ಪ್ಯಾರಿಸ್: ಅಂತಾರಾಷ್ಟ್ರೀಯ ಮಟ್ಟದ ಸಂಸ್ಥೆ ಹಣಕಾಸು ಕಾರ್ಯಪಡೆ (ಎಫ್ಎಟಿಎಫ್) ಪಾಕಿಸ್ತಾನವನ್ನು 'ಬ್ಲ್ಯಾಕ್ ಲಿಸ್ಟ್' ಬದಲಿಗೆ 'ಡಾರ್ಕ್ ಗ್ರೇ' ಪಟ್ಟಿಗೆ ಸೇರಿಸುವ ಸಾಧ್ಯತೆ ದಟ್ಟವಾಗಿದೆ ಎನ್ನುವ ಮಾಹಿತಿ ಹೊರಬಿದ್ದಿದೆ. ಈ ಬಗ್ಗೆ ಪ್ಯಾರಿಸ್ನಲ್ಲಿ ಎಫ್ಎಟಿಎಫ್ ಸದಸ್ಯ ರಾಷ್ಟ್ರಗಳ ಸಭೆಯಲ್ಲಿ ಮಾತುಕತೆ ನಡೆಸಲಾಗಿದೆ ಎಂದು ಹೇಳಲಾಗ್ತಿದೆ.
ಭಯೋತ್ಪಾದನೆ ನಿರ್ಮೂಲನೆ ವಿಚಾರದಲ್ಲಿ ಪಾಕಿಸ್ತಾನ ಕಠಿಣ ನಿರ್ಧಾರ ತಳೆಯುವಲ್ಲಿ ವಿಫಲವಾದ ಹಿನ್ನೆಲೆಯಲ್ಲಿ ಬ್ಲ್ಯಾಕ್ಲಿಸ್ಟ್ಗೆ ಸೇರಲಿದೆ ಎನ್ನುವ ಮಾತು ಕೇಳಿ ಬಂದಿತ್ತು. ಆದರೆ ಪಾಕಿಸ್ತಾನಕ್ಕೆ ಕೊನೆಯ ಅವಕಾಶ ನೀಡಲು ಎಫ್ಎಟಿಎಫ್ ನಿರ್ಧರಿಸಿದ್ದು, ಈ ಹಿನ್ನೆಲೆಯಲ್ಲಿ ಡಾರ್ಕ್ ಗ್ರೇ ಪಟ್ಟಿಗೆ ಸೇರಿಸಲಿದೆ ಎನ್ನಲಾಗಿದೆ.
ಎಫ್ಎಟಿಎಫ್ ಸಭೆ ಬಗ್ಗೆ ಹೆಚ್ಚಿದ ಕುತೂಹಲ.. ಪಾಕ್ ಕಪ್ಪುಪಟ್ಟಿಗೆ ಸೇರಿದ್ರೆ ಏನಾಗುತ್ತೆ..?
ಭಯೋತ್ಪಾದನೆ ನಿಗ್ರಹ ವಿಚಾರದಲ್ಲಿ ಅಂತಾರಾಷ್ಟ್ರೀಯ ಮಟ್ಟದ ಸಂಸ್ಥೆ ಹಣಕಾಸು ಕಾರ್ಯಪಡೆಯ ಒಟ್ಟಾರೆ 27 ಅಂಶಗಳಲ್ಲಿ ಪಾಕಿಸ್ತಾನ ಕೇವಲ ಆರು ಅಂಶವನ್ನಷ್ಟೇ ಪಾಸ್ ಮಾಡಿದೆ. ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ನಲ್ಲಿ ಎಫ್ಎಟಿಎಫ್ ಸಭೆ ಸೇರಿದ್ದು, ಅ.18ರಂದು ಅಂತಿಮ ನಿರ್ಧಾರ ಪ್ರಕಟಿಸಲಿದೆ.
ಡಾರ್ಕ್ ಗ್ರೇ ಪಟ್ಟಿಗೆ ಸೇರಿದರೆ ಪಾಕ್ ಪರಿಸ್ಥಿತಿ ಏನಾಗಲಿದೆ..?
- ಅಂತಾರಾಷ್ಟ್ರೀಯ ಹಣಕಾಸು ನಿಧಿಯಿಂದ ನೆರವು ಇನ್ನಷ್ಟು ಕಷ್ಟವಾಗಲಿದೆ
- ವಿಶ್ವಬ್ಯಾಂಕ್ ಹಾಗೂ ಯುರೋಪಿಯನ್ ಬ್ಯಾಂಕ್ನಿಂದ ಹಣಕಾಸು ಸೌಲಭ್ಯ ಮರೀಚಿಕೆ
- ಪಾಕಿಸ್ತಾನದ ಹಣಕಾಸು ಪರಿಸ್ಥಿತಿ ಮತ್ತಷ್ಟು ದುರ್ಬರವಾಗಲಿದೆ
- ಹಣಕಾಸು ಪರಿಸ್ಥಿತಿ ಹಳ್ಳಹಿಡಿದರೆ ದೇಶದ ಒಟ್ಟಾರೆ ವ್ಯವಸ್ಥೆ ಹಾದಿ ತಪ್ಪಲಿದೆ
ಡಾರ್ಕ್ ಗ್ರೇ ಲಿಸ್ಟ್ ಎಂದರೇನು?
- ಎಫ್ಎಟಿಎಫ್ ನೀಡುವ ಅತ್ಯಂತ ಕಠಿಣ ಎಚ್ಚರಿಕೆ
- ಬ್ಲ್ಯಾಕ್ಲಿಸ್ಟ್ಗೆ ಸೇರಿಸುವ ಮುನ್ನ ಭಯೋತ್ಪಾದನೆ ನಿರ್ಮೂಲನೆಗೆ ಎಫ್ಎಟಿಎಫ್ ನೀಡುವ ಕೊನೆಯ ಅವಕಾಶ
- ಡಾರ್ಕ್ ಗ್ರೇ ಲಿಸ್ಟ್ ಸೇರ್ಪಡೆ ಬಳಿಕ ಆ ದೇಶ ಮತ್ತೆ ಭಯೋತ್ಪಾದನೆ ಚಟುವಟಿಕೆ ತಡೆಯುವಲ್ಲಿ ವಿಫಲವಾದರೆ ಬ್ಲ್ಯಾಕ್ಲಿಸ್ಟ್ಗೆ ಸೇರುತ್ತದೆ
