"ಘನಿ ಆಳ್ವಿಕೆಗಿಂತ ತಾಲಿಬಾನ್​ ಆಡಳಿತ ಉತ್ತಮವಾಗಿದೆ": ರಷ್ಯಾ ರಾಯಭಾರಿ

ತಾಲಿಬಾನ್​ ಆಳ್ವಿಕೆಯಲ್ಲಿರುವ ಅಫ್ಘಾನಿಸ್ತಾನದ ಮೊದಲ ದಿನ ಉತ್ತಮವಾಗಿದೆ. ಅಶ್ರಫ್ ಘನಿಗಿಂತ ತಾಲಿಬಾನ್​ ಆಡಳಿತ ಚೆನ್ನಾಗಿದೆ ಎಂದು ರಷ್ಯಾದ ರಾಯಭಾರಿ ಡಿಮಿಟ್ರಿ ಜಿರ್ನೋವ್ ಹೇಳಿದ್ದಾರೆ.

ಮಾಸ್ಕೋ (ರಷ್ಯಾ): ಅಫ್ಘಾನಿಸ್ತಾನದಲ್ಲಿರುವ ರಷ್ಯಾದ ರಾಯಭಾರಿ ಡಿಮಿಟ್ರಿ ಜಿರ್ನೋವ್ ತಾಲಿಬಾನ್​ ಆಡಳಿತದ ಬಗ್ಗೆ ನೀಡಿರುವ ಹೇಳಿಕೆ ತೀವ್ರ ಚರ್ಚೆಗೆ ಕಾರಣವಾಗಿದೆ. "ಅಫ್ಘಾನ್ ರಾಜಧಾನಿ ಕಾಬೂಲ್​ನಲ್ಲಿ ಅಧ್ಯಕ್ಷ ಅಶ್ರಫ್ ಘನಿ ಅವರ ಆಡಳಿತಕ್ಕಿಂತಲೂ ತಾಲಿಬಾನ್ ನಿಯಂತ್ರಣದಲ್ಲಿದ್ದ ಮೊದಲ ದಿನ ಉತ್ತಮವಾಗಿದೆ" ಎಂದು ಹೇಳಿದ್ದಾರೆ.

"ಕಾಬೂಲ್​ ತಾಲಿಬಾನ್​ ಆಳ್ವಿಕೆಯಲ್ಲಿರುವ ಮೊದಲ ದಿನ ಉತ್ತಮವಾಗಿದೆ. ಅಶ್ರಫ್ ಘನಿಗಿಂತ ತಾಲಿಬಾನ್​ ಆಡಳಿತ ಚೆನ್ನಾಗಿದೆ" ಎಂದು ರಾಯಭಾರಿ ಸೋಮವಾರ ಎಖೋ ಮಾಸ್ಕ್ವಿ ರೇಡಿಯೋ ಕೇಂದ್ರದ ನೇರ ಪ್ರಸಾರದಲ್ಲಿ ಹೇಳಿದ್ದಾರೆ.

ಆಗಸ್ಟ್​ 15ರಂದು ತಾಲಿಬಾನ್​ ಉಗ್ರರ ದಂಡು ರಾಜಧಾನಿ ಕಾಬೂಲ್​ ಪ್ರವೇಶಿಸಿದೆ. ದೇಶದ ಅಧ್ಯಕ್ಷರಾಗಿದ್ದ ಅಶ್ರಫ್ ಘನಿ ಈಗಾಗಲೇ ದೇಶ ತೊರೆದು ತಜಕಿಸ್ತಾನಕ್ಕೆ ಪಲಾಯನ ಮಾಡಿದ್ದಾರೆ. ಇದೇ ಸಂದರ್ಭದಲ್ಲಿ ಅಧ್ಯಕ್ಷರ ಅರಮನೆಯನ್ನು ಉಗ್ರರು ವಶಕ್ಕೆ ಪಡೆದು ಅಟ್ಟಹಾಸ ಮೆರೆದಿದ್ದಾರೆ. ಆದರೆ ರಷ್ಯಾದ ರಾಯಭಾರಿಯ ಈ ಹೇಳಿಕೆ ಗೊಂದಲಕ್ಕೆ ಎಡೆಮಾಡಿಕೊಟ್ಟಿದೆ.