ಲಂಡನ್ : ಬ್ರಿಟನ್‌ನ ಸಂಸತ್ತಿನ ಸದಸ್ಯರು ಹೌಸ್ ಆಫ್ ಕಾಮನ್ಸ್‌ಗೆ ಆಗಮಿಸಿದ್ದು, ಈ ವೇಳೆ ಸ್ಪೀಕರ್ ಅವರ ಉಡುಪಿನ ಬಗ್ಗೆ ಎಚ್ಚರಿಕೆ ನೀಡಿದ್ದಾರೆ. ಸ್ಪೀಕರ್ ಸರ್ ಲಿಂಡ್ಸೆ ಹೋಯ್ಲ್ ಅವರು ಸದಸ್ಯರಿಗೆ ಕೆಲವು ಹೊಸ ನೀತಿ ನಿಯಮಗಳನ್ನು ತಿಳಿಸಿದ್ದು, ಸಂಸದರಾದವರು ಹೇಗೆ ಇರಬೇಕು ಎಂದು ಸಲಹೆ ನೀಡಿದ್ದಾರೆ.
ನೂತನ ನಿಯಮದ ಪ್ರಕಾರ ಸಂಸದರು ತಮ್ಮ ಉಡುಗೆ ಬಗ್ಗೆ ಗಮನ ಹರಿಸಬೇಕು. ತಾವು ಯಾವ ವಸ್ತ್ರವನ್ನು ಧರಿಸುತ್ತಿದ್ದೇನೆ ಎಂಬ ಅರಿವು ಇರಬೇಕು. ಇದು ನಿಮಗೆ ಮತ ನೀಡಿದವರ ಮೇಲೆ ಗೌರವವನ್ನು ಪ್ರದರ್ಶಿಸುವಂತಿರಬೇಕು. ಹಾಗೆ ಸಂಸತ್ತು ಮತ್ತು ಸಂಸ್ಥೆಯನ್ನು ಗೌರವಿಸುವಂತಿರಬೇಕು ಎಂದು ಹೇಳಿದ್ದಾರೆ.
ಈ ಬಗ್ಗೆ ಹೊಸ ನಿಯಮಗಳನ್ನು ಓದಿ ಹೇಳಿರುವ ಅವರು, ಚೇಂಬರ್ ಮತ್ತು ಸುತ್ತಮುತ್ತಲಿನ ಸದಸ್ಯರು ಬ್ಯುಸಿನೆಸ್ ಅಟೈರ್( ಕೋಟ್,ಟೈ, ಜಾಕೆಟ್ ಉಡುಪು) ಧರಿಸಬೇಕು ಎಂದಿದ್ದಾರೆ. ಈ ನಿಯಮದ ಪ್ರಕಾರ, ಜೀನ್ಸ್, ಚಿನೋಸ್, ಕ್ರೀಡಾ ಉಡುಪು ಅಥವಾ ಯಾವುದೇ ಇತರ ಕ್ಯಾಶುವಲ್ ಪ್ಯಾಂಟ್ ಸೂಕ್ತವಲ್ಲ.
ಟೀ ಶರ್ಟ್ ಮತ್ತು ಸ್ಲೀವ್ ಲೆಸ್ ಟಾಪ್ ಗಳನ್ನು ಬ್ಯುಸಿನೆಸ್ ಅಟೈರ್ ಆಗಿ ಪರಿಗಣಿಸುವಿದಿಲ್ಲ. ಈ ಹಿನ್ನೆಲೆ ಸ್ಮಾರ್ಟ್/ಬ್ಯುಸಿನೆಸ್ ಶೂಗಳನ್ನು ಎಲ್ಲರೂ ಧರಿಸಬೇಕು. ಹಾಗೆ ಕ್ಯಾಶುವಲ್ ಶೂಗಳು ಸೂಕ್ತವಲ್ಲ. ಪುರುಷರು ಟೈ ಮತ್ತು ಜಾಕೆಟ್ ಗಳನ್ನು ಧರಿಸಬೇಕು ಎಂದು ನಿಯಮದಲ್ಲಿ ತಿಳಿಸಲಾಗಿದೆ.
ಸಂಸತ್ತಿನ ಸದಸ್ಯರಾಗಿ ಸೇವೆ ಸಲ್ಲಿಸುವುದು ಒಂದು ಭಾಗ್ಯ. ನಿಮ್ಮ ಉಡುಗೆ, ಭಾಷೆ ಮತ್ತು ನಡವಳಿಕೆಯು ಪ್ರತಿಬಿಂಬಿಸುವಂತಿರಬೇಕು ಎಂದು ಸೂಚಿಸಲಾಗಿದೆ. ಈ ಹೊಸ ನಿಯಮಗಳು ಹೋಯ್ಲ್ ಅವರಿಗಿಂತ ಹಿಂದೆ ಇದ್ದ ಜಾನ್ ಬೆರ್ಕೊ ಅವರ ನಿಯಮಗಳಿಗಿಂತ ಕೊಂಚ ಕಠಿಣವಾಗಿವೆ. ಅವರು ಹೆಚ್ಚು ಶಾಂತತೆಗೆ ಹೆಸರುವಾಸಿಯಾಗಿದ್ದರು. ಹಾಗೆ ಸಂಸದರಿಗೆ "ನಿಖರವಾದ ಡ್ರೆಸ್ ಕೋಡ್ ಇಲ್ಲ" ಎಂದು ನಂಬಿದ್ದರು.
ಹೆಚ್ಚಿನ ಓದಿಗೆ: ಎರಡು ವರ್ಷಗಳ ನಂತರ ಶಾಲೆಗೆ ಹೋಗುವ ಭಾಗ್ಯ ; ಸ್ಯಾನಿಟೈಸ್ಗೆ ಮುಂದಾದ ಶಾಲೆಗಳು
ಸಂಸತ್ನಲ್ಲಿ ಕೂಗಾಟ, ಆರ್ಭಟ ನಿಯಂತ್ರಣಕ್ಕೂ ನಿಯಮ ರೂಪಿಸಲಾಗಿದೆ. ಈ ನಿಯಮದ ಪ್ರಕಾರ ಹಾಡುವುದು, ಗುನುಗುವುದನ್ನು ನಿಷೇಧಿಸಲಾಗಿದೆ. ಹಾಗೂ ಚರ್ಚೆಗೆ ಲಭ್ಯವಿರುವ ಸಮಯವನ್ನು ತಿನ್ನುವುದರಿಂದ ಚಪ್ಪಾಳೆ ತಟ್ಟುವುದನ್ನು ಸಹ ಅನುಮತಿಸಲಾಗುವುದಿಲ್ಲ ಎಂದು ಹೊಸ ನಿಯಮದಲ್ಲಿ ಹೇಳಲಾಗಿದೆ.
ಈ ಹೊಸ ನಿಯಮಗಳ ಬಗ್ಗೆ ಸಂಸದರು ಕೂಡ ಗಮನ ಹರಿಸುವಂತೆ ತಿಳಿಸಲಾಗಿದೆ. ಚರ್ಚೆ ನಡೆಯುವಾಗ ಪುಸ್ತಕಗಳು ಅಥವಾ ಪತ್ರಿಕೆಗಳನ್ನು ಓದಬಾರದು ಅಥವಾ ಫೋನ್ ಹಾಗೂ ಇತರ ಎಲೆಕ್ಟ್ರಾನಿಕ್ ಸಾಧನವನ್ನು ಬಳಕೆ ಮಾಡಬಾರದು ಎಂದು ಎಚ್ಚರಿಸಲಾಗಿದೆ.
