ಚೆಲ್ಸಿಯಾ ಫುಟ್ಬಾಲ್ ಕ್ಲಬ್​ನ ಆಟಗಾರ ಕ್ಯಾಲಮ್ ಹಡ್ಸನ್​ಗೆ ಕೊರೊನಾ ಪಾಸಿಟಿವ್​

ಕೊರೊನಾ ತಪಾಸಣೆ ವೇಳೆ ಚೆಲ್ಸಿಯಾ ಫುಟ್ಬಾಲ್ ಕ್ಲಬ್​ನ ಆಟಗಾರ ಕ್ಯಾಲಮ್ ಹಡ್ಸನ್ - ಒಡೋಯ್​ಗೆ ಸೋಂಕು ಬಾಧಿಸಿರುವುದು ದೃಢಪಟ್ಟಿದೆ. ಹೀಗಾಗಿ ಅವರಿಗೆ ಯುಕೆ ಆರೋಗ್ಯ ಇಲಾಖೆಯ ನಿದೇಶನಂತೆ ಸ್ವಯಂ ಪ್ರತ್ಯೇಕ ಇರುವಂತೆ ಸೂಚಿಸಿಲಾಗಿದೆ.

ಲಂಡನ್: ಚೆಲ್ಸಿಯಾ ಫುಟ್ಬಾಲ್ ಕ್ಲಬ್​ನ ಆಟಗಾರ ಕ್ಯಾಲಮ್ ಹಡ್ಸನ್-ಒಡೋಯ್​ಗೆ ಕೊರೊನಾ ಬಾಧಿಸಿರುವುದು ದೃಢಪಟ್ಟಿದೆ.

ಸೋಂಕು ಬಾಧಿತ ಆಟಗಾರ ಪುರುಷ ಆಟಗಾರರು ತಂಗುವ ಕಟ್ಟಡದಲ್ಲಿ ಇದ್ದರು ಎಂದು ತಿಳಿದು ಬಂದಿದ್ದು, ಈ ಬಗ್ಗೆ ಪರಿಶೀಲನೆ ನಡೆಸಲಾಗುತ್ತಿದೆ. ಅಲ್ಲದೆ ಕ್ಯಾಲಮ್ ಹಡ್ಸನ್​ಗೆ ಯುಕೆ ಆರೋಗ್ಯ ಇಲಾಖೆಯ ನಿದೇಶನಂತೆ ಸ್ವಯಂ ಪ್ರತ್ಯೇಕ ಇರುವಂತೆ ಸೂಚಿಸಿಲಾಗಿದೆ. ಕ್ಯಾಲಮ್ ಜೊತೆ ಸಂಪರ್ಕ ಹೊಂದಿದ್ದ ಇತರ ಆಟಗಾರರಿಗೂ ಪ್ರತ್ಯೇಕವಾಗಿ ಇರುವಂತೆ ಸೂಚಿಸಲಾಗಿದೆ.

ಇನ್ನು ಈ ಬಗ್ಗೆ ಪ್ರತಿಕ್ರಿಯಿಸಿರುವ ಚೆಲ್ಸಿಯಾ ಫುಟ್ಬಾಲ್ ಕ್ಲಬ್​ನ ಅಧಿಕಾರಿಗಳು, ಕ್ಯಾಲಮ್ ಜೊತೆ ಸಂಪರ್ಕ ಹೊಂದಿದ್ದ ಎಲ್ಲ ಆಟಗಾರರು ಮುಂದಿನ ದಿನಗಳಲ್ಲಿ ಮತ್ತೆ ತಂಡಕ್ಕೆ ಮರಳಲಿದ್ದಾರೆ. ಕ್ಯಾಲಮ್ ಹಡ್ಸನ್ ಇದ್ದ ಕಟ್ಟಡ ನಮ್ಮ ಕ್ಲಬ್​ನ ಕಟ್ಟಡಗಳಲ್ಲಿ ಒಂದು. ಅದನ್ನು ಸದ್ಯಕ್ಕೆ ಮುಚ್ಚಲಾಗಿದೆ. ಇನ್ನುಳಿದಂತೆ ಕ್ಲಬ್​ನ ಇತರ ವ್ಯವಸ್ಥೆಗಳು ಎಂದಿನಂತೆ ಕಾರ್ಯನಿರ್ವಹಿಸಲಿದೆ ಎಂದು ತಿಳಿಸಿದ್ದಾರೆ.

ಯುಕೆಯಲ್ಲಿ ಕೊವಿಡ್​ ಬಾಧಿತರ ಮಾಹಿತಿ

ಕ್ಯಾಲಮ್ ಹಡ್ಸನ್​ಗೆ ಕೊರೊನಾ ಲಕ್ಷಣಗಳಲ್ಲಿ ಒಂದಾದ ಲಘು ಶೀತ ಇತ್ತು, ಹೀಗಾಗಿ ಮುನ್ನೆಚ್ಚರಿಕೆಯಿಂದ ಅವರು ತರಬೇತಿ ಮೈದಾನಕ್ಕೆ ಭೇಟಿ ಕೊಟ್ಟಿರಲಿಲ್ಲ ಎಂದು ಕ್ಲಬ್​ನ ಅಧಿಕಾರಿಗಳು ತಿಳಿಸಿದ್ದಾರೆ.