ಮಿಯಾಮಿ ( ಅಮೆರಿಕ): ಡೊನಾಲ್ಡ್ ಟ್ರಂಪ್ ತಮ್ಮ ಅಧಿಕಾರಾವಧಿಯಲ್ಲಿ ಫ್ಲೋರಿಡಾದ ಪಾಮ್ ಬೀಚ್ ನಗರದ ಮಾರ್ - ಎ - ಲಾಗೋದಲ್ಲಿ ನಿರ್ಮಾಣ ಮಾಡಿದ್ದ ಹೆಲಿಪ್ಯಾಡ್ ಅನ್ನು ಶೀಘ್ರವೇ ಧ್ವಂಸ ಮಾಡಲಾಗುತ್ತದೆ ಎಂದು ಕೆಲವು ಮಾಧ್ಯಮಗಳು ವರದಿ ಮಾಡಿವೆ.
ಫೆಬ್ರವರಿ 2017ರಲ್ಲಿ ಈ ಹೆಲಿಪ್ಯಾಡ್ ಅನ್ನು ನಿರ್ಮಾಣ ಮಾಡಲಾಗಿದ್ದು, ಎಂಟು ಇಂಚು ಆಳಕ್ಕೆ ಮತ್ತು 50 ಅಡಿ ಉದ್ದದ ಕಾಂಕ್ರಿಟ್ ಸ್ಲ್ಯಾಬ್ ಮೂಲಕ ನಿರ್ಮಾಣ ಮಾಡಲಾಗಿದೆ. ಈಗ ಆ ಹೆಲಿಪ್ಯಾಡ್ ಅನ್ನು ಧ್ವಂಸಗೊಳಿಸುವ ಮಾತುಗಳು ಕೇಳಿಬರುತ್ತಿವೆ.
ಪಾಮ್ ಬೀಚ್ ನಗರದ ಮ್ಯಾನೇಜರ್ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದು, ನಗರ ಕ್ಲಬ್ನ ಪ್ರತಿನಿಧಿಗಳು ಕೆಲವು ವಾರಗಳ ಹಿಂದೆ ಹೆಲಿಪ್ಯಾಡ್ ಕೆಡವಲು ಅನುಮತಿ ಪಡೆದುಕೊಂಡಿದ್ದು, ಇನ್ನೂ ದಿನಾಂಕ ನಿಗದಿ ಮಾಡಿಲ್ಲ.
