ಕಠ್ಮಂಡು (ನೇಪಾಳ): ಒಂದು ಕಾಲದಲ್ಲಿ 'ವಿಶ್ವದ ಅತಿ ಕುಬ್ಜ ವ್ಯಕ್ತಿ' ಎಂಬ ಖ್ಯಾತಿ ಪಡೆದಿದ್ದ ನೇಪಾಳಿ ಮೂಲದ ಖಾಗೇಂದ್ರ ಥಾಪಾ ಮಾಗರ್ (27) ಶುಕ್ರವಾರ ಮಧ್ಯಾಹ್ನ 3 ಗಂಟೆಗೆ ನಿಧನರಾಗಿದ್ದಾರೆ.
ನ್ಯುಮೋನಿಯಾದಿಂದ ಬಳಲುತ್ತಿದ್ದ ಅವರನ್ನು ಇಲ್ಲಿನ ಪೋಖರಾ ನಗರದ ಮಣಿಪಾಲ್ ಆಸ್ಪತ್ರೆಯಲ್ಲಿ ತೀವ್ರ ನಿಗಾ ಘಟಕಕ್ಕೆ ದಾಖಲಿಸಲಾಗಿತ್ತು. ಆದ್ರೆ ಚಿಕಿತ್ಸೆ ಫಲಿಸದೇ ಆಸ್ಪತ್ರೆಯಲ್ಲೇ ಮೃತಪಟ್ಟಿದ್ದಾರೆ ಎಂದು ಖಾಗೇಂದ್ರ ಥಾಪಾ ಮಾಗರ್ ಫೌಂಡೇಶನ್ನ ಅಧ್ಯಕ್ಷ ಮಿನ್ಬಹದ್ದೂರ್ ರಾಣಾ ಮಾಹಿತಿ ನೀಡಿದ್ದಾರೆ.
1992 ರ ಅಕ್ಟೋಬರ್ 14 ರಂದು ಥಾಪಾ ಪೋಖರಾದಲ್ಲಿ ಜನಿಸಿದ್ದರು. ಕೇವಲ 67 ಸೆಂ.ಮೀಟರ್ ಎತ್ತರ ಮತ್ತು 6 ಕೆಜಿ ತೂಕವಿದ್ದ ಥಾಪಾ ಅವರನ್ನು 2010ರಲ್ಲಿ ವಿಶ್ವದ ಅತಿ ಕುಬ್ಜ ವ್ಯಕ್ತಿ ಎಂದು ಗಿನ್ನಿಸ್ ದಾಖಲೆಗೆ ಸೇರಿದ್ದರು.
ಬಳಿಕ 59.93 ಸೆಂ.ಮೀಟರ್ ಎತ್ತರ ಮತ್ತು 5 ಕೆ.ಜಿ.ತೂಕ ಹೊಂದಿದ್ದ ಫಿಲಿಫೈನ್ಸ್ ಜುನ್ರಿ ಬಾಲಾವಿಂಗ್ ಅವರು ಥಾಪಾ ದಾಖಲೆಯನ್ನು ಅಳಿಸಿ ಹಾಕಿ ವಿಶ್ವದ ಅತಿ ಕುಬ್ಜ ವ್ಯಕ್ತಿ ಬಿರುದನ್ನು ಪಡೆದುಕೊಂಡರು.