ನ್ಯೂಯಾರ್ಕ್: ಕ್ಯಾನ್ಸರ್ಗೆ ಬಲಿಯಾದ ಮಾರ್ವೆಲ್ ಸಿನಿಮ್ಯಾಟಿಕ್ ಬ್ರಹ್ಮಾಂಡದಲ್ಲಿ ರೀಗಲ್ ಬ್ಲ್ಯಾಕ್ ಪ್ಯಾಂಥರ್ ಆಗಿ ಖ್ಯಾತಿ ಪಡೆದಿದ್ದ ನಟ ಚಾಡ್ವಿಕ್ ಬೋಸ್ಮನ್ ಅವರನ್ನು ತವರೂರಾರದ ಆಂಡರ್ಸನ್ನಿಂದ 11 ಮೈಲಿ ದೂರದಲ್ಲಿರುವ ದಕ್ಷಿಣ ಕೆರೊಲಿನಾದ ಬೆಲ್ಟನ್ ವೆಲ್ಫೇರ್ ಬ್ಯಾಪ್ಟಿಸ್ಟ್ ಚರ್ಚ್ನಲ್ಲಿ ಸಮಾಧಿ ಮಾಡಲಾಗಿದೆ.
ಬೋಸ್ಮನ್, ಆಗಸ್ಟ್ 28ರಂದು ಲಾಸ್ ಏಂಜಲೀಸ್ನ ಗ್ರಿಫಿತ್ ಪಾರ್ಕ್ ಬಳಿಯ ಮನೆಯಲ್ಲಿ ಮೃತಪಟ್ಟಿದ್ದರು. ನಾಲ್ಕು ವರ್ಷಗಳ ಹಿಂದೆ ಚಾಡ್ವಿಕ್ ಅವರಿಗೆ ಕರುಳಿನ ಕ್ಯಾನ್ಸರ್ ದೃಢಪಟ್ಟಿತ್ತು. ಹೀಗಾಗಿ ಚಿಕಿತ್ಸೆ ಪಡೆಯುತ್ತಿದ್ದರು. 2016ರಲ್ಲಿ ಶಸ್ತ್ರ ಚಿಕತ್ಸೆಗೆ ಒಳಗಾಗಿದ್ದ ಚಾಡ್ವಿಕ್, ಈ ವರ್ಷ ಮಾರ್ಚ್ನಲ್ಲಿ ಲ್ಯಾಪರೊಸ್ಕೋಪಿಕ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು.
ನಾಲ್ಕು ಮಾರ್ವೆಲ್ ಚಲನಚಿತ್ರಗಳಲ್ಲಿ ಬ್ಲ್ಯಾಕ್ ಪ್ಯಾಂಥರ್ ಪಾತ್ರದಲ್ಲಿ ನಟಿಸಿದ ಚಾಡ್ವಿಕ್, ಜಾಕಿ ರಾಬಿನ್ಸನ್ ಬಯೋಪಿಕ್ 42ರಲ್ಲಿ ಕೂಡ ನಟಿಸಿದ್ದರು.