ನೈರೋಬಿ: ಭಾರತೀಯ ಮಿಶ್ರ 4x400 ಮೀ ರಿಲೇ ತಂಡವು ಬುಧವಾರ ಇಲ್ಲಿ ತನ್ನ ಬಿರುಗಾಳಿಯಂತಹ ಓಟದ ನಂತರ U-20 ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್‌ನ ಫೈನಲ್‌ಗೆ ಪ್ರವೇಶ ಪಡೆದಿದೆ.
ಅಬ್ದುಲ್ ರಜಾಕ್, ಪ್ರಿಯಾ ಮೋಹನ್, ಸುಮ್ಮಿ ಮತ್ತು ಕಪಿಲ್ ಅವರನ್ನೊಳಗೊಂಡ 4 ಜನ ಭಾರತೀಯ ರಿಲೇ ಆಟಗಾರರ ತಂಡ U-20 ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್ನಲ್ಲಿ 3:23.36 ಸಮಯದಲ್ಲಿ ಗುರಿ ಮುಟ್ಟುವುದರೊಂದಿಗೆ ಎರಡನೇ ಅತ್ಯುತ್ತಮ ತಂಡವಾಗಿ ಫೈನಲ್ ಪ್ರವೇಶಿಸಿ ಗಮನ ಸೆಳೆಯಿತು.
ಆದಾಗ್ಯೂ, ನೈಜೀರಿಯಾದ ಕ್ರೀಡಾಪಟುಗಳು 3: 21.66 ರಲ್ಲಿ ತಮ್ಮ ಗುರಿ ತಲುಪುವ ಮೂಲಕ ಸುಧಾರಿಸಿದ್ದರಿಂದ ಈ ದಾಖಲೆಯು ಅಲ್ಪಕಾಲಿಕವಾಗಿತ್ತು. ಇವತ್ತು ಸಂಜೆಯ ಬಳಿಕ ಫೈನಲ್ ಪಂದ್ಯಗಳು ನಡೆಯಲಿವೆ.
U-20 ವಿಶ್ವ ಅಥ್ಲೆಟಿಕ್ಸ್ ಚಾಂಪಿಯನ್‌ಶಿಪ್ನಲ್ಲಿ ಈವರೆಗೆ ಭಾರತದ ಸೀಮಾ ಆಂಟಿಲ್ (ಡಿಸ್ಕಸ್ ಥ್ರೋ, 2002), ನವಜೀತ್ ಕೌರ್ ಧಿಲ್ಲೋನ್ (ಡಿಸ್ಕಸ್ ಥ್ರೋ, 2014), ಒಲಿಂಪಿಕ್ ಚಾಂಪಿಯನ್ ನೀರಜ್ ಚೋಪ್ರಾ (ಜಾವೆಲಿನ್ ಥ್ರೋ, 2016) ಮತ್ತು ಹಿಮಾ ದಾಸ್ (400 ಮೀ, 2018) ಇತರರು ಈ ಕ್ರೀಡಾಕೂಟದಲ್ಲಿ ಪದಕ ಗೆದ್ದಿದ್ದಾರೆ.
