ಲಂಡನ್: ಬ್ರಿಟನ್ನಲ್ಲಿ ಇತರ ಕಾಯಿಲೆಗಳಿಂದ ಬಳಲುತ್ತಿರುವ ಮತ್ತು ರೋಗನಿರೋಧಕ ಶಕ್ತಿ ಕಡಿಮೆ ಇರುವಂಥ ಸುಮಾರು 2 ಮಿಲಿಯನ್ ಜನರಿದ್ದು, ಅವರು ಪ್ರಥಮವಾಗಿ ಕೋವಿಡ್ ಲಸಿಕೆ ಹಾಕಿಸಿಕೊಳ್ಳಲು ಮುಂದೆ ಬರಬೇಕು ಎಂದು ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಕರೆ ನೀಡಿದ್ದಾರೆ.
ವರ್ಚುವಲ್ ಡೌನಿಂಗ್ ಸ್ಟ್ರೀಟ್ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಜಾನ್ಸನ್, ಕೋವಿಡ್ ಲಸಿಕೆಗಳು "ಸುರಕ್ಷಿತ ಮತ್ತು ಪರಿಣಾಮಕಾರಿ" ಎಂಬುದನ್ನು ಒತ್ತಿಹೇಳಿದ್ದಾರೆ.
ಬ್ರಿಟನ್‌ನ ಲಸಿಕೆ ಕೋವಿಡ್ ತಡೆಯುವಲ್ಲಿ "ಉತ್ತಮ ಪ್ರಗತಿ" ಸಾಧಿಸಿದೆ ಎಂದು ಜಾನ್ಸನ್ ಹೇಳಿದರು. ಇತ್ತೀಚಿನ ಅಧಿಕೃತ ಅಂಕಿಅಂಶಗಳ ಪ್ರಕಾರ, ಬ್ರಿಟನ್ನಲ್ಲಿ 13 ದಶಲಕ್ಷಕ್ಕೂ ಹೆಚ್ಚು ಜನರಿಗೆ ಕೊರೊನಾ ಲಸಿಕೆಯ ಮೊದಲ ಡೋಸ್ ನೀಡಲಾಗಿದೆ.
ಓದಿ: ನಾಯಕತ್ವದ ವಿರುದ್ಧ ಅವಿಶ್ವಾಸ ಮತ ಚಲಾವಣೆಗೆ ಮುಂದಾದ ಯುಎಸ್ ಕ್ಯಾಪಿಟಲ್ ಪೊಲೀಸರು
ಶೇ 90ರಷ್ಟು 75 ವರ್ಷಕ್ಕಿಂತ ಮೇಲ್ಪಟ್ಟ ವ್ಯಕ್ತಿಗಳು ಹಾಗೂ ಶೇ 90ರಷ್ಟು ಅರ್ಹ ನಾಗರಿಕರು ಮೊದಲ ಡೋಸ್ ಪಡೆದಿದ್ದಾರೆ ಎಂದು ಅವರು ಹೇಳಿದರು.
ಜಾನ್ಸನ್ ಅವರ ಪ್ರಕಾರ, ಬ್ರಿಟನ್ನಲ್ಲಿ ಸುಮಾರು 2 ಮಿಲಿಯನ್ ರೋಗ ನಿರೋಧಕ ಶಕ್ತಿ ಕಡಿಮೆ ಇರುವ ಮತ್ತು ವಯಸ್ಕ ವ್ಯಕ್ತಿಗಳಿಗೆ ಲಸಿಕೆ ತಲುಪಬೇಕಾಗಿದೆ. ಫೆಬ್ರವರಿ 15ರೊಳಗೆ 15 ಮಿಲಿಯನ್ ಜನರಿಗೆ ಲಸಿಕೆ ನೀಡಲಾಗುವುದು ಎಂದು ಪ್ರಧಾನಿ ಹೇಳಿದ್ದಾರೆ.
