ಕ್ಯಾನ್‌ಬೆರಾ: ಬಲಿಷ್ಠ ರಾಷ್ಟ್ರ ರಷ್ಯಾದ ಯುದ್ಧ ದಾಳಿಯನ್ನು ದಿಟ್ಟವಾಗಿ ಎದುರಿಸುತ್ತಿರುವ ಉಕ್ರೇನ್ ನೆರವಿಗೆ ಆಸ್ಟ್ರೇಲಿಯಾ ಧಾವಿಸಿದ್ದು, ಶಸ್ತ್ರಾಸ್ತ್ರಗಳನ್ನು ಪೂರೈಕೆ ಮಾಡುವುದಾಗಿ ತಿಳಿಸಿದೆ.
ಸೋಮವಾರ ಈ ಬಗ್ಗೆ ಆಸ್ಟ್ರೇಲಿಯಾ ಸರ್ಕಾರ ಘೋಷಣೆ ಮಾಡಿದೆ. ಆದರೆ ಯಾವ್ಯಾವ ಶಸ್ತ್ರಾಸ್ತ್ರಗಳನ್ನು ನೀಡಲಿದೆ ಎಂಬುದರ ಮಾಹಿತಿಯನ್ನು ನೀಡಿಲ್ಲ. ಕಳೆದ ಶುಕ್ರವಾರ ಯುದ್ಧಪೀಡಿತ ಉಕ್ರೇನ್ ಬೆಂಬಲಕ್ಕಾಗಿ ನ್ಯಾಟೋ ಟ್ರಸ್ಟ್ ಫಂಡ್‌ಗೆ 3 ಮಿಲಿಯನ್ ಡಾಲರ್‌ ಆರ್ಥಿಕ ನೆರವು, ಮಿಲಿಟರಿ ಉಪಕರಣಗಳು, ವೈದ್ಯಕೀಯ ಸರಬರಾಜು ಪೂರೈಕೆಯ ಮುಂದುವರಿದ ಭಾಗವಾಗಿ ಈ ನೆರವು ಸಿಗುತ್ತಿದೆ.
ಉಕ್ರೇನ್ ಮೇಲೆ ಯುದ್ಧ ಘೋಷಿಸಿರುವ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್, ರಕ್ಷಣಾ ಸಚಿವ ವಿಕ್ಟರ್ ಖ್ರೆನಿನ್ ಸೇರಿದಂತೆ 350ಕ್ಕೂ ಹೆಚ್ಚು ರಷ್ಯಾದ ಪ್ರಮುಖ ವ್ಯಕ್ತಿಗಳ ಮೇಲೆ ಆಸ್ಟ್ರೇಲಿಯಾ ನಿರ್ಬಂಧಗಳನ್ನು ವಿಧಿಸಿದೆ. ಬೆಲಾರಸ್‌ನ 13 ಪ್ರತಿನಿಧಿಗಳು ಮತ್ತು ಘಟಕಗಳ ಮೇಲೂ ನಿರ್ಬಂಧಗಳನ್ನು ಹೇರಿದೆ. ಉಕ್ರೇನ್ ವಿರುದ್ಧದ ಯುದ್ಧದಲ್ಲಿ ಬೆಲಾರಸ್ ರಷ್ಯಾವನ್ನು ಬೆಂಬಲಿಸುತ್ತಿದೆ.
ಇದನ್ನೂ ಓದಿ: ರೊಮೇನಿಯಾ, ಪೊಲೆಂಡ್ ಗಡಿಯಲ್ಲಿ ಭಾರತೀಯ ವಿದ್ಯಾರ್ಥಿಗಳಿಗೆ ಹಲ್ಲೆ, ಕಿರುಕುಳ
