ರಿಯಾದ್: ಇರಾನಿನ ಪರಮಾಣು ವಿಜ್ಞಾನಿ ಮೊಹ್ಸೆನ್ ಫಕ್ರಿಜಾದೆ ಹತ್ಯೆಯಲ್ಲಿ ತಮ್ಮ ದೇಶದ ಯಾವುದೇ ಪಾತ್ರವಿಲ್ಲ ಎಂದು ಸೌದಿ ಅರೇಬಿಯಾದ ವಿದೇಶಾಂಗ ವ್ಯವಹಾರಗಳ ಸಚಿವ ಅಡೆಲ್ ಅಲ್ ಜುಬೀರ್ ಮಂಗಳವಾರ ಸ್ಪಷ್ಟಪಡಿಸಿದ್ದಾರೆ.
ವಿಜ್ಞಾನಿ ಹತ್ಯೆ ಸೌದಿ ಅರೇಬಿಯಾ - ಯು.ಎಸ್-ಇಸ್ರೇಲ್ ಸಂಚು ಎಂದು ಇರಾನ್ ವಿದೇಶಾಂಗ ಸಚಿವ ಮೊಹಮ್ಮದ್ ಜಾವೇದ್ ಜರೀಫ್ ಆರೋಪಕ್ಕೆ ಅವರು ತಮ್ಮ ಟ್ವಿಟರ್ ಖಾತೆಯಲ್ಲಿ ಪ್ರತಿಕ್ರಿಯಿಸಿದ್ದಾರೆ.
ಹತ್ಯೆಗಳಲ್ಲಿ ತೊಡಗುವುದು ಸೌದಿ ಅರೇಬಿಯಾದ ನೀತಿಯಲ್ಲ ಎಂದು ಅಲ್ ಜುಬೀರ್ ಹೇಳಿದ್ದಾರೆ. ಇರಾನ್ ರಾಜಧಾನಿ ಟೆಹ್ರಾನ್ ಬಳಿ ಫಖ್ರಿಜಾದೆ ಅವರನ್ನು ಶುಕ್ರವಾರ "ಸಶಸ್ತ್ರ ಭಯೋತ್ಪಾದಕರು ಹತ್ಯೆ ಮಾಡಿದ್ದಾರೆ" ಎಂದು ಇರಾನಿನ ರಕ್ಷಣಾ ಸಚಿವಾಲಯ ತಿಳಿಸಿದೆ.
ಓದಿ:ನೆಟ್ಟಿಗರ ಮನಸೆಳೆದ ಆಕಾಶದಿಂದ ಧೂಮಕೇತು ಧುಮುಕುವ ದೃಶ್ಯ
2016 ರ ಆರಂಭದಲ್ಲಿ, ಸೌದಿ ಶಿಯಾ ಧರ್ಮಗುರು ನಮೀರ್ ಅಲ್ - ನಮೀರ್ ಸೇರಿದಂತೆ ಭಯೋತ್ಪಾದನೆ ಆರೋಪದ ಮೇಲೆ 47 ಜನರನ್ನು ಸೌದಿ ಗಲ್ಲಿಗೇರಿಸಿದ್ದನ್ನು ವಿರೋಧಿಸಿ ಇರಾನಿನವರು ಸೌದಿ ರಾಜತಾಂತ್ರಿಕ ಕಾರ್ಯಾಚರಣೆಗಳ ಮೇಲೆ ದಾಳಿ ನಡೆಸಿದ ನಂತರ ಸೌದಿ ಅರೇಬಿಯಾ ಇರಾನ್‌ನೊಂದಿಗಿನ ರಾಜತಾಂತ್ರಿಕ ಸಂಬಂಧಗಳನ್ನು ಕಡಿತಗೊಳಿಸಿತ್ತು.
