ವಾಷಿಂಗ್ಟನ್ : ಕ್ಸಿನ್ಜಿಯಾಂಗ್ ಪ್ರದೇಶದಲ್ಲಿ ಉಯಿಘರ್ ಮತ್ತು ಇತರ ಮುಸ್ಲಿಂ ಅಲ್ಪಸಂಖ್ಯಾತರನ್ನು ನಿಂದಿಸಿ, ಕಿರುಕುಳ ಕೊಟ್ಟ ಆರೋಪದ ಮೇಲೆ ಚೀನಾದ ಮೇಲೆ ನಿರ್ಬಂಧ ಹೇರುವ ಮತ್ತು ಉಯಿಘರ್ಗಳ ಹಕ್ಕುಗಳನ್ನು ರಕ್ಷಿಸುವ ಮಸೂದೆಯನ್ನು ಯುಎಸ್ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಅಂಗೀಕರಿಸಿದೆ.
ಡೆಮೋಕ್ರಾಟ್ ನಿಯಂತ್ರಿತ ಸದನವು ಮಸೂದೆಯನ್ನು 431/1 ರಿಂದ ಅಂಗೀಕರಿಸಿತು, ಆದ್ದರಿಂದ ಎರಡು ವಾರಗಳ ಹಿಂದೆ ರಿಪಬ್ಲಿಕನ್ ಬಹುಮತದ ಸೆನೆಟ್ ಮಂಡಿಸಿದ ಮಸೂದೆಯು ಈಗ ಪಾಸ್ ಆಗಿದ್ದು, ಡೊನಾಲ್ಡ್ ಟ್ರಂಪ್ ಸಹಿ ಹಾಕಬೇಕಿದೆ.
ಈ ಮಸೂದೆಯೂ ಕಾನೂನಾಗಿ ಜಾರಿಯಾದರೆ, ಉಯಿಘರ್ ಮುಸ್ಲಿಮರಿಗೆ ಕಿರುಕುಳ ಕೊಟ್ಟ ಚೀನಾದ ಅಧಿಕಾರಿಗಳ ವಿರುದ್ಧ ನಿರ್ಬಂಧ ಹೇರಲಾಗುತ್ತದೆ. ಮಸೂದೆಯ ಅನುಮೋದನೆ ಮೂಲಕ ಕಿರುಕುಳಕ್ಕೊಳಗಾದವರನ್ನು ನಮಗೆ ಮರೆಯಲಾಗುವುದಿಲ್ಲ ಎಂಬ ಸಂದೇಶವನ್ನು ಕಳುಹಿಸುತ್ತಿದ್ದೇವೆ ಎಂದು ಸದನದ ಸ್ಪೀಕರ್ ನ್ಯಾನ್ಸಿ ಪೆಲ್ಲೋಸಿ ಹೇಳಿದ್ದಾರೆ. ಕ್ಸಿನ್ಜಿಯಾಂಗ್ ಪ್ರದೇಶದಲ್ಲಿ 1 ಮಿಲಿಯನ್ಗಿಂತಲೂ ಹೆಚ್ಚು ಉಯಿಘರ್ ಮುಸ್ಲಿಮರನ್ನು ಬಂಧನ ಶಿಬಿರಗಳಲ್ಲಿ ಇರಿಸಲಾಗಿದೆ.