ತಾಲಿಬಾನ್​ ಜತೆ ಶಾಂತಿ ಒಪ್ಪಂದ: ಅಮೆರಿಕ ಸೇನೆ ಶೀಘ್ರ ತವರಿಗೆ ವಾಪಸ್​​​​

ಅಮೆರಿಕ ತಾಲಿಬಾನ್ ಜೊತೆಗೆ ಶಾಂತಿ ಒಪ್ಪಂದಕ್ಕೆ ಶನಿವಾರ ಸಹಿ ಹಾಕಿದ ಹಿನ್ನೆಲೆ ಅಫ್ಘಾನಿಸ್ತಾನದಿಂದ ತನ್ನ ಸೈನ್ಯ ವಾಪಸ್​​ ಕರೆತರಲು ಚಿಂತಿಸುತ್ತಿದೆ ಎಂದು ಯುಎಸ್​​ನ ರಕ್ಷಣಾ ಕಾರ್ಯದರ್ಶಿ ಮಾರ್ಕ್ ಎಸ್ಟರ್​​ ತಿಳಿಸಿದ್ದಾರೆ.

ವಾಷಿಂಗ್ಟನ್: ತಾಲಿಬಾನ್​ ಜತೆ ಅಮೆರಿಕ ಶಾಂತಿ ಒಪ್ಪಂದ ಮಾಡಿಕೊಂಡಿರುವ ಹಿನ್ನೆಲೆಯಲ್ಲಿ ಅಫ್ಘಾನಿಸ್ತಾನದಲ್ಲಿರುವ ತನ್ನ ಸೈನ್ಯವನ್ನು ವಾಪಸ್​​ ಕರೆಸಲು ಚಿಂತನೆ ನಡೆಸಿದ್ದೇವೆ ಎಂದು ಯುಎಸ್​​ನ ರಕ್ಷಣಾ ಕಾರ್ಯದರ್ಶಿ ಮಾರ್ಕ್ ಎಸ್ಟರ್​​ ಹೇಳಿದ್ದಾರೆ.

ಡ್ರಾಡೌನ್ ಪ್ರಾರಂಭವಾಗಿದೆಯೇ ಎಂದು ಖಚಿತವಾಗಿಲ್ಲ. ಆದರೆ, ತಾಲಿಬಾನ್ ಜೊತೆಗಿನ ಶಾಂತಿ ಒಪ್ಪಂದಕ್ಕೆ ಶನಿವಾರ ಸಹಿ ಹಾಕಿದ 10 ದಿನಗಳಲ್ಲಿ ಅದನ್ನು ಪ್ರಾರಂಭಿಸುವ ಅಗತ್ಯವಿದೆ ಎಂದು ಅವರು ಹೇಳಿದ್ದಾರೆ.

ಪ್ರಸ್ತುತ ಅಫ್ಘಾನಿಸ್ತಾನದಲ್ಲಿ 13 ಸಾವಿರ ಅಮೆರಿಕನ್​ ಸೈನಿಕರಿದ್ದು, ಅದರಲ್ಲಿ 8,600 ಸೈನಿಕರನ್ನ ವಾಪಸ್​ ಕರೆಯಿಸಿಕೊಳ್ಳಲಿದ್ದೇವೆ ಕಾಬೂಲ್​​​ನಲ್ಲಿರುವ ಯುಎಸ್​ ಕಮಾಂಡರ್​ ಜನರಲ್​​​​ ಸ್ಕಾಟ್​ ಮಿಲ್ಲರ್​ ಮಾಹಿತಿ ನೀಡಿದ್ದಾರೆ.

ಯುಎಸ್ ಮತ್ತು ತಾಲಿಬಾನ್​​​ ನಡುವೆ ಶಾಂತಿ ಒಪ್ಪಂದವಾದ ಕಾರಣ ಅಫ್ಘಾನಿಸ್ತಾನದಲ್ಲಿ ಹಿಂಸಾಚಾರ ನಿಲ್ಲಲಿದೆ ಎಂಬ ನಿರೀಕ್ಷೆಯಲ್ಲಿದ್ದೇವೆ ಎಂದು ಮಾರ್ಕ್ ಮಿಲ್ಲೆ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ತಾಲಿಬಾನ್ ಸೇರಿದಂತೆ ಅಫ್ಘಾನ್​​ ನಡುವೆ ಮಾರ್ಚ್​ 10 ರೊಳಗೆ ಶಾಂತಿ ಮಾತುಕತೆ ನಡೆಯಲಿದೆ ಎಂದು ಯುಎಸ್ ನಿರೀಕ್ಷಿಸುತ್ತದೆ ಎಂದು ಎಸ್ಪರ್ ಹೇಳಿದ್ದಾರೆ.