ರೋಢೀಕರಿಸಲು ಸಾಧ್ಯವಾಯಿತು. ಇದು ಸಂಘರ್ಷದ ಉಲ್ಬಣಕ್ಕೆ ಕಾರಣವಾಯಿತು. ರಷ್ಯಾದ ಬೆಂಬಲದೊಂದಿಗೆ ಸಜ್ಜುಗೊಂಡಿರುವ ಪ್ರತ್ಯೇಕತಾವಾದಿಗಳು, ಉಕ್ರೇನಿಯನ್ ಪಡೆಗಳ ವಿರುದ್ಧ ಹೋರಾಡಲು ಸಿದ್ಧರಾಗಿದ್ದಾರೆ ಎಂದು ಯುಎಸ್ ಹೇಳುತ್ತದೆ.
