ಇಸ್ಲಾಮಾಬಾದ್: ಪಾಕಿಸ್ತಾನದಲ್ಲಿ ಕೊರೊನಾ ಲಸಿಕೆ ವಿತರಣೆಗಾಗಿ ಪಕ್ಕದ ಚೀನಾ ಮೊರೆ ಹೋಗಲು ನಿರ್ಧರಿಸಿದೆ. ಆರೋಗ್ಯ ಸಿಬ್ಬಂದಿಗೆ ಲಸಿಕೆ ನೀಡಲು ಚೀನಾ ಸರ್ಕಾರಿ ಒಡೆತನದ ಕಂಪನಿ ಸಿನೊಫಾರ್ಮ್ ಮೊರೆ ಹೋಗಿದೆ ಎಂದು ರಾಷ್ಟ್ರೀಯ ಆರೋಗ್ಯ ಸೇವೆಗಳು ಮತ್ತು ಸಮನ್ವಯ ಸಚಿವಾಲಯ ಮಾಹಿತಿ ನೀಡಿದೆ.
ಕೋವಿಡ್ -19 ಲಸಿಕೆ ಸಂಗ್ರಹಕ್ಕಾಗಿ ಮೇಲ್ವಿಚಾರಣಾ ಸಂಸ್ಥೆಯಾಗಿ ರಚಿಸಲಾದ ವಿಶೇಷ ಕ್ಯಾಬಿನೆಟ್ ಸಮಿತಿಯ ಸಭೆಯಲ್ಲಿ, ಲಸಿಕೆಗಾಗಿ ಮುಂಗಡ ಕಾಯ್ದಿರಿಸುವಿಕೆಗೆ ನಿರ್ಧರಿಸಿದೆ. ಇತರ ದೇಶಗಳಂತೆ ಮುಂಚೂಣಿಯಾಗಿ ಲಸಿಕೆಯನ್ನು ಮುಂಗಡ ಕಾಯ್ದಿರಿಸಲು ಸಮಿತಿ ಸೂಚಿಸಿದ್ದು, ಇದಕ್ಕಾಗಿ ಚೀನಾದ ಸರ್ಕಾರಿ ಸ್ವಾಮ್ಯದ ಕಂಪನಿಯೊಂದಿಗೆ ಮಾತುಕತೆ ನಡೆಸಿದೆ.
ಪಾಕಿಸ್ತಾನವು 2021ರ ಮಧ್ಯಂತರದ ಒಳಗಾಗಿ ಫ್ರಂಟ್ ಲೈನ್ ಆರೋಗ್ಯ ಸಿಬ್ಬಂದಿಗೆ ಉಚಿತವಾಗಿ ಕೊರೊನಾ ಲಸಿಕೆ ನೀಡಲು ನಿರ್ಧರಿಸಿದೆ. ಇದಕ್ಕಾಗಿ ಚೀನಾ ಕಂಪನಿಯ ಮೊರೆ ಹೋಗಿದೆ.
ಇದನ್ನೂ ಓದಿ: ಪಾಕಿಸ್ತಾನದ ಸಾಲಕ್ಕೆ ಚೀನಾ ಜಾಮೀನು ಕೊಟ್ಟು ಆನೆಗೆ ಚಡ್ಡಿ ತೊಡಿಸಲು ಹೊರಟಿತಾ..!?
