ಟೆಹರಾನ್ (ಇರಾನ್): ಚಬಹಾರ್-ಜಹೇದಾನ್ ರೈಲ್ವೆ ಯೋಜನೆಯಿಂದ ಭಾರತನ್ನು ಕೈಬಿಡಲಾಗಿದೆ ಎಂಬ ಭಾರತೀಯ ಪತ್ರಿಕೆಯ ವರದಿಯನ್ನು ಇರಾನ್ ನಿರಾಕರಿಸಿದೆ.
ಇರಾನ್‌ನ ಬಂದರುಗಳು ಮತ್ತು ಕಡಲ ಸಂಘಟನೆಯ ಫರ್ಹಾದ್ ಮೊಂಟಾಸರ್ ಈ ಸುದ್ದಿ ಸಂಪೂರ್ಣವಾಗಿ ಸುಳ್ಳು ಎಂದಿದ್ದಾರೆ. ಏಕೆಂದರೆ ಚಬಹಾರ್-ಜಹೇದಾನ್ ರೈಲ್ವೆಗೆ ಸಂಬಂಧಿಸಿದಂತೆ ಇರಾನ್ ಭಾರತದೊಂದಿಗೆ ಯಾವುದೇ ಒಪ್ಪಂದ ಮಾಡಿಕೊಂಡಿಲ್ಲ ಎಂದು ಅಲ್ ಜಜೀರಾ ನಿನ್ನೆ ವರದಿ ಮಾಡಿದೆ.
"ಇರಾನ್ ಚಬಹಾರ್ನಲ್ಲಿ ಹೂಡಿಕೆಗಾಗಿ ಭಾರತೀಯರೊಂದಿಗೆ ಎರಡು ಒಪ್ಪಂದಗಳಿಗೆ ಮಾತ್ರ ಸಹಿ ಹಾಕಿದೆ. ಒಂದು ಬಂದರಿನ ಯಂತ್ರೋಪಕರಣಗಳು ಮತ್ತು ಸಲಕರಣೆಗಳಿಗೆ ಸಂಬಂಧಿಸಿದೆ, ಮತ್ತು ಎರಡನೆಯದು ಭಾರತದ ಹೂಡಿಕೆಯ 150 ಮಿಲಿಯನ್ ಡಾಲರ್ಗೆ ಸಂಬಂಧಿಸಿದೆ" ಎಂದು ಇರಾನ್ ಸುದ್ದಿ ಸಂಸ್ಥೆ ಉಲ್ಲೇಖಿಸಿದೆ.
